ಹಾವೇರಿ 11: ಕರ್ನಾಟಕ ಉಚ್ಛನ್ಯಾಯಾಲಯದ ಗೌರವಾನ್ವಿತ ನ್ಯಾಯಮೂರ್ತಿಗಳು (ಧಾರವಾಡ ಪೀಠ) ಹಾಗೂ ಹಾವೇರಿ ಜಿಲ್ಲೆಯ ನೂತನ ಆಡಳಿತಾತ್ಮಕ ನ್ಯಾಯಮೂರ್ತಿಗಳಾದ ಗೌರವಾನ್ವಿತ ಎಸ್‌. ವಿಶ್ವಜಿತ್ ಶೆಟ್ಟಿ  ಅವರನ್ನು ಹಾವೇರಿ ಜಿಲ್ಲಾ ವಕೀಲರ ಸಂಘದ ಪದಾಧಿಕಾರಿಗಳು ಧಾರವಾಡ ಪೀಠದಲ್ಲಿ ಭೇಟಿ ಮಾಡಿ ಗೌರವಿಸಿ ಸನ್ಮಾನಿಸಲಾಯಿತು.  

ಹಾವೇರಿ ಜಿಲ್ಲೆಗೆ ಹೆಚ್ಚುವರಿ ಸಿವ್ಹಿಲ್ ಜಡ್ಜ  ಮತ್ತು  ಜೆಎಂಎಫ್‌ಸಿ ಕೋರ್ಟ ಮಂಜೂರ ಮಾಡುವ ಕುರಿತು ಹಾಗೂ ಇನ್ನಿತರೆ ಹಲವಾರು ಬೇಡಿಕೆಗಳನ್ನು ಈಡೇರಿಸಲು ಕೋರಲಾಯಿತು.ಇದಕ್ಕೆ ಸ್ಪಂಧಿಸಿದ ನ್ಯಾಯಮೂರ್ತಿಗಳು ಸಮಸ್ಯೆಗಳ ಗಂಭೀರತೆ ಪರಿಗಣಿಸಿ ನಿಮ್ಮ ಸಮಸ್ಯೆಗಳಿಗೆ ತ್ವರಿತವಾಗಿ ಸ್ಪಂಧಿಸಿ,ಬೇಡಿಕೆಗಳನ್ನು ಈಡೇರಿಸುವಂತೆ ಭರವಸೆ ನೀಡಿದರು.ಸಧ್ಯದಲ್ಲಿ ಹಾವೇರಿ ಜಿಲ್ಲಾ ನ್ಯಾಯಾಲಯಕ್ಕೆ ಭೇಟಿ ನೀಡುವುದಾಗಿ ತಿಳಿಸಿದರು ಎಂದು  ವಕೀಲರ ಸಂಘದ ಅಧ್ಯಕ್ಷರಾದ ಎಸ್‌. ಎಚ್‌. ಜತ್ತಿ ಅವರು ತಿಳಿಸಿದ್ದಾರೆ. 

ಈ ಸಂದರ್ಭದಲ್ಲಿ ಹೈಕೋರ್ಟ್‌ ವಕೀಲರಾದ ಎ. ಆರ್‌.ಮೆಣಸಿನಕಾಯಿ, ಸಂಘದ ಉಪಾಧ್ಯಕ್ಷರಾದ. ಪಿ. ಜಾವಗಲ್ಲ, ಕಾರ್ಯದರ್ಶಿ ಪಿ ಎಸ್‌.ಹೆಬ್ಬಾಳ,ಸಹ ಕಾರ್ಯದರ್ಶಿ ಎನ್‌.ಎಸ್‌. ಕಾಳೆ,ಆಡಳಿತ ಮಂಡಳಿಯ ಸದಸ್ಯರಾದ ಎಂ.ಎಂ. ರಜಾಕನವರ, ಬಿ. ಎಸ್‌. ಅಂಬ್ಲೇರ, ಆರ್‌.ಎಚ್‌. ತಂಗೋಡರ,ಸಿ. ಎಸ್‌. ಹಿರೇಮಠ ಸೇರಿದಂತೆ ಅನೇಕರಿದ್ದರು.