ಕುಂದರಗಿ  21 :  ವಿದ್ಯಾರ್ಥಿಗಳ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಗೆ ಯೋಗವು ಅತ್ಯಂತ ಅವಶ್ಯಕವಾಗಿದೆ ಎಂದು ಯೋಗ ಪಟು ವೆಂಕಟೇಶ್ ಉತ್ತೂರ ಹೇಳಿದರು. ಗ್ರಾಮದ ಶಾಸಕರ ಸರಕಾರಿ ಮಾದರಿ ಕೇಂದ್ರ ಶಾಲೆಯಲ್ಲಿ ಅಂತರಾಷ್ಟ್ರೀಯ ಯೋಗ ದಿನಾಚರಣೆಯಲ್ಲಿ ಮಾತನಾಡಿದರು. ಶಾಲೆಯ ಮುಖ್ಯಗುರುಗಳು ಮಾತನಾಡಿ, ಯೋಗದ ಮಹತ್ವ ಅದರ ಇತಿಹಾಸ ಮತ್ತು ದೈನಂದಿನ ಜೀವನದಲ್ಲಿ ಅದರ ಪ್ರಯೋಜನಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಮಾಹಿತಿ ಹೇಳಿದರು. ಶಿಕ್ಷಕರಾದ ವಿ ಜಿ ಪಾವಲೆ ಮಾತನಾಡಿ ಧ್ಯಾನ ಮತ್ತು ಪ್ರಾಣಯಾಮವು ಮನಸ್ಸನ್ನು ಶಾಂತಿ ಗೊಳಿಸಿ ಓದಿನಲ್ಲಿ ಏಕಾಗ್ರತೆ ಮತ್ತು ನೆನಪಿನ ಶಕ್ತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಎಂದು ಹೇಳಿದರು. ಶಿಕ್ಷಕರಾದ ಎಮ್ ಸಿ ಶಿರೂರ ಮಾತನಾಡಿ. ಯೋಗಾಸನಗಳು ದೇಹವನ್ನು ದೃಢಗೊಳಿಸುತ್ತವೆ ನಮ್ಯತೆಯನ್ನು ಹೆಚ್ಚಿಸುತ್ತವೆ ಮತ್ತು ಸರಿಯಾದ ಭಂಗಿಯನ್ನು ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ ಎಂದು ಹೇಳಿದರು. ಈ ಕಾರ್ಯಕ್ರಮದ ಶಾಲೆಯ ಶಿಕ್ಷಕರಾದ ಎಮ್ ಸಿ ಪಟ್ಟಣಶೆಟ್ಟಿ ಶರೀಫ ಬೂದಿಹಾಳ ಪ್ರೇಮಾ ಹಿರೇಮಠ  ಶೋಭಾ ಕುನ್ನಾಳ ಮುಂತಾದವರು ಭಾಗವಹಿಸಿದ್ದರು.