ಬೆಳಗಾವಿ 21: ನಗರದ ಕುಮಾರ ಗಂಧರ್ವ ಮಂದಿರದಲ್ಲಿ ಕರ್ನಾಟಕ ರಾಜ್ಯ ಮಕ್ಕಳ ಸಾಹಿತ್ಯ ಪರಿಷತ್ತು ವತಿಯಿಂದ ಜು. 26 ರಂದು  ಶನಿವಾರ ನಡೆಯಲಿರುವ ಬೆಳಗಾವಿ ಜಿಲ್ಲಾ ಪ್ರಥಮ ಮಕ್ಕಳ ಕನ್ನಡ ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷರಾಗಿ ಆಯ್ಕೆಯಾದ ಎಸ್ .ಎಮ್ ಶಿರೂರ  ಹಾಗೂ ಲಾವಣ್ಯಾ ಎಮ್‌. ಅಂಗಡಿ ಅವರನ್ನು ಬೆಳಗಾವಿ ಮಸಾಪ  ಪದಾಧಿಕಾರಿಗಳು ಅವರ ನಿವಾಸದಲ್ಲಿ ಸನ್ಮಾನ ಮಾಡಿ, ಸಮ್ಮೇಳನದ ಆಮಂತ್ರಣ ಪತ್ರವನ್ನು ನೀಡಿ ಅಧಿಕೃತವಾಗಿ ಆಮಂತ್ರಿಸಲಾಯಿತು. 

ಈ ಸಂದರ್ಭದಲ್ಲಿ ಮಸಾಪ  ಜಿಲ್ಲಾಧ್ಯಕ್ಷರಾದ ಸಿದ್ರಾಮ ಮಾ. ನಿಲಜಗಿ, ಉಪಾಧ್ಯಕ್ಷರಾದ ಡಾ. ಪ್ರಕಾಶ ಅ. ಹೊಸಮನಿ, ಜಿಲ್ಲಾ ಸಂಘಟನಾ ಕಾರ್ಯದರ್ಶಿ  ಎಂ ವೈ. ಮೆಣಸಿನಕಾಯಿ, ಬೆಳಗಾವಿ ತಾಲೂಕ ಅಧ್ಯಕ್ಷ  ಸುರೇಶ್ ಸಕ್ರೆನ್ನವರ್ , ಹುಕ್ಕೇರಿ ತಾಲೂಕ ಕಸಾಪ ಅಧ್ಯಕ್ಷ  ಪ್ರಕಾಶ್ ಅವಲಕ್ಕಿ, ಮಕ್ಕಳ ಸಾಹಿತಿ  ಹನುಮಂತ್ ನಾಗಪ್ಪಗೋಳ, ಪ್ರೊ ಜಯಾನಂದ್ ಮಾದರ್ , ಹಾಗೂ ಮಸಾಪ ಪದಾಧಿಕಾರಿಗಳು ಇತರರು ಇದ್ದರು.