ಶಿರಹಟ್ಟಿ 09 : ಅಕ್ರಮ ಆಸ್ತಿ 38ಗಳಿಕೆ ಮಾಡಿದ್ದಾರೆ ಎಂಬ ದೂರಿನ ಆಧಾರದ ಮೇಲೆ ಪಶು ವೈದ್ಯಾಧಿಕಾರಿ ಡಾ. ನಿಂಗಪ್ಪ ಓಲೇಕಾರ ಅವರ ಮನೆಯ ಮೇಲೆ, ಶಿರಹಟ್ಟಿ ಪಶು ಆಸ್ಪತ್ರೆ, ಮಾಗಡಿ ಪಶು ಆಸ್ಪತ್ರೆ ಹಾಗೂ ತಾಲೂಕು ಪಂಚಾಯತ್ ಕಾರ್ಯಾಲಯದ ಮೇಲೆ ಏಕ ಕಾಲಕ್ಕೆ ಲೋಕಾಯುಕ್ತ ಡಿವೈಎಸ್‌ಪಿ ವಿಜಕುಮಾರ ಬಿರಾದಾರ ಅವರ ತಂಡ ಮಂಗಳವಾರ ಬೆಳಗಿನ ಜಾವ ದಾಳಿ ಮಾಡಿದೆ.ಸನ್ 2023-24 ನೇ ಸಾಲಿನ ರಾಜ್ಯ ಹಣಕಾಸು ಆಯೋಗದ ತಾಲೂಕು ಪಂಚಾಯತ್ ಅನಿಬಂಧಿತ ಅನುದಾನದ ಅಡಿಯಲ್ಲಿ ಶಿರಹಟ್ಟಿ ತಾಲೂಕು ಪಂಚಾಯತ್‌ಗೆ ಮಂಜೂರಾದ ಅಂದಾಜು 2.16.97.377 ರೂಗಳಲ್ಲಿ ಸುಮಾರು 1.97.20.382 ರೂಗಳನ್ನು ಅನುದಾನ ದುರ್ಬಳಕೆ ಮಾಡಿಕೊಂಡು ಕಳಪೆ ಗುಣ ಮಟ್ಟದ ಸಾಮಗ್ರಿಗಳನ್ನು ಅಂಗನವಾಡಿ, ಶಾಲೆ, ಕಾಲೇಜುಗಳಿಗೆ ಪೂರೈಸಿ, ಭ್ರಷ್ಟಾಚಾರ ಎಸಗಿದ್ದಾರೆ ಎಂದು ದೂರಿನ ಆಧಾರದ ಮೇಲೆ ಡಾ. ನಿಂಗಪ್ಪ ಓಲೇಕಾರ ಅವರ ಮನೆಯ ಮೇಲೆ ಮಾಡಲಾಗಿದೆ ಎಂದು ಲೋಕಾಯುಕ್ತರು ತಿಳಿಸಿದ್ದಾರೆ.ದಾಳಿ ವೇಳೆ ಡಾ. ನಿಂಗಪ್ಪ ಓಲೇಕಾರ ಅವರ ಮನೆಯಲ್ಲಿರುವ ಹಾಗೂ ಶಿರಹಟ್ಟಿ-ಮಾಗಡಿ ಪಶು ಆಸ್ಪತ್ರೆ ಮತ್ತು ತಾಲೂಕು ಪಂಚಾಯತ್ ಕಾರ್ಯಾಲಯದಲ್ಲಿ ದಾಖಲೆಗಳನ್ನು ಪರೀಶೀಲನೆ ಮಾಡಿದರು.ಈ ಸಂದರ್ಭದಲ್ಲಿ ಪೊಲೀಸ್ ನೀರೀಕ್ಷಕರಾದ ಎಸ್ ಎಸ್‌. ತೇಲಿ ಹಾಗೂ ಪರಮೇಶ್ವರ ಜಿ. ಕವಟಗಿ, ಎಮ್ ಎಮ್‌. ಅಯ್ಯನಗೌಡರ, ವಿ ಎಸ್, ದೀಪಾಲಿ, ಯು ಎನ್‌. ಸಂಗನಾಳ, ಎಸ್ ಪಿ. ಅಂಬಿಗೇರ, ಎಮ್ ಎಸ್‌. ಗಾರ್ಗಿ, ಟಿ ಎನ್‌. ಜವಳಿ, ಹೆಚ್ ಐ. ದೇವುರವಾಲಾ, ಎಮ್ ಬಿ. ಬಾರಡ್ಡಿ, ಪಿ ಎಲ್‌. ಪಿರಿಮಾಳ, ಎಸ್ ವಿ, ನೈನಾಪೂರ, ಐ ಎಸ್‌. ಸೈವಣ್ಣವರ ಹಾಗೂ ಎಮ್ ಆರ್‌. ಹಿರೇಮಠ ಇದ್ದರು.