ಮುದ್ದೇಬಿಹಾಳ, ಆ.28: ಪಟ್ಟಣದಲ್ಲಿ ನೂಲಿಯ ಚಂದಯ್ಯನವರ ಹಾಗೂ ಬ್ರಹ್ಮಶ್ರೀ ನಾರಾಯಣಗುರುಗಳ ಜಯಂತ್ಯೋತ್ಸವವನ್ನು ಈಡಿಗ ಹಾಗೂ ಬಜಂತ್ರಿ ಸಮಾಜದ ವತಿಯಿಂದ ಶುಕ್ರವಾರ ಸಂಭ್ರಮದಿಂದ ಆಚರಿಸಲಾಯಿತು.  

ಬೆಳಿಗ್ಗೆ ಆಲಮಟ್ಟಿ ರಸ್ತೆಯಲ್ಲಿರುವ ಬ್ರಹ್ಮಶ್ರೀ ನಾರಾಯಣಗುರುಗಳ ವೃತ್ತವನ್ನು ಅಲಂಕರಿಸಿ, ಈಡಿಗ ಸಮಾಜದ ಹಿರಿಯರು ವಿಶೇಷ ಪೂಜೆ ಸಲ್ಲಿಸಿದರು. ಬಳಿಕ ಸಿಹಿ ಹಂಚುವ ಮೂಲಕ ಜಯಂತಿಯನ್ನು ಆಚರಿಸಲಾಯಿತು.  

ಅದೇ ರೀತಿ ತಂಗಡಗಿ ರಸ್ತೆಯಲ್ಲಿರುವ ನೂಲಿಯ ಚಂದಯ್ಯನವರ ವೃತ್ತದಲ್ಲಿ ಬಜಂತ್ರಿ ಸಮಾಜದ ವತಿಯಿಂದ ವಿವಿಧ ವಾದ್ಯಮೇಳಗಳೊಂದಿಗೆ ವಿಶೇಷ ಪೂಜೆ ಸಲ್ಲಿಸಿ ಜಯಂತ್ಯೋತ್ಸವ ಆಚರಿಸಲಾಯಿತು.  

ಈ ಸಂದರ್ಭದಲ್ಲಿ ಮಾಜಿ ಪುರಸಭೆ ಅಧ್ಯಕ್ಷ ಮೆಹಬೂಬ ಗೋಳಸಂಗಿ, ಈಡಿಗ ಸಮಾಜದ ಮುಖಂಡ ಎ. ಗಣೇಶ್, ಅನ್ನಗೌಣಿ ಟಿ. ವಿಜಯಭಾಸ್ಕರ್, ಕನ್ನಡ ಸಾಹಿತ್ಯ ಪರಿಷತ್ ತಾಲೂಕಾಧ್ಯಕ್ಷ ಕಾಮರಾಜ ಬಿರಾದಾರ, ಎಪಿಎಂಸಿ ಮಾಜಿ ಉಪಾಧ್ಯಕ್ಷ ವಿ.ಎಚ್‌. ವಿಜಯಕರ, ಗುರುಲಿಂಗಪ್ಪಗೌಡ ಬಿರಾದಾರ, ಸಿ.ಜಿ. ವಿಜಯಕರ, ವೀರಶೈವ ಸಮಾಜದ ತಾಲೂಕಾಧ್ಯಕ್ಷ ಪ್ರಭುರಾಜ ಕಲಬುರ್ಗಿ, ಬ್ಲಾಕ್ ಕಾಂಗ್ರೆಸ್ ತಾಲೂಕಾಧ್ಯಕ್ಷ ಗುರುಣ್ತು ತಾರನಾಳ, ರಾಜೇಂದ್ರ ರಾಯಗೊಂಡ, ಭೋವಿ ಸಮಾಜದ ಮಾಜಿ ಅಧ್ಯಕ್ಷ ಪರಶುರಾಮ ನಾಲತವಾಡ,

ಸಿಕಂದರ್ ಜಾನೇವಕರ್, ಬಜಂತ್ರಿ ಸಮಾಜದ ತಾಲೂಕಾಧ್ಯಕ್ಷ ನಾಗೇಶ್ ಬಜಂತ್ರಿ, ಗೋವಿಂದ ಬಜಂತ್ರಿ, ಹಣಮಂತ ಭಂಟನೂರ, ಸಿಂಗಪ್ಪ ಬಜಂತ್ರಿ, ಸಾಬಣ್ಣ ಬಜಂತ್ರಿ, ಭೀಮಣ್ಣ ಬಜಂತ್ರಿ, ಹುಲಗಪ್ಪ ಬಜಂತ್ರಿ, ಸಾಬಣ್ಣ ನಾಗಬೇನಾಳ, ಹಣಮಂತ ರಕ್ಕಸಗಿ ಹಾಗೂ ಯಂಕಪ್ಪ ಬಜಂತ್ರಿ ಸೇರಿದಂತೆ ರೋಡಗಿ ಮತ್ತು ಚವನಭಾವಿ ಗ್ರಾಮದ ಈಡಿಗ ಸಮಾಜದ ಮುಖಂಡರು ಹಾಗೂ ಸಮಾಜದ ಬಾಂಧವರು ಉಪಸ್ಥಿತರಿದ್ದರು.