ರಬಕವಿ-ಬನಹಟ್ಟಿ 21: ರಾಮಪುರದ ಜ್ಞಾನೋದಯ ಶಿಕ್ಷಣ ಸಂಸ್ಥೆಯ ಜ್ಞಾನೋದಯ ಆಂಗ್ಲ ಮಾಧ್ಯಮ ಪ್ರಾಥಮಿಕ, ಹಿರಿಯ ಪ್ರಾಥಮಿಕ ಹಾಗೂ ಜ್ಞಾನದೀಪ ಶಾಲೆಯ ವಾರ್ಷಿಕೋತ್ಸವ ಸಮಾರಂಭ ಜ್ಞಾನದೀಪೋತ್ಸವ ಮಂಗಳವಾರ ದಿ. 23 ರಂದು ನಡೆಯಲಿದೆ ಎಂದು ಸಂಸ್ಥೆಯ ಚೇರಮನ್ ಪರಾ​‍್ಪ ಮಹಾದೇವಪ್ಪಾ ಬಿಳ್ಳೂರ ಹೇಳಿದರು. 

ಅಂದು ಮುಂಜಾನೆ 9-30ಕ್ಕೆ ವಾರ್ಷಿಕೋತ್ಸವ ನಿಮಿತ್ತ ನಡೆದ ಅನೇಕ ಕ್ರೀಡೆಗಳಲ್ಲಿ ಮತ್ತು ಸಾಧಕ ವಿಧ್ಯಾರ್ಥಿಗಳಿಗೆ ಪಾರಿತೋಷಕ ವಿತರಣೆ ಸಮಾರಂಭ ಜರುಗಲಿದ್ದು, ಈ ಸಮಾರಂಭದ ಸಾನಿಧ್ಯವನ್ನು ಅಲ್ಲಮ್ಮಪ್ರಭು ವಿರಕ್ತಮಠ ಚಿಮ್ಮಡದ ಪ್ರಭು ಮಹಾಸ್ವಾಮಿಗಳು ವಹಿಸಲಿದ್ದು, ಅಧ್ಯಕ್ಷತೆಯನ್ನು ಪರಾ​‍್ಪ ಮಹಾದೇವಪ್ಪ ಬಿಳ್ಳೂರ ವಹಿಸಲಿದ್ದಾರೆ ಎಂದು ತಿಳಿಸಿದ್ದಾರೆ 

ಮುಖ್ಯ ಅತಿಥಿಗಳಾಗಿ ಶಾಸಕ ಸಿದ್ದು ಸವದಿ, ಡಾ. ಕಲ್ಲಪ್ಪಾ ಕುಂಚನೂರ, ಕ್ಷೇತ್ರ ಸಮನ್ವಯಾಧಿಕಾರಿ ಕೆ.ಎಂ. ಕೋಲೂರ, ಶಿಕ್ಷಣ ಸಂಯೋಜಕ ಡಬ್ಲೂ, ವಾಯ್‌. ಭಜಂತ್ರಿ, ಸಮೂಹ ಸಂಪನ್ಮೂಲ ವ್ಯಕ್ತಿ ಎಸ್‌.ಎಸ್‌.ಬಡ್ಡಿ ಆಗಮಿಸಲಿದ್ದಾರೆ. 

ಸಾಂಸ್ಕೃತಿಕ ಸಮಾರಂಭ ಸಂಜೆ 5 ಕ್ಕೆ ಜರುಗಲಿದ್ದು, ಅಧ್ಯಕ್ಷತೆಯನ್ನು ಪರಾ​‍್ಪ ಮಹಾದೇವಪ್ಪಾ ಬಿಳ್ಳೂರ ಅಧ್ಯಕ್ಷತೆ ವಹಿಸಲಿದ್ದಾರೆ.  ಈ ಸಂದರ್ಭದಲ್ಲಿ ಆಡಳಿತಾಧಿಕಾರಿ ಏಕನಾಥ ಗಥಡೆ, ಮುಖ್ಯಗುರುಗಳಾದ ಕೃಷ್ಣಾ ತಳವಾರ, ಸಾಬು ಬುಗಟಿ, ಮಲ್ಲಿಕಾರ್ಜುನ ಮನ್ಮಿ ಸೇರಿದಂತೆ ಶಾಲಾ ಸಿಬ್ಬಂದಿ ಉಪಸ್ಥಿತರಿದ್ದರು.