ಬೆಳಗಾವಿ 23:  ದಿ. 22ರಂದು ಕೇಂದ್ರ ಬಸ್ ನಿಲ್ದಾಣದ ಹಳೆ ಭಾಜಿ ಮಾರ್ಕೆಟ್ ಹತ್ತಿರ ಅಕ್ರಮವಾಗಿ ಮಾದಕ ವಸ್ತುಗಳನ್ನು ಮಾರಾಟ ಮಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಬಂದ ಮೇರೆಗೆ ಮಾರ್ಕೆಟ್ ಪೊಲೀಸ್ ಠಾಣೆಯ ಪಿಐ ಮಹಾಂತೇಶ ದಾಮನ್ನವರ ಮತ್ತು ಸಿಬ್ಬಂದಿಯವರು ಕೂಡಲೆ ಕಾರ್ಯಪ್ರವೃತ್ತರಾಗಿ ದಾಳಿ ನಡೆಸಿ ಆರೋಪಿಗಳಿಂದ ರೂ. 40,000 ಮೌಲ್ಯದ 48.22ಗ್ರಾಂ ಹೆರಾಯಿನ್ ಮತ್ತು ಕೃತ್ಯಕ್ಕೆ ಬಳಸಿದ 40,000 ರೂ. ಮೌಲ್ಯದ ಮೋಟಾರ್ ಸೈಕಲ್‌ನ್ನು ವಶಪಡಿಸಿಕೊಂಡಿದ್ದಾರೆ. 

 ಬೆಳಗಾವಿ ನ್ಯೂ ಗಾಂಧಿ ನಗರದ ಯುನುಸ್ ದಸ್ತಗಿರಸಾಬ ಸನದಿ, ವೀರಭದ್ರ ನಗರದ ಮುಶೈಬ ಜರಾರಹ್ಮದ ಪಟೇಲ್ ಆರೋಪಿಗಳಾಗಿದ್ದಾರೆ. ಮಾರ್ಕೆಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಕಾನೂನು ಕ್ರಮ ಜರುಗಿಸಿ ಪ್ರಕರಣದ ತನಿಖೆ ಮುಂದುವರೆಸಲಾಗಿದೆ. ಯುವಜನತೆ ಇಂತಹ ದುಶ್ಚಟಕ್ಕೆ ಬೀಳದಂತೆ ತಿಳಿಸಲಾಗಿದೆ.