ಇಂಡಿ 20: ತಾಲೂಕು ಪಂಚಾಯತ ಸಭಾಂಗಣದಲ್ಲಿ ಇಂಡಿ ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ  ಡಾ ಭೀಮಾಶಂಕರ ಕನ್ನೂರ ಅವರ ಅಧ್ಯಕ್ಷತೆಯಲ್ಲಿ ತಾಲೂಕಿನ ತೆರಿಗೆ ವಸೂಲಾತಿ ಅಭಿಯಾನದಲ್ಲಿ ಗುರಿಗೆ ಮೀರಿ ವಸೂಲಾತಿಯಲ್ಲಿ ಶೇ.100ಅ ರಷ್ಟು ಪ್ರಗತಿ ಸಾಧಿಸಿದ  ಇಂಡಿ ತಾಲ್ಲೂಕಿನ ಲಾಳಸಂಗಿ ಗ್ರಾಮ ಪಂಚಾಯತಿಗಳ ಅಭಿವೃದ್ಧಿ ಅಧಿಕಾರಿ ಸಿದ್ದರಾಯ ಸಿನಕೇಡ, ಹಾಗೂ ಕಾರ್ಯದರ್ಶಿ ಮಾನಸಿಂಗ್ ರಾಠೋಡ  ಹಾಗೂ  ಬಿಲ್ ಕಲೆಕ್ಟರ್  ತುಕಾರಾಮ ಮಾರನೂರು ಇವರನ್ನು ಸನ್ಮಾನಿಸಿ  ಗೌರವಿಸಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು. 

ಸದರಿ ಗೌರವ ಎಲ್ಲ ಪಂಚಾಯತಿಗಳಿಗೆ ಸಲ್ಲಲಿದೆ. ತಾವು ಸಹ ಒಂದು ತಂಡವಾಗಿ ಕೆಲಸ ಮಾಡಿ ತೆರಿಗೆ ವಸೂಲಾತಿಯಲ್ಲಿ ಶೇ.100ಅ ಪ್ರಗತಿ ಸಾಧಿಸಿ. ತಮಗೂ ಸಹ ತಾಲೂಕು ಪಂಚಾಯತಿಯಿಂದ ಗೌರವ ಸನ್ಮಾನ ಮಾಡಲಾಗುವುದು. ಎಲ್ಲರು ಪ್ರಮಾಣಿಕವಾಗಿ ಕೆಲಸ ನಿರ್ವಹಿಸಿ ಎಂದು ಇಂಡಿ ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಸೂಚನೆ ನೀಡಿದರು.ಈ ಸಂದರ್ಭದಲ್ಲಿ ಪಂಚಾಯತ ರಾಜ್ ಸಹಾಯಕ ನಿರ್ದೇಶಕರಾದ ಪ್ರಕಾಶ ರಾಠೋಡ , ಯೋಜನಾಧಿಕಾರಿಗಳಾದ  ನಂದೀಪ ರಾಠೋಡ ಹಾಗೂ ತಾ.ಪಂ ಸಿಬ್ಬಂದಿಗಳು, ತಾಲೂಕಿನ ಎಲ್ಲಾ ಪಂಚಾಯತ ಅಭಿವೃದ್ಧಿ ಅಧಿಕಾರಿಗಳು, ಕಾರ್ಯದರ್ಶಿಗಳು,ತಾಂತ್ರಿಕ ಸಹಾಯಕರುಗಳು, ಹಾಗೂ ಅನೇಕರು ಉಪಸ್ಥಿತರಿದ್ದರು.