ಹಾವೇರಿ 23 : ನಗರದ ಪ್ರವಾಸಿ ಮಂದಿರದಲ್ಲಿ    ಕರ್ನಾಟಕ ಕ್ಷತ್ರಿಯ ಒಕ್ಕೂಟದ  ಜಿಲ್ಲಾ ಕಾರ್ಯಕಾರಿ ಸಮಿತಿ ಸಭೆ ಜರುಗಿತು.  ಬಾಗಲಕೋಟ ಜಿಲ್ಲೆಯಲ್ಲಿ  ಛತ್ರಪತಿ ಶಿವಾಜಿ ಮಹಾರಾಜರ ಜಯಂತಿ ಮಹೋತ್ಸವದ ಸಮಯದಲ್ಲಿ ನಡೆದ ಕಲ್ಲೆಸೆತದ ವಿರುದ್ಧ ಸಭೆಯಲ್ಲಿ ಖಂಡನೀಯ ನಿರ್ಣಯ ತೆಗೆದುಕೊಳ್ಳಲಾಯಿತು. ಈ ಘಟನೆ ಎಲ್ಲಾ ಹಿಂದೂಗಳಿಗೆ ಹಾಗೂ ಅಭಿಮಾನಿಗಳಿಗೆ ಬೇಸರ ಉಂಟು ಮಾಡಿದೆ. ಕಿಡಕೇಡಿಗಳನ್ನು ಹಾಗೂ ಕೃತ್ಯ ಮಾಡಿರುವ ವ್ಯಕ್ತಿಗಳನ್ನು ಕಾನೂನು ರೀತಿಯಲ್ಲಿ ಸೂಕ್ತ ಕ್ರಮ ಕೈಗೊಳ್ಳಬೇಕು.ಇಲ್ಲದಿದ್ದರೆ ಜಿಲ್ಲಾದ್ಯಾಂತಹ ಪ್ರತಿಭಟನೆ ನಡೆಸಲಾಗುವುದು  ಎಂದು ಕೆಕೆಒ ಜಿಲ್ಲಾಧ್ಯಕ್ಷರಾದ ಶಂಕರ ಮೆಹರವಾಡ ಅವರು ಹೇಳಿದರು. ಸಭೆಯಲ್ಲಿ ಜಿಲ್ಲಾ ಗೌರವಾಧ್ಯಕ್ಷರಾದ ನಾಗಾರಾಜ ಜೋರಾಪುರಿ, ಯುವ ಮುಖಂಡರಾದ ದರ್ಶನ ಲಮಾಣಿ,ಅಶೋಕ ರಜಪೂತ,ಪ್ರಮೋದ  ಮಣಿ ಪವಾರ, ರವಿ ಕಲಾಲ್, ರಮೇಶ್ ಮಾಳವದೆ, ಆನಂದ ಕಲಾಲ್,  ಭಾಗ್ಯಶ್ರೀ ಮೋರೆ ಸೇರಿದಂತೆ ಅನೇಕರು ಮಾತನಾಡಿದರು. ಈ ಸಂದರ್ಭದಲ್ಲಿ ಮುಖಂಡರಾದ ಸಂಜು ಕಲಾಲ, ಶ್ರೀಕಾಂತ ಮಾಳದಕರ, ಶಿವಾ ನವಲೆ ಮುಂತಾದ ಅನೇಕ ಕ್ಷತ್ರಿಯ ಸಮಾಜದ ಮುಖಂಡರು ಪಾಲ್ಗೊಂಡಿದ್ದರು.