ಮಾಂಜರಿ 29: ವಿದ್ಯಾರ್ಥಿ ಜೀವನದಲ್ಲಿ ಶಿಸ್ತು ಬಹಳ ಮುಖ್ಯ ಪ್ರಸ್ತುತ ದಿನಮಾನಗಳಲ್ಲಿ ವಿದ್ಯಾರ್ಥಿಗಳು ಜೀವನದಲ್ಲಿ ಶ್ರದ್ಧೆಯಿಂದ ನಿಷ್ಠೆಯಿಂದ ವಿದ್ಯಾಭ್ಯಾಸ ಮಾಡಿದರೆ ಮುಂದಿನ ಜೀವನದಲ್ಲಿ ಉನ್ನತ ಸ್ಥಾನಕ್ಕೆ ಹೋಗಬಹುದು ಎಂದು ಪಿ. ಕೆ . ಪಿ. ಎಸ್ ನ ಚೇರಮನ್ ರಾದ ರಾಜಾರಾಮ್ ಮಾನೆ ಹೇಳಿದರು. 

ಅವರು ಚಿಕ್ಕೋಡಿ ತಾಲೂಕಿನ ಅಂಕಲಿ ಗ್ರಾಮದಲ್ಲಿರುವ ಕೆ. ಎಲ್‌. ಇ ಸಂಸ್ಥೆಯ ಪದವಿ ಮಹಾವಿದ್ಯಾಲಯದ ರಾಷ್ಟ್ರೀಯ ಸೇವಾ ಯೋಜನೆ ಘಟಕದ ವತಿಯಿಂದ ಗುರುವಾರರಂದು ದತ್ತು ಗ್ರಾಮವಾದ ಇಂಗಳಿಯಲ್ಲಿ ಏಳು ದಿನಗಳ ವಾರ್ಷಿಕ ಶಿಬಿರವನ್ನು ಆಯೋಜಿಸಲಾಗಿದ್ದು, ಈ ಕಾರ್ಯಕ್ರಮದ ಉದ್ಘಾಟಕರಾಗಿ ಆಗಮಿಸಿದ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು  

ಈ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾದ ಪ್ರೊ.  ಶಿವಾನಂದ್ ಹಿರೇಮಠ ಅವರು ವಿದ್ಯಾರ್ಥಿಗಳನ್ನು ಕುರಿತು ವ್ಯಕ್ತಿಯ ಜೀವನದಲ್ಲಿ ಸಮಯ ಬಹಳ ಮುಖ್ಯ ನಾವು ಸಮಯಕ್ಕೆ ಬದ್ಧರಾಗಿ ನಡೆಯಬೇಕು ಸಮಯ ಪ್ರಜ್ಞೆ ವಿದ್ಯಾರ್ಥಿ ಜೀವನದಲ್ಲಿ ಬಹಳ ಮುಖ್ಯ ಎಂದು ಕಿವಿಮಾತು ಹೇಳಿದರು.  

 ಅಧ್ಯಕ್ಷತೆ ವಹಿಸಿದ ಪ್ರೊ. ಎಂ. ಎಸ್‌. ಕಾನಡೆಯವರು ಸೇವಾ ಕಾರ್ಯವನ್ನು ನಿಸ್ವಾರ್ಥದಿಂದ ಮಾಡುವ ಏಕೈಕ ವ್ಯಕ್ತಿ ಎಂದರೆ ಸ್ವಯಂಸೇವಕರು ಅವರು ಸಮಾಜದ ಉನ್ನತಿಗೋಸ್ಕರ  ಕೆಲಸ ಮಾಡುವವರು ಎಂದು ಅಧ್ಯಕ್ಷಪರ ನುಡಿಗಳನ್ನಾಡಿದರು. ಶಿವರಾಧಿಕಾರಿಗಳಾದ ಆರ್‌. ಎಸ್‌.  ಪಿರಣ್ಣರವರು ಪ್ರಾಸ್ತಾವಿಕ ನುಡಿಗಳನ್ನಾಡಿದರು. ಬಿ. ಎ ವಾಘಮಾರೆ ಸ್ವಾಗತ ಭಾಷಣ ಮಾಡಿದರು.  ಗ್ರಾಮ ಪಂಚಾಯಿತಿಯ ಸದಸ್ಯರಾದ ಹನುಮಂತ್ ಮ ಮಿರ್ಚೆ ಉಪಸ್ಥಿತರಿದ್ದರು.  ಎಸ್‌.  ವಿ. ವಂಜಿರೆ ಪ್ರೊ ಆರ್ . ಎಸ್‌. ಪಾಟೀಲ್  ಪ್ರೊ. ಎ. ಎಂ.  ಬೆಂಡೆ ಹಾಗೂ ಪ್ರೊ. ಪಿ. ಆರ್‌.  ಪೂಜಾರಿ ಮತ್ತು ಶಿಬಿರಾರ್ಥಿಗಳು ಉಪಸ್ಥಿತರಿದ್ದರು. ಕು. ಅಶ್ವಿನಿ ಶಿಂದೆ ನಿರೂಪಣೆ ನೆರವೇರಿಸಿದರು. ಕು. ಸುಶ್ಮಿತಾ ಪಿರಾಜೆ ವಂದಿಸಿದರು.