ಲೋಕದರ್ಶನ ವರದಿ 

ಬೆಟಗೇರಿ 17 : ಜೀವನಕ್ಕೆ ಮನರಂಜನೆ ಬೇಕು ಆದರೆ ನಾವು ಇಂದು ಜೀವನವನ್ನೇ ಮನರಂಜನಯನ್ನಾಗಿ ಮಾಡಿಕೊಂಡಿದ್ದೇವೆ. ಹೀಗಾಗಿ ನಮಗೆ ನಮ್ಮ ಪೂರ್ವಜರ ಇತಿಹಾಸ ತಿಳಿದುಕೊಳ್ಳಲು ಆಗುತ್ತಿಲ್ಲವೆಂದು ಕೆ.ಎಂ.ಸಿ.ಯ ಹಿರಿಯ ವೈದ್ಯಾಧಿಕಾರಿ ಡಾ. ಸಂಪತ್ತಸಿಂಗ್ ರಂಗವಾಲೆಯವರು ವಿಶಾಧ ವ್ಯಕ್ತಪಡಿಸಿದ್ದಾರೆ. ಅವರು ಮಹಾರಾಣಾ ಪ್ರತಾಪಸಿಂಹರ 486ನೇ ಜಯಂತ್ಯೋತ್ಸವದ ಅಂಗವಾಗಿ ವೆಂಕಟೇಶ್ವರ ಕಲ್ಯಾಣ ಮಂಟಪದಲ್ಲಿ ಏರಿ​‍್ಡಸಿದ್ದ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ  ಮಾತನಾಡುತ್ತಾ ಹಾಡು, ಕುಣಿತ, ಭಾವಚಿತ್ರದ ಮೆರವಣಿಗೆಯು ಜಯಂತಿಯ ಒಂದು ಭಾಗ. ಮಹಾತ್ಮರ ಆದರ್ಶಗಳ ಸ್ಮರಣೆ ಮತ್ತು ಅವುಗಳ ಅನುಸರಣೆಯು ಜಯಂತಿಯ ಪ್ರಮುಖ ಭಾಗವಾಗಬೇಕು. ನಾವು ಸಮಾಜದಲ್ಲಿ ಇದ್ದೇವೆ ಎಂಬ ಭಾವನೆ ಎಲ್ಲರಲ್ಲಿಯೂ ಒಡಮೂಡಬೇಕು. ಮಹಾರಾಣಾ ಪ್ರತಾಪಸಿಂಹರು ತ್ಯಾಗ, ಬಲಿದಾನ, ಸ್ವಾಭಿಮಾನಕ್ಕೆ ಮತ್ತೊಂದು ಹೆಸರು ಅವರು ವಿಶ್ವದ ಶ್ರೇಷ್ಠ ಯೋಧ ಎಂದು ಬಣ್ಣಿಸಿದರು.