ನವದೆಹಲಿ, ಜುಲೈ 11: ದೇಶದಲ್ಲಿನ  ಕೋವಿಡ್- ೧೯ ಪರಿಸ್ಥಿತಿಯನ್ನು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಶನಿವಾರ  ಪರಿಶೀಲನೆ   ನಡೆಸಿದರು. 

ವಿಡಿಯೋ ಕಾನ್ಫರೆನ್ಸ್ ಮೂಲಕ ಆಯೋಜಿಸಿದ್ದ  ಸಭೆಯಲ್ಲಿ  ಗೃಹ ಸಚಿವ ಅಮಿತ್ ಶಾ,  ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ  ಡಾ|| ಹರ್ಷ ವರ್ಧನ್, ನೀತಿ ಆಯೋಗದ ಸದಸ್ಯರು,  ಸಂಪುಟ ಕಾರ್ಯದರ್ಶಿ, ಕೇಂದ್ರ ಸರ್ಕಾರದ ಹಿರಿಯ ಅಧಿಕಾರಿಗಳು ಪಾಲ್ಗೊಂಡಿದ್ದರು.  ಕೋವಿಡ್   ಪ್ರಸ್ತುತ  ಪರಿಸ್ಥಿತಿ,  ಕೈಗೊಳ್ಳುತ್ತಿರುವ ಜಾಗೃತ  ಕ್ರಮಗಳ  ಬಗ್ಗೆ  ಪ್ರಧಾನಿ ಮೋದಿ  ಈ ಸಭೆಯಲ್ಲಿ  ಪರಿಶೀಲಿಸಿದರು.

ದೆಹಲಿಯಲ್ಲಿ ಕೊರೊನಾ  ಸಾಂಕ್ರಾಮಿಕ  ನಿಯಂತ್ರಣಕ್ಕೆ ತರುವಲ್ಲಿ  ಕೇಂದ್ರ, ರಾಜ್ಯ, ಸ್ಥಳೀಯ ಆಡಳಿತ ಯಂತ್ರ  ಕೈಗೊಳ್ಳುತ್ತಿರುವ  ಕ್ರಮಗಳಿಗೆ  ಪ್ರಧಾನಿ   ಮೋದಿ ಈ ಸಂದರ್ಭದಲ್ಲಿ ಅಭಿನಂಧಿಸಿದರು.

 ರಾಷ್ಟ್ರೀಯ ರಾಜಧಾನಿ ಪ್ರದೇಶದಲ್ಲಿ ಕೋವಿಡ್  ನಿಗ್ರಹಕ್ಕೆ  ಅನುಸರಿಸುತ್ತಿರುವ  ವಿಧಾನವನ್ನು   ಇತರ ರಾಜ್ಯಗಳು ಕೂಡಾ  ಅಳವಡಿಸಬೇಕು ಎಂದು  ನಿರ್ದೇಶನ ನೀಡಿದರು ಕೋವಿಡ್ ಹರಡುವುದನ್ನು ತಡೆಯಲು ಜನರಲ್ಲಿ ವ್ಯಾಪಕ   ಜಾಗೃತಿ ಮೂಡಿಸಬೇಕು ಎಂದು ಪ್ರಧಾನಿ ಸಲಹೆ ನೀಡಿದರು.

ವ್ಯಕ್ತಿಗತ ಸ್ವಚ್ಚತೆ,  ಸಾರ್ವಜನಿಕ ಸ್ಥಳಗಳಲ್ಲಿ  ಸಾಮಾಜಿಕ ಅಂತರ ಪಾಲಿಸಬೇಕಾದ ಅಗತ್ಯವನ್ನು  ಪ್ರಧಾನಿ ಪುನರುಚ್ಚಿಸಿದರು.