ದೇವರಹಿಪ್ಪರಗಿ 21 : ಜಗದ್ಗುರು ಶಂಕರಾಚಾರ್ಯರ ಆದರ್ಶ ತತ್ವಗಳನ್ನು ಪ್ರತಿಯೊಬ್ಬರೂ ಜೀವನದಲ್ಲಿ ಪಾಲಿಸಬೇಕು. ಶಂಕರಾಚಾರ್ಯರು ದೈವಿ ಭಕ್ತರಾಗಿ, ಜ್ಞಾನಿಯಾಗಿ, ವಿವೇಕಿಗಳಾಗಿ ಅದ್ವೈತ ಮತ ಸ್ಥಾಪಿಸಿದರು. ಜೀವನದಲ್ಲಿ ಅವರು ಹಾಕಿಕೊಟ್ಟ ಶಿಸ್ತಿನ ಗೆರೆಗಳನ್ನು ಅಳವಡಿಸಿಕೊಳ್ಳಬೇಕು ಎಂದು ತಾಲೂಕು ದಂಡಾಧಿಕಾರಿಗಳು ಹಾಗೂ ತಹಶೀಲ್ದಾರ್ ನಿಂಗಪ್ಪ ಬಿರಾದಾರ ಹೇಳಿದರು. ಪಟ್ಟಣದ ತಹಶೀಲ್ದಾರ್ ಕಚೇರಿ ಸಭಾಭವನದಲ್ಲಿ ಮಂಗಳವಾರ ಏರಿ​‍್ಡಸಲಾರದ ಜಗದ್ಗುರು ಶಂಕರಾಚಾರ್ಯರ ಜಯಂತಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಕಾರ್ಯಕ್ರಮದ ಉಪನ್ಯಾಸಕರಾಗಿ ಗೀರೀಶ ಕುಲಕರ್ಣಿ ಅವರು ಮಾತನಾಡಿ, ಬದುಕಿನಲ್ಲಿ ನಾನು ಎನ್ನುವ ಅಹಂಭಾವದ ಅಭಾವವಾಗಬೇಕು. ಮನುಷ್ಯ ಜನ್ಮ ಬಂದಮೇಲೆ ದೇವರನ್ನು ಸ್ಮರಿಸಬೇಕು.  

ಶಂಕರಾಚಾರ್ಯರು ದೈವೀ ಭಕ್ತರಾಗಿ, ತತ್ವಜ್ಞಾನಿಯಾಗಿ, ವಿವೇಕಿಗಳ ಸಂಗಮವಾಗಿ ರಾರಾಜಿಸಿದವರು. ಶಂಕರಾಚಾರ್ಯರು ಅದ್ವೈತ ತತ್ವದ ಮೂಲಕ ಜಗತ್ತಿನಲ್ಲಿ ಸಮಾನತೆ ಸಾರಿದರು. ಶಂಕರಾಚಾರ್ಯರು ಬದುಕನ್ನು ಸಮಚ್ಯುತ್ತದಿಂದ ನೋಡಬೇಕು ಭಾರತೀಯ ಆಧ್ಯಾತ್ಮಿಕ ಪರಂಪರೆಗೆ ಶಂಕರಾಚಾರ್ಯರ ಕೊಡುಗೆ ಅಪಾರ ಎಂದು ಹೇಳಿದರು. ಮುಖಂಡರುಗಳಾದ ಡಾ.ಆರ್‌.ಆರ್‌.ನಾಯಿಕ ಅವರು ಮಾತನಾಡಿ ಕೇಂದ್ರ ಸರ್ಕಾರವು 2003ರಿಂದ ರಾಷ್ಟ್ರಾದ್ಯಂತ ಜ.ಶಂಕರಾಚಾರ್ಯ ಜಯಂತಿಯನ್ನು ತತ್ವಜ್ಞಾನಿಗಳ ದಿನಾಚರಣೆಯನ್ನಾಗಿ ಆಚರಿಸಲಾಗುತ್ತಿದೆ ಇದರ ಜೊತೆ ಪಟ್ಟಣದಲ್ಲೂ ಜಯಂತಿ ಆಗುತ್ತಿರುವುದು ಸರ್ಕಾರಕ್ಕೆ ಹಾಗೂ ಸಮುದಾಯದ ಮುಖಂಡರುಗಳಿಗೆ ಅಭಿನಂದಿಸುತ್ತೇನೆ ಎಂದರು. ಇದೇ ಸಂದರ್ಭದಲ್ಲಿ ಸಮುದಾಯದ ಮುಖಂಡರುಗಳಾದ ವೆಂಕಟೇಶ ಕುಲಕರ್ಣಿ, ಚಿದಂಬರ ಕುಲಕರ್ಣಿ, ಶ್ರೀಪಾದ ಭಟ್ಟ ಜೋಶಿ, ಶ್ರೀಧರ ನಾಡಗೌಡ, ಚನ್ನವೀರ ಕುದುರಿ, ಪಂಚಾಕ್ಷರಿ ಮಿಂಚಿನಾಳ, ಪ್ರವೀಣ್ ಕುಲಕರ್ಣಿ ಸೇರಿದಂತೆ ಹಲವಾರು ಜನ ಮುಖಂಡರು ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ಕಂದಾಯ ಇಲಾಖೆಯ ಶಿರಸ್ತೇದಾರ ಸುರೇಶ ಮ್ಯಾಗೇರಿ ಸ್ವಾಗತಿಸಿ, ವಂದಿಸಿದರು.