ಬೆಳಗಾವಿ 10: ಕೇಂದ್ರ ಸರ್ಕಾರದ ಪ್ರಧಾನಿ ನರೇಂದ್ರ ಮೋದಿ ಅವರ ದಾಖಲೆಯ 4399 ದಿನಗಳ ಆಡಳಿತ, ದೀರ್ಘಾವಧಿ ಚುನಾಯಿತ ದೇಶದ ಅತೀ ಹೆಚ್ಚು ದಿನಗಳ ಸೇವೆ ಸಲ್ಲಿಸಿದ  ಪ್ರಧಾನ ಮಂತ್ರಿಗಳಾಗಿ ಸೇವೆ ಸಲ್ಲಿಸುತ್ತಿರುವ ದಿನವಾದ ಇಂದು ದೇಶದ ನರೇಂದ್ರ ಮೋದಿಯವರ ಆಯುಷ್ಯ ವೃದ್ಧಿ ಮತ್ತು ಉತ್ತಮ ಆರೋಗ್ಯಕ್ಕಾಗಿ ಮುಂದಿನ ದಿನಗಳಲ್ಲಿ ಇನ್ನಷ್ಟು ಯಶಸ್ಸನ್ನು ಗಳಿಸಲೆಂದು ಬಿಜೆಪಿಯಿಂದ ಬೆಳಗಾವಿ ನಗರದ ಕೆ.ಎಲ್‌.ಇ ಸಂಸ್ಥೆಯ ಆವರಣದಲ್ಲಿರುವ ಶಿವಾಲಯ ದೇವಸ್ಥಾನದಲ್ಲಿ ವಿಶೇಷ  ಪೂಜೆಯೊಂದಿಗೆ ಪ್ರಾರ್ಥನೆ ಸಲ್ಲಿಸಲಾಯಿತು. 

 ಬಿಜೆಪಿ ಜಿಲ್ಲಾಧ್ಯಕ್ಷ ಸುಭಾಷ ಪಾಟೀಲ, ವಿಧಾನ ಪರಿಷತ್ ಮಾಜಿ ಮುಖ್ಯಸಚೇತಕ ಮಹಾಂತೇಶ ಕವಟಗಿಮಠ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಧನಶ್ರೀ ದೇಸಾಯಿ, ಮಲ್ಲಿಕಾರ್ಜುನ ಮಾದಮ್ಮನವರ, ಜಿಲ್ಲಾ ಕೋಶಾಧ್ಯಕ್ಷ ಸಂತೋಷ ದೇಶನೂರ, ಉಪಾಧ್ಯಕ್ಷ ವಿನಯ ಕದಂ, ಧನಂಜಯ ಜಾಧವ, ಕಾರ್ಯದರ್ಶಿ ಮಂಜುನಾಥ ಪಮ್ಮಾರ, ಎಸ್‌.ಸಿ ಮೋರ್ಚಾ ಜಿಲ್ಲಾಧ್ಯಕ್ಷ ಯಲ್ಲೇಶ್ ಕೋಲಕಾರ,  ಡಾ.ಸೋನಾಲಿ ಸರ್ನೋಬತ್, ಮನೋಜ ಪಾಟೀಲ, ನಾಗರಾಜ ಗಸ್ತಿ, ಪ್ರವೀಣ ಮಾಳೇದರ, ಮಂಜು ಅಷ್ಟಗಿ, ಭಾರತಿ ತೋಟಗಿ ಹಾಗೂ ಪ್ರಮುಖರಿದ್ದರು.