ಲಿಂಗರಾಜ ಮಹಾವಿದ್ಯಾಲಯದಲ್ಲಿ ರಾಷ್ಟ್ರೀಯ ಕ್ರೀಡಾ ದಿನಾಚರಣೆ   

ಬೆಳಗಾವಿ 29: ವಿದ್ಯಾರ್ಥಿಗಳು ಪಾಠದಂತೆ ಆಟದಲ್ಲೂ ಭಾಗವಹಿಸಬೇಕು. ಪಠ್ಯೇತರ ಚಟುವಟಿಕೆಗಳಿಂದ ವಿದ್ಯಾರ್ಥಿಗಳ ವ್ಯಕ್ತಿತ್ವ ವಿಕಸನವಾಗುತ್ತದೆ ಎಂದು ಪ್ರಾಚಾರ್ಯ ಡಾ ಹನಮಂತ ಮೇಲಿನಮನಿ ನುಡಿದರು.  

ಅವರು ಶುಕ್ರವಾರ ಲಿಂಗರಾಜ ಮಹಾವಿದ್ಯಾಲಯದಲ್ಲಿ ಆಯೋಜಿಸಿದ್ದ ರಾಷ್ಟ್ರೀಯ ಕ್ರೀಡಾ ದಿನಾಚರಣೆಯ ಅಂಗವಾಗಿ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು.  

ವಿದ್ಯಾರ್ಥಿಗಳು ಕೇವಲ ಫಲಿತಾಂಶದ ಮೇಲೆ ಗಮನ ಹರಿಸದೆ ಕ್ರೀಡೆಯಲ್ಲಿ ಭಾಗವಹಿಸಬೇಕು ಹಾಗೂ ಸತತ ಅಭ್ಯಾಸದಿಂದ ಯಶಸ್ಸನ್ನು ಪಡೆಯಬೇಕು ಭವಿಷ್ಯದ ದಿನಗಳಲ್ಲಿ ಕ್ರೀಡೆಯಲ್ಲಿ ರಾಷ್ಟ್ರಮಟ್ಟವನ್ನು ಪ್ರತಿನಿಧಿಸಬೇಕೆಂದು ತಿಳಿಸಿದರು.  

ಇತ್ತೀಚೆಗೆ ಉಡುಪಿಯಲ್ಲಿ ಕರ್ನಾಟಕ ಅಥ್ಲೆಟಿಕ್ ಅಸೋಸಿಯೆಷನ್ ಆಯೋಜಿಸಿದ್ದ ಕರ್ನಾಟಕ ರಾಜ್ಯ ಅಂಡರ್ - 23 ಅಥ್ಲೆಟಿಕ್ ಕ್ರೀಡಾಕೂಟದಲ್ಲಿ ಸಾಧನೆಗೈದ ಮಹಾವಿದ್ಯಾಲಯದ ವಿದ್ಯಾರ್ಥಿಗಳಾದ ಕಲ್ಲೋಳಪ್ಪ ಬಂಡಿವಡ್ಡರ ಭರ್ಚೀ ಎಸೆತ (ಜಾವಲಿನ್ ಥ್ರೋ) ದಾಖಲೆಯ 70.21 ಮೀ ದೂರದ ಎಸೆತದೊಂದಿಗೆ ಚಿನ್ನದ ಪದಕ, ಭೂಷಣ ಪಾಟೀಲ 400 ಮೀ ಹಡ್ಲ್ರ್ಸ್ನಲ್ಲಿ ಚಿನ್ನದ ಪದಕ, ಸಂಜಯ ಪಾಟೀಲ 110 ಮೀ ಹಡ್ಲ್ರ್ಸ್ನಲ್ಲಿ ಚಿನ್ನದ ಪದಕ, ಶ್ರೀನಾಥ್ ದಳವಿ 400 ಮೀ ಓಟದಲ್ಲಿ ಚಿನ್ನದ ಪದಕ, ಅಪೂರ್ವಾ ನಾಯಿಕ 400 ಮೀ ಮತ್ತು 100 ಮೀ ಹರ್ಡಲ್ನಲ್ಲಿ  ಚಿನ್ನ ಹಾಗೂ ಬೆಳ್ಳಿ ಪದಕ, ವೈಭವಿ ಭಿ 200 ಮೀ ಮತ್ತು 100 ಮೀ ಓಟದಲ್ಲಿ  ಚಿನ್ನ ಹಾಗೂ ಬೆಳ್ಳಿ ಪದಕ, ಸ್ಪುರಾ ನಾಯಿಕ್ ಹ್ಯಾಮರ್ ಥ್ರೋನಲ್ಲಿ ಚಿನ್ನದ ಪದಕ, ಸ್ಮಿಥಾ ಕೆ ಟ್ರಿಪಲ್ ಜಂಪನಲ್ಲಿ ಕಂಚಿನ ಪದಕ, ಭವ್ಯಾ ಚಿ ಜೆ ಭರ್ಚಿ ಎಸೆತದಲ್ಲಿ ಚಿನ್ನದ ಪದಕ ಪಡೆದಿದ್ದಾರೆ. ಸಾಧನೆಗೈದ ಎಲ್ಲ ವಿದ್ಯಾರ್ಥಿಗಳನ್ನು ಪ್ರಾಚಾರ್ಯರು ಅಭಿನಂದಿಸಿದರು. ದೈಹಿಕ ಶಿಕ್ಷಣ ನಿರ್ದೇಶಕ ಡಾ ಸಿ ರಾಮಾರಾವ ವಂದಿಸಿದರು.