ಲೋಕದರ್ಶನ ವರದಿ 

ಹೂವಿನ ಹಡಗಲಿ  30:  ಭಗವಾನ್ ಮಹಾವಿ?ರರ ಜಯಂತಿಯನ್ನು ಪಟ್ಟಣದಲ್ಲಿ  ಜೈನ ಸಮುದಾಯದಿಂದ ಅದ್ದೂರಿಯಾಗಿ ಆಚರಿಸಲಾಯಿತು.ಜಯಂತಿ ಪ್ರಯುಕ್ತ ಪಟ್ಟಣದ  ಮುಖ್ಯ  ರಸ್ತೆಗಳ ಮೂಲಕ ಮೆರವಣಿಗೆ ಆರಂಭವಾಗಿ ಜೈನ್ ಮಂದಿರದವರೆಗೆ ಸಾಗಿ ಬಂತು. ಮಹಾವಿ?ರ ಮೂರ್ತಿ ಭವ್ಯ ಮೆರವಣಿಗೆ ಜರುಗಿತು. ಸಮುದಾಯದ ಸಂಪ್ರದಾಯದಂತೆ ನಂತರ ಶ್ರೀ ಪಾರ್ಶ್ವನಾಥ ದಿಗಂಬರ ಜೈನ ಬಸದಿಯಲ್ಲಿ ಶ್ರೀ ಮಹಾವೀರತೀರ್ಥಂಕರರಿಗೆ ತೊಟ್ಟಿಲು ತೂಗುವ ಕಾರ್ಯಕ್ರಮ ನಾಮಕರಣ, ಪಂಚಾಮೃತ ಪೂಜೆ ಹೀಗೆ ವಿಧಿ ವಿಧಾನದ ಪೂಜೆಗಳು ನಡೆದವು. ಅಲಂಕೃತ ವಾಹನದಲ್ಲಿ ಭವ್ಯ ಮೂರ್ತಿಯ ಮೆರವಣಿಗೆ ನಡೆಯಿತು. ವಿವಿಧ ಹೂಗಳಿಂದ ಮೂರ್ತಿಯನ್ನು ಸಿಂಗರಿಸಲಾಗಿತ್ತು.

ಸಮುದಾಯ ಜನರು ದಾರಿಯುದ್ದಕ್ಕೂ ವಾದ್ಯಗಳ ಸಂಗೀತಕ್ಕೆ ನೃತ್ಯ ಮಾಡುತ್ತ ಹಾಡುತ್ತ ನಕ್ಕು ನಲಿದು ಭಕ್ತಿಪೂರ್ವಕವಾಗಿ ಮಹಾವಿ?ರರನ್ನು ಸ್ಮರಿಸಿದರು.ಬಹುತೇಕ ಪುರುಷರು ಬಿಳಿ ಬಣ್ಣದ ವಸ್ತ್ರಗಳನ್ನು ಧರಿಸಿದ್ದರು.   ಮೆರವಣಿಗೆಯಲ್ಲಿ   ತಹಸೀಲ್ದಾರ ಕೆ.ಎಂ. ಗುರುಬಸವರಾಜ್ , ಸಂತೋಷ  ಜೈನ ದಿಗಂಬರ ಜೈನ್ ಸಮಾಜ ಅಧ್ಯಕ್ಷ ಎಚ್‌ಎಸ್ ಪ್ರಶಾಂತ್, ಉಪಾಧ್ಯಕ್ಷ ವಿಜಯಕುಮಾರ್ ಜೈನ್, ಅಮಿತ್ ಹೆಚ್ ಜೆ, ಅಜಿತ್ ಎಚ್ ಡಿ, ಎಚ್ ಡಿ ರಾಯಪ್ಪ, ಪ್ರಸನ್ನ, ಡಾ. ಧರ್ಮಣ್ಣ, ಬಾಹುಬಲಿ ಪಾಟೀಲ್,  ಪದ್ಮರಾಜ್ ಜೈನ್, ಎಂ. ಭರತೇಶ್, ರತ್ನಾಕರ್ ಜೈನ್, ರಾಜಣ್ಣ, ಪಾಶನಾಥ್ ನಾಗರಾಜ್‌. ಡಿ,   ಜ್ವಾಲಾ ಮಾಲಿನಿ ಮಹಿಳಾ ಸಮಾಜದ   ಎಚ್ ಸೀಮಾ, ಪದ್ಮಾವತಿ ಎಂ.ಡಿ, ಚಂಪರಾಯಪ್ಪ,ಹಾಗೂ   ಜೈನ ಸಮಾಜದ ಶ್ರಾವಕ ಶ್ರಾವಕೀಯರು ಭಾಗವಹಿಸಿದ್ದರು