ಮುದ್ದೇಬಿಹಾಳ 01: ರಾಜ್ಯದಲ್ಲಿ ಮುಖ್ಯಮಂತ್ರಿ ಸಿದ್ರಾಮಯ್ಯನವರ ನೇತೃತ್ವದ ಕಾಂಗ್ರೆಸ್ ದುರಾಡಳಿತ, ಹಾಗೂ ಭ್ರಷ್ಟಾಚಾರದಿಂದ ಕೂಡಿದ ಜನ ವಿರೋಧಿ ಸರಕಾರವಾಗಿದೆ ಕಾರಣ ಈ ಭ್ರಷ್ಟ ಸರಕಾರವನ್ನು ವಜಾಗೊಳಿಸಬೇಕು ಎಂದು ಆಗ್ರಹಿಸಿ ತಾಲೂಕಾ ಜೆಡಿಎಸ್ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರಿಂದ ತಹಶಿಲ್ದಾರ ಬಲರಾಮ ಕಟ್ಟಿಮನಿಯವರ ಮೂಲಕ ರಾಜ್ಯಪಾಲರಿಗೆ ಮನವಿ ಸಲ್ಲಿಸಿದರು. 

ರಾಜ್ಯದಲ್ಲಿ ಕಾಂಗ್ರೆಸ್ ಸರಕಾರ ಅಧಿಕಾರಕ್ಕೆ ಬಂದು ಎರಡೂವರೇ ವರ್ಷಗಳು ಗತಿಸಿದರೂ ಒಂದು ಜನಪರ ಯೋಜನೆಗಳನ್ನು ಅನುಷ್ಠಾನಗೊಳಿಸುವಲ್ಲಿ ಸಂಪೂರ್ಣ ವಿಫಲವಾಗಿದೆ. ವಾಲ್ಮೀಕಿ ನಿಗಮದಲ್ಲಿ, ವಸತಿ ನಿಗಮದಲ್ಲಿ, ಅಬಕಾರಿ ಇಲಾಖೆ ಸೇರಿದಂತೆ ಅನೇಕ  ಇಲಾಖೆಗಳಲ್ಲಿ ಹಗರಣಗಳಿಂದ ವ್ಯಾಪಕ ಭ್ರಷ್ಟಾಚಾರದಲ್ಲಿ ತೊಡಗಿದೆ.  

ಗ್ಯಾಂರಂಟಿ ಯೋಜನೆಗಳ ಹೆಸರಲ್ಲಿ ಮುಖ್ಯಮಂತ್ರಿಗಳು, ಸಚಿವರು, ಶಾಸಕರು ಹಾಗೂ ಅಧಿಕಾರಿಗಳು ಲೂಟಿ ಹೊಡೆದು ಸರಕಾರದ ಖಜಾನೆ ಖಾಲಿ ಮಾಡಿದ್ದಾರೆ. ಇದರಿಂದ, ರಸ್ತೆ, ನೀರಾವರಿ, ಸೇರಿದಂತೆ ಅನೇಕ ಅಭಿವೃದ್ಧಿ ಪೂರಕ ಯಾವ ಯೋಜನೆಗಳನ್ನು ಅನುಷ್ಠಾನಗೊಳಿಸುವಲ್ಲಿ ಸರಕಾರಕ್ಕೆ ಸಾಧ್ಯವುತ್ತಿಲ್ಲ. ಸರಕಾರದ ಬ್ರಷ್ಟಾಚಾರ ಜನರಿಗೆ ಗೊತ್ತಾಗಬಾರದೆಂದು ಜನರಿಗೆ ಒಂದಲ್ಲ ಒಂದು ರೀತಿಯಲ್ಲಿ ಆಸ್ವಾನೆ ನೀಡಿ ಜನರ ದಾರಿ ತಪ್ಪಿಸುವ ಉದ್ದೇಶ ಈ ಸರಕಾರದ್ದಾಗಿದೆ. ಕಾರಣ ಇಂತಹ ಬ್ರಷ್ಟ ಸರಕಾರನ್ನು ಈ ಕೂಡಲೇ ವಜಾಗೊಳಿಸಿ ಸೂಕ್ತ ಕ್ರಮ ಜರುಗಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.ಜೆಡಿಎಸ್ ಜಿಲ್ಲಾಧ್ಯಕ್ಷ ಬಸನಗೌಡ ಮಾಡಗಿ, ತಾಲೂಕಾ ಅಧ್ಯಕ್ಷ ಪಿ ಎನ್ ಹವಾಲ್ದಾರ, ಮುಖಂಡರಾದ ಬಸನಗೌಡ ಪಾಟೀಲ(ಹಿರೆಮುರಾಳ)ಸೈಯದ ಸಾಹಿಹಾಳ, ಬಸವಂತ್ರಯಾ ದೇಸಾಯಿ, ಲಾಳೇಮಶ್ಯಾಕ ನಾಯ್ಕೋಡಿ, ಅಜರುದ್ದೀನ ಮುಲ್ಲಾ, ಅಬ್ದುಲ ಅಜೀಜ, ಮೋತಿಲಾಲ ಮ್ಯಾಗೇರಿ ಸೇರಿದಂತೆ ಹಲವರು ಇದ್ದರು.