ಸಂಬರಗಿ 15: ವಿವಿಧೋದ್ದೇಶಗಳ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರ ಸಂಘಕ್ಕೆ ಜುಲೈ 20 ರಂದು ನಡೆಯಲಿರುವ ಚುನಾವಣೆಯಲ್ಲಿ ಒಟ್ಟು ಐದು ನಾಮಪತ್ರಗಳು ಸಲ್ಲಿಕೆಯಾಗಿದ್ದು, ಅದರಲ್ಲಿ ಇಬ್ಬರು ನಾಮಪತ್ರ ಹಿಂಪಡೆದರು. ಆದ್ದರಿಂದ ಈಗ ಮೂವರು ಅಭ್ಯರ್ಥಿಗಳು ಕಣದಲ್ಲಿ ಉಳಿದಿದ್ದು, ಚುನಾವಣೆ ತುಂಬಾ ತುರುಸಿನಿಂದ ನಡೆಯಲಿದೆ. 

ಗಣೇಶ್ ಮಾಣಿಕ್ ಕದಮ್,ದಿನಕರ್ ಅಣ್ಣಪ್ಪಪವಾರ ಕಣದಲ್ಲಿದ್ದಾರೆ. ಈ ಚುನಾವಣೆಯಲ್ಲಿ 1111 ಮತಗಳಿವೆ. ಹಿಂದಿನ ಚುನಾವಣೆಯಲ್ಲಿ, ಕಾಂಗ್ರೆಸ್ ಬೆಂಬಲದಲ್ಲಿ ಕಾಂಗ್ರೆಸ್ ಸ್ಪಷ್ಟ ಬಹುಮತ ಹೊಂದುವ ಮೂಲಕ ಅಧಿಕಾರದ ಚುಕ್ಕಾಣಿ ಹಿಡಿದಿದ್ದು, ಅದು ಹನ್ನೊಂದು ಸ್ಥಾನಗಳಲ್ಲಿ ಗೆದ್ದಿದ್ದರೂ, ಒಂದು ಸ್ಥಾನ ವಿರೋಧ ಪಕ್ಷಕ್ಕೆ ಹೋಯಿತು. ಅಧ್ಯಕ್ಷ ಮತ್ತು ಉಪಾಧ್ಯಕ್ಷರನ್ನು ಕಾಂಗ್ರೆಸ್ ಪಕ್ಷದ ಬೆಂಬಲದೊಂದಿಗೆ ಆಯ್ಕೆ ಮಾಡಲಾಯಿತು. ಆದರೆ 11 ನಿರ್ದೇಶಕರಲ್ಲಿ ಒಬ್ಬರು ನಿಧನರಾದ ಕಾರಣ, ಆ ಸ್ಥಳದಲ್ಲಿ ಚುನಾವಣೆ ನಡೆಸಲಾಗಿದೆ. ಈ ಚುನಾವಣೆ ಪ್ರತಿಷ್ಠೆಯ ಕಣವಾಗಿ ಮಾರ್ಪಟ್ಟಿದ್ದು, ಪ್ರತಿ ಮತದಾರನನ್ನು ಭೇಟಿ ಆಗುತ್ತಿದ್ದಾರೆ. ಮತದಾರರು ಇಬ್ಬರು ಮುಖಂಡರಿಗೆ ಆಶ್ವಾಸನೆ ನೀಡುತ್ತಿದ್ದಾರೆ.  

ವಿಲಾಸ್ ಟೋನೆ ಹಾಗೂ ಅಣ್ಣಪ್ಪ ವೀಸಾಳ ಎರಡು ಗುಂಪಿನ ನಡುವೆ ಜಟಾಪಟಿ ನಡೆಯುತ್ತಿದೆ. ಪ್ರತಿಯೊಬ್ಬ ಸದಸ್ಯರ ವೈಯಕ್ತಿಕ ಸಭೆಗಳಿಗೆ ಹೆಚ್ಚಿನ ಒತ್ತು ನೀಡಿ ಭೇಟಿ ಆಗುತ್ತಿದ್ದಾರೆ. ಮತದಾರು ಸ್ತಬ್ಧವಾಗಿದ್ದು ಫಲಿತಾಂಶ ಘೋಷಣೆಯ ನಂತರವೇ ಮತದಾರನ ಒಲವು ಯಾರ ಪರ ಎಂಬುದು ಸ್ಪಷ್ಟವಾಗಲಿದೆ.