ಬೆಳಗಾವಿ 10: ಗ್ರಾಮ ಪಂಚಾಯತ್ ಗ್ರಂಥಾಲಯ ಅರಿವು ಕೇಂದ್ರಗಳಲ್ಲಿ ಗ್ರಂಥಪಾಲಕ/ಮೇಲ್ವಿಚಾರಕರು ಕಾರ್ಯನಿರ್ವಹಿಸುತ್ತಿದ್ದು ಸದ್ಯ ಅವರಿಗೆ ಮಾಸಿಕವಾಗಿ ರೂ.12000 ಗಳು. ಕೊಡುತ್ತಿದ್ದು, 2023 ಸೆಪ್ಟಂಬರ್ ತಿಂಗಳಿನಿಂದ ಹೈಕೋರ್ಟ ಮತ್ತು ಕಾರ್ಮಿಕ ಇಲಾಖೆಯ ಆದೇಶದ ಪ್ರಕಾರ ಕನಿಷ್ಠ ವೇತನ ನಿಗಧಿ ಮಾಡಿದ್ದು, ಈ ವರೆಗೆ ಒಂದು ತಿಂಗಳು ಕೂಡಾ ಪಾವಿತಿಸಿಲ್ಲಾ. ಸುಮಾರು 14 ತಿಂಗಳಿನಿಂದ ವೇತನ ವ್ಯತ್ಯಾಸ ಹಣ ಬಾಕಿ ಇದೆ. ಈ ಹಣ ಗ್ರಂಥ ಪಾಲಕರ ಕೈಸೇರಲು ಕಷ್ಟ ಸಾದ್ಯ. ಅರ್‌.ಡಿ.ಪಿ.ಆರ್ ಇಲಾಖೆಯವರು ಮಲತಾಯಿ ಧೋರಣೆ ತೋರುತ್ತಿದ್ದು, ಸಂಭಂಧಿಸಿದ ಇಲಾಖೆಗೆ ಮನವಿ ಮಾಡಿದರೂ ಪ್ರಯೋಜನವಾಗಿಲ್ಲ. ಹೀಗಾಗಿ ಗ್ರಂಥಪಾಲಕರು ಒಂದು ದಿನದ ಸಾಂಕೇತಿಕ ಮುಷ್ಕರ ಹಮ್ಮಿಕೊಂಡಿದ್ದು ಬೇಡಿಕೆಗಳು ಈಡೇರದಿದ್ದರೆ ಮುಂದಿನ ದಿನಗಳಲ್ಲಿ ಸತ್ಯಾಗ್ರಹ ಹಮ್ಮಿಕೊಳ್ಳುವುದಾಗಿ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.