ಲೋಕದರ್ಶನ ವರದಿ 

ಕುಷ್ಟಗಿ, ಆ.5: ಗಂಗಾಮತ ಸಮಾಜಕ್ಕೆ ಸಚಿವ ಸಂಪುಟದಲ್ಲಿ ಸಮರ​‍್ಕ ಪ್ರಾತಿನಿಧ್ಯ ನೀಡಿಲ್ಲ ಎಂದು ಆರೋಪಿಸಿದ ಗಂಗಾಮತ ಸಮಾಜದ ತಾಲೂಕು ಅಧ್ಯಕ್ಷ ಎ. ನಾಗರಾಜ್ ಅವರು, ಎಂಎಲ್ಸಿ ತಿಪ್ಪಣ್ಣ ಕಮಕನೂರು ಅಥವಾ ಶಾಸಕ ಮಂಕಾಳ ವೈದ್ಯರಿಗೆ ಸಚಿವ ಸ್ಥಾನ ಅಥವಾ ಉನ್ನತ ಹುದ್ದೆ ನೀಡುವಂತೆ ಕಾಂಗ್ರೆಸ್ ಹೈಕಮಾಂಡ್ಗೆ ಒತ್ತಾಯಿಸಿದರು.  

ಪಟ್ಟಣದ ತಾಯಮ್ಮ ದೇವಸ್ಥಾನದಲ್ಲಿ ನಡೆದ ಸಮಾಜದ ಸಭೆಯಲ್ಲಿ ಮಾತನಾಡಿದ ಅವರು, ಕಾಂಗ್ರೆಸ್ ಪಕ್ಷದ ಬೆಳವಣಿಗೆಗೆ ಎಂಎಲ್ಸಿ ತಿಪ್ಪಣ್ಣ ಕಮಕನೂರು ಹಾಗೂ ಶಾಸಕ ಎಸ್‌. ಮಂಕಾಳ ವೈದ್ಯ ಅವರು ಸಾಕಷ್ಟು ಶ್ರಮಿಸಿದ್ದಾರೆ. ಸಚಿವ ಸಂಪುಟ ವಿಸ್ತರಣೆಯ ಮೊದಲ ಪಟ್ಟಿಯಲ್ಲಿ ಮಂಕಾಳ ವೈದ್ಯರ ಹೆಸರು ಇದ್ದರೂ, ಅಂತಿಮ ಕ್ಷಣದಲ್ಲಿ ಕೈಬಿಡಲಾಗಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.  

ರಾಜ್ಯದಲ್ಲಿ ಗಂಗಾಮತ, ಮೊಗವೀರ, ಕೋಲಿ, ಅಂಬಿಗ ಹಾಗೂ ಬೆಸ್ತ ಸಮುದಾಯಗಳನ್ನು ಒಳಗೊಂಡ ಗಂಗಾಮತ ಸಮಾಜದ ಜನಸಂಖ್ಯೆ ಸುಮಾರು 50 ಲಕ್ಷಕ್ಕಿಂತ ಹೆಚ್ಚಿದೆ. ಆರ್ಥಿಕ, ಶೈಕ್ಷಣಿಕ ಹಾಗೂ ಸಾಮಾಜಿಕವಾಗಿ ಹಿಂದುಳಿದಿರುವ ಈ ಸಮಾಜಕ್ಕೆ ಸಚಿವ ಸಂಪುಟದಲ್ಲಿ ಪ್ರಾತಿನಿಧ್ಯ ನೀಡದಿರುವುದು ಅನ್ಯಾಯವಾಗಿದೆ ಎಂದು ಅವರು ಹೇಳಿದರು.  

ಕಾಂಗ್ರೆಸ್ ಹೈಕಮಾಂಡ್ ಕೂಡಲೇ ಗಂಗಾಮತ ಸಮಾಜದ ನಾಯಕರಿಗೆ ಸಚಿವ ಸ್ಥಾನ ಅಥವಾ ಉನ್ನತ ಹುದ್ದೆ ನೀಡಬೇಕು. ಇಲ್ಲದಿದ್ದರೆ ಮುಂದಿನ ಚುನಾವಣೆಗಳಲ್ಲಿ ಕಾಂಗ್ರೆಸ್ಗೆ ತಕ್ಕ ಉತ್ತರ ನೀಡಲಾಗುವುದು ಎಂದು ಎಚ್ಚರಿಕೆ ನೀಡಿದರು.  

ಸಭೆಯಲ್ಲಿ ಕರೆಗೆರೆ ಮನೋಹರ, ಅಯ್ಯೋಧ್ಯ ವೆಂಕಟೇಶ್, ಬಿ. ಸಿದ್ದಪ್ಪ, ಅಯ್ಯೋಧ್ಯ ವಾಸು, ಆನೆಗುಂಡಿ ತಾಯಣ್ಣ, ಕೆ.ಬಿ. ವೀರಭದ್ರ​‍್ಪ, ಅಯ್ಯೋಧ್ಯ ರಮೇಶ್, ಜೋಳಮರಡ ಈರ​‍್ಪ, ಎಲ್‌. ವೀರೇಶ್, ಕೋಟೆ ನಾಗರಾಜ್, ಶರಣಪ್ಪ, ಈರಣ್ಣ, ದ್ಯಾವಣ್ಣ, ಅಂಬಿಗರ ಚೌಡಯ್ಯ ಸಂಘದ ಅಧ್ಯಕ್ಷ ಕೆ. ಪ್ರಕಾಶ್, ಉಪಾಧ್ಯಕ್ಷ ಯಲ್ಲಪ್ಪ ಕೆ. ಪ್ರಕಾಶ್, ಜೋಳಮರಡ ವೀರಭದ್ರ​‍್ಪ, ನಾಗೇಶ್ ಸೇರಿದಂತೆ ಸಮಾಜದ ಮುಖಂಡರು ಉಪಸ್ಥಿತರಿದ್ದರು.