ಬೆಳಗಾವಿ 30: ಸಂಶಯಾಸ್ಪದ ವ್ಯಕ್ತಿಗಳನ್ನು ಪರೀಶೀಲನೆ ಮಾಡುತ್ತಿದ್ದಾಗ ಮಾರಕಾಸ್ತ್ರ ಹೊಂದಿದ್ದ ವ್ಯಕ್ತಿಯನ್ನು ಬಂಧಿಸಿದ ಘಟನೆ ದಿ. 28ರಂದು ನಡೆದಿದೆ.  

ಹಿರೇಬಾಗೇವಾಡಿ ಬಸವನಗರ ನಿವಾಸಿ ಬಸವರಾಜ ಯಲ್ಲಪ್ಪ ಭರಮನಿ ಬಂಧಿತ ಆರೋಪಿಯಾಗಿದ್ದಾನೆ. 

ಬೆಳಗಾವಿ ಕೇಂದ್ರ ಬಸ್ ನಿಲ್ದಾಣದಲ್ಲಿ ಇತ್ತೀಚಿನ ದಿನಗಳಲ್ಲಿ ಸ್ಟ್ಯಾಬಿಂಗ್ ಪ್ರಕರಣಗಳು ಹೆಚ್ಚಾಗುತ್ತಿರುವ ಕಾರಣ ನಗರದಲ್ಲಿ ಶಾಂತಿ ಸುವ್ಯವಸ್ಥೆ ಕಾಪಾಡುವ ನಿಟ್ಟಿನಲ್ಲಿ ಮಾರ್ಕೇಟ್ ಪೊಲೀಸ್ ಠಾಣೆ ಪಿಎಸ್‌ಐ ವಿಠ್ಠಲ ಹಾವನ್ನವರ ಅವರು ಸಂಶಯಾಸ್ಪದ ವ್ಯಕ್ತಿಗಳನ್ನು ಪರೀಶೀಲನೆ ಮಾಡುತ್ತಿದ್ದಾಗ ಆರೋಪಿ ಬಳಿ ಫೋಲ್ಡಿಂಗ್ ಚಾಕು ಸಿಕ್ಕಿದ್ದು ಅದನ್ನು ಜಪ್ತ ಮಾಡಿಕೊಂಡು ಆತನ ವಿರುದ್ಧ ಮಾರ್ಕೇಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ. 

ಒಟ್ಟು ಐದು ಕಡೆ ದಾಳಿ ನಡೆಸಿದ ಪೊಲೀಸರು 5 ಪ್ರಕರಣಗಳಲ್ಲಿ 20ಜನ ಆರೋಪಿಗಳನ್ನು ಬಂಧಿಸಿ ಒಟ್ಟು ರೂ. 1,18,700 ಮೌಲ್ಯದ ಒಟ್ಟು 3ಕೆಜಿ 468 ಗ್ರಾಂ ಗಾಂಜಾ, 30ಗ್ರಾಂ ಹೆರಾಯಿನ್ 2 ಮೋಬ್ಯಲ್ ಫೋನ್, 18, 790 ನಗದು ಹಣ ಹಾಗೂ ಒಂದು ಹರಿತ ಚಾಕು ಮತ್ತು ಇತರೆ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ದಾಳಿ ಕೈಗೊಂಡ ಪಿಎಸ್‌ಐ ಹಾಗೂ ಸಿಬ್ಬಂದಿಯವರ ಕಾರ್ಯವನ್ನು ನಗರ ಪೊಲೀಸ್ ಆಯುಕ್ತರು ಹಾಗೂ ಡಿಸಿಪಿ ಅವರು ಶ್ಲಾಘಿಸಿದ್ದಾರೆ.