ಬೆಳಗಾವಿ 16: ಕಹೆರ್‌ನ ಇನ್ಕ್ಯುಬೇಷನ್ ್ಘ ಇನ್ನೋವೇಶನ್ ಫೌಂಡೇಶನ್ (ಕೆಐಐಎಫ್) ಕೆಹೆರ್‌ನ ಅಧಿಕೃತ ಇನ್‌ಕ್ಯುಬೇಶನ್ ವಿಭಾಗವು ಜುಲೈ 16, 2025 ರಂದು ಗೋವಾದ ಅಮ್ಸರ್ಗೋವಾ ಪ್ರೈವೇಟ್ ಲಿಮಿಟೆಡ್‌ನೊಂದಿಗೆ ತಿಳುವಳಿಕೆ ಒಪ್ಪಂದಕ್ಕೆ (ಒಠ) ಸಹಿ ಹಾಕಿದೆ.  

ಈ ಸಹಯೋಗವು ಆಯುರ್ವೇದ, ಫೈಟೊಫಾರ್ಮಾಸ್ಯುಟಿಕಲ್ ನಾವೀನ್ಯತೆ, ಸ್ಟಾರ್ಟಅಪ್ ಇನ್ಕ್ಯುಬೇಷನ್, ಜಂಟಿ ಸಂಶೋಧನೆ ಮತ್ತು ಉತ್ಪನ್ನ ವಾಣಿಜ್ಯೀಕರಣ ಸೇರಿದಂತೆ ಕ್ಷೇತ್ರಗಳಲ್ಲಿ ನಾವೀನ್ಯತೆ ಮತ್ತು ಉದ್ಯಮಶೀಲತೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಬೋಧಕವರ್ಗ ಮತ್ತು ವಿದ್ಯಾರ್ಥಿ ವಿನಿಮಯ ಕಾರ್ಯಕ್ರಮಗಳು, ಇಂಟರ್ನ್‌ಶಿಪ್‌ಗಳು, ತಾಂತ್ರಿಕ ತರಬೇತಿ ಮತ್ತು ಕಾರ್ಯಾಗಾರಗಳು, ಬೂಟ್‌ಕ್ಯಾಂಪ್‌ಗಳ ಜಂಟಿ ಸಂಘಟನೆ ಮತ್ತು ನಾವೀನ್ಯತೆ ಸವಾಲುಗಳ ಮೂಲಕ ಸಾಮರ್ಥ್ಯ ವೃದ್ಧಿ ಪ್ರಯತ್ನಗಳನ್ನು ಸಹ ಈ ಒಪ್ಪಂದವು ಕಲ್ಪಿಸುತ್ತದೆ.  

ಈ ತಿಳಿವಳಿಕೆ ಒಪ್ಪಂದಕ್ಕೆ ಕೆಎಲ್‌ಇ ಡೀಮ್ಡ್‌ ವಿಶ್ವವಿದ್ಯಾಲಯದ ಉಪಕುಲಪತಿ ಡಾ. ನಿತಿನ್ ಎಂ. ಗಂಗಾನೆ ಮತ್ತು ಅಮ್ಸರ್ಗೋವಾ ಪ್ರೈವೇಟ್ ಲಿಮಿಟೆಡ್‌ನ ಸಿಇಒ ವಿಕ್ರಮ್ ನಹರ್ವರ್ ಓಪಚಾರಿಕವಾಗಿ ಸಹಿ ಹಾಕಿ ವಿನಿಮಯ ಮಾಡಿಕೊಂಡರು. ರಿಜಿಸ್ಟ್ರಾರ್ ಡಾ.ಎಂ.ಎಸ್‌.ಗಣಾಚಾರಿ, ಸಂಶೋಧನಾ ಸಲಹೆಗಾರ ಡಾ.ಮದನ್ ಗೋಡ್ಬೋಲೆ, ಕೆಎಲ್‌ಇ ಶ್ರೀ ಬಿಎಂಕೆ ಆಯುರ್ವೇದ ಮಹಾವಿದ್ಯಾಲಯದ ಪ್ರಾಂಶುಪಾಲ ಡಾ.ಸುಹಾಸ್ ಕುಮಾರ್ ಶೆಟ್ಟಿ, ಕೆಐಐಎಫ್‌ನ ಜನರಲ್ ಮ್ಯಾನೇಜರ್ ರಿತೇಶ್ ದೇಶಪಾಂಡೆ ಮತ್ತು ಎರಡೂ ಸಂಸ್ಥೆಗಳ ಇತರ ಗಣ್ಯರು ಮತ್ತು ಅಧಿಕಾರಿಗಳು ಉಪಸ್ಥಿತರಿದ್ದರು.