ಬೆಂಗಳೂರು, ಏ.21, ಅಮೆರಿಕಾದಲ್ಲಿ ಕಾರ್ಯನಿರ್ವಹಿಸುತ್ತಿರುವ ರಾಜ್ಯದ ವೈದ್ಯೆಗೆ ತೋರಿದ ಗೌರವ ಕುರಿತು ವೈದ್ಯಕೀಯ ಶಿಕ್ಷಣ ಡಾ.ಸುಧಾಕರ್  ಟ್ವೀಟ್ ಮಾಡಿದ್ದಾರೆ.ಅಮೆರಿಕಾದಲ್ಲಿ ವೈದ್ಯರಾಗಿರುವ ಮೈಸೂರು ಮೂಲದ ಡಾ.ಉಮಾ ಮಧುಸೂಧನ್​ಗೆ ಅಲ್ಲಿಯ ಜನರು ವಿಶೇಷ ಗೌರವವೊಂದನ್ನು ಸಲ್ಲಿಸಿದ್ದಾರೆ.ಕೊರೊನಾ ಸೋಂಕಿಗೆ ಚಿಕಿತ್ಸೆ ನೀಡುತ್ತಿದ್ದ ಇವರಿಂದ ಗುಣಮುಖರಾದವರು, ಅಲ್ಲಿನ ಸರ್ಕಾರಿ ಸಂಸ್ಥೆಗಳ ಸಿಬ್ಬಂದಿ, ಪೊಲೀಸರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ತಮ್ಮ ವಾಹನಗಳ ಮೂಲಕ ಉಮಾ ಅವರ ಮನೆ ಮುಂದೆ ಪರೇಡ್​ ನಡೆಸಿದ್ದಾರೆ.  ಈ ವೇಳೆ ಪ್ಲೇಕಾರ್ಡ್​ ಹಿಡಿದು ಕೃತಜ್ಞತೆ, ಗೌರವ ತೋರಿದ್ದಾರೆ. ಅಲ್ಲಿನ ಜನರು ತೋರಿರುವ ಈ ಪ್ರೀತಿಯನ್ನು ನೋಡಿ ಸಾರ್ಥಕತೆಯನ್ನು ಕಂಡಂತಾಯಿತು ಎಂದು ಬರೆದುಕೊಳ್ಳುವ ಮೂಲಕ  ವಿಡಿಯೋ ಒಂದನ್ನು ಸಚಿವರು ಹಂಚಿಕೊಂಡಿದ್ದಾರೆ‌.