ಹುಬ್ಬಳ್ಳಿ 23: ಅಂತರರಾಷ್ಟ್ರೀಯ ಖ್ಯಾತಿ ಪಡೆದ ಗಾಯಕ ಹಾಗೂ ಜೈನ್ ರಾಕ್‌ಸ್ಟಾರ್ ವಿಕ್ಕಿ ಡಿ. ಪಾರೆಖ್ ಅವರು ಹುಬ್ಬಳ್ಳಿಗೆ ಆಗಮಿಸಿದ ಸಂದರ್ಭದಲ್ಲಿ ದಕ್ಷಿಣದ ಕಾಶಿ ಎಂದು ಪ್ರಸಿದ್ಧವಾದ ಶ್ರೀ ಸಿದ್ದಾರೂಢ ಸ್ವಾಮೀಜಿ ಮಠಕ್ಕೆ ಆತ್ಮೀಯ ಭೇಟಿ ನೀಡಿದರು. 

ಸ್ವಾಮೀಜಿಗಳ ಸನ್ನಿಧಿಯಲ್ಲಿ ಭಕ್ತಿಭಾವದಿಂದ ದರ್ಶನ- ಆರತಿ ಮಾಡಿ ಆಶೀರ್ವಾದ ಪಡೆದ ಅವರು, ಮಠದಿಂದ ನಡೆಯುತ್ತಿರುವ ಸಾಮಾಜಿಕ ಮತ್ತು ಆಧ್ಯಾತ್ಮಿಕ ಚಟುವಟಿಕೆಗಳ ಬಗ್ಗೆ ವಿವರವಾದ ಮಾಹಿತಿ ಪಡೆದುಕೊಂಡರು. 

ಭೇಟಿಯ ಸಂದರ್ಭದಲ್ಲಿ ಮಂಚ ಸಾರಥಿ ಲಲಿತ್ ಪರಮಾರ್ ಹಾಗೂ ವಿಕ್ಕಿ ಪಾರೆಖ್ ಅವರ ತಂಡದ ಇತರ ಕಲಾವಿದರು ಸಹ ಹಾಜರಿದ್ದರು.  

ಈ ಸಂದರ್ಭದಲ್ಲಿ ಮಠದ ಮಾಜಿ ಚೇರ್‌ಮನ್ ಮಹೇಂದ್ರ ಸಿಂಘಿ, ಪ್ರಸ್ತುತ ಚೇರ್‌ಮನ್ ಚನ್ವೀರ ಮುಂಗರವಾಡಿ ಸೇರಿದಂತೆ ಹಲವಾರು ಗಣ್ಯರು ವಿಕ್ಕಿ ಪಾರೆಖ್ ಮತ್ತು ಲಲಿತ್ ಪರಮಾರ್ ಅವರನ್ನು ಸನ್ಮಾನಿಸಿ ಆತ್ಮೀಯವಾಗಿ ಅಭಿನಂದಿಸಿದರು.  

ಕಾರ್ಯಕ್ರಮದಲ್ಲಿ ಮಹಾವೀರ ಲಿಂಬ್ ಸೆಂಟರ್‌ನ ಚೇರ್‌ಮನ್ ಗೌತಮ್ ಗೋಲೆಚ್ಛಾ, ಪ್ರಕಾಶ ಕಟಾರಿಯಾ, ಕಾಂತಿಲಾಲ್ ಬೋಹರಾ, ಮಹಾವೀರ ಕುಂದೂರ್ ಸೇರಿದಂತೆ ಇತರ ಸಮಾಜಬಂಧುಗಳು ಉಪಸ್ಥಿತರಿದ್ದರು.