ಯಮಕನಮರಡಿ 17 : ಸ್ಥಳೀಯ ಸರಕಾರಿ ಪದವಿ  ಪೂರ್ವ ಮಹಾವಿದ್ಯಾಲಯ ಯಮಕನಮರಡಿಯ ರಾಷ್ಟ್ರೀಯ ಸೇವಾ ಯೋಜನಾ ಘಟಕದ ಅಡಿಯಲ್ಲಿ ವಿಶ್ವ ಜನಸಂಖ್ಯಾ ದಿನದ ಅಂಗವಾಗಿ ವಿದ್ಯಾರ್ಥಿಗಳಿಗಾಗಿ "ಹೆಚ್ಚುತ್ತಿರುವ ಜನಸಂಖ್ಯೆ ದೇಶದ ಅಭಿವೃದ್ದಿಗೆ ಪೂರಕವೋ ಅಥವಾ ಮಾರಕವೋ ಎಂಬ ವಿಷಯದ ಮೇಲೆ ಚರ್ಚಾ ಸ್ಪರ್ಧೆ ಏರ್ಪಡಿಸಲಾಯಿತು. 

ಚರ್ಚಾ ಸ್ಪರ್ಧೆಯಲ್ಲಿ ವಿಜ್ಞಾನ ವಿಭಾಗದ ವಿದ್ಯಾರ್ಥಿನಿ ಕು.ಸಂದ್ಯಾ ನಾವಿ ಪ್ರಥಮ  ಕಲಾ ವಿಭಾಗದ ಪೂಜಾ ತಳವಾರ ದ್ವಿತೀಯ ಹಾಗೂ ಕು.ಶಿಲ್ಪಾ ಬಂಗಾರಿ ತೃತೀಯ ಸ್ಥಾನ ಪಡೆದುಕೊಂಡರು. ಕಾರ್ಯಕ್ರಮದ  ಅಧ್ಯಕ್ಷತೆಯನ್ನು ಪ್ರಾಚಾರ್ಯ ಶ್ರೀ.ಎಸ್‌.ಎ ರಾಮನಕಟ್ಟಿ ವಹಿಸಿದ್ದರೆ ಅತಿಥಿಗಳಾಗಿ ಕಾರ್ಯಕ್ರಮ ಅಧಿಕಾರಿ ಬಿ.ಬಿ.ಕೊಡ್ಲಿ ಆಗಮಿಸಿದ್ದರು.ತೀರ್ಪುಗಾರರಾಗಿ ಉಪನ್ಯಾಸಕಿಯರಾದ ಜಿ.ಜಿ.ಮಠಪತಿ ಹಾಗೂ ವಿದ್ಯಾ ಹೊಳೆಪ್ಪನವರ ಹಾಜರಿದ್ದರು. ಕಾರ್ಯಕ್ರಮವನ್ನು ಎಸ್‌.ಆರ್ ತಬರಿ ನಿರೂಪಿಸಿದರು.