ಶಿಗ್ಗಾವಿ 28: ಎಲ್ಲ ದೇಶಗಳ ಜನರಿಗಿಂತ ಭಾರತೀಯರು ಬುದ್ದಿವಂತರಿದ್ದಾರೆ. ನಮ್ಮ ಮಕ್ಕಳಿಗೆ ಅವಕಾಶ ಕೊಟ್ಟರೆ ಜಗತ್ತನ್ನು ಆಳುತ್ತಾರೆ. ಇದು ಭಾರತದ ಯುಗ, 2047 ಕ್ಕೆ ವಿಕಸಿತ ಭಾರತ ಮಾಡುವ ಸಂಕಲ್ಪವನ್ನು ಪ್ರಧಾನಿ ನರೇಂದ್ರ ಮೋದಿ ಹೊಂದಿದ್ದಾರೆ ಎಂದು ಸಂಸದ ಬಸವರಾಜ ಬೊಮ್ಮಾಯಿ ಹೇಳಿದರು.  

          ತಾಲೂಕಿನ ಬಿಸನಳ್ಳಿಯ ಜಗದ್ಗುರು ಪಂಚಾಚಾರ್ಯ ವೇದ, ಆಗಮ, ಸಂಸ್ಕೃತ, ಸಂಗೀತ, ಯೋಗ ಮತ್ತು ಜ್ಯೋತಿಷ್ಯ ಪಾಠಶಾಲೆಯ ಆವರಣದಲ್ಲಿ ಶ್ರೀ ಜಗದ್ಗುರು ಪಂಚಾಚಾರ್ಯರ ದಿವ್ಯ ಸಾನಿಧ್ಯದಲ್ಲಿ ಏರಿ​‍್ಡಸಿದ ಮಾನವ ಧರ್ಮ ಸಮಾವೇಶದಲ್ಲಿ ಮಾತನಾಡಿದ ಅವರು ಇದೊಂದು ಪುಣ್ಯ ಭೂಮಿ ಕಾಶಿ ಜಗದ್ಗುರುಗಳು ಪಾಠ ಶಾಲೆ ಆರಂಭ ಮಾಡಿದಾಗಲೇ ಬಿಸನಳ್ಳಿ ಪುಣ್ಯಭೂಮಿಯಾಗಿದೆ. ನೂರಾರು ಸಣ್ಣ ವಿದ್ಯಾರ್ಥಿಗಳು, ಆಗಮ, ವೇದ, ಸಂಸ್ಕೃತ, ಜ್ಯೋತಿಷ್ಯದಲ್ಲಿ ಪರಿಣಿತರಾಗುತ್ತಿದ್ದಾರೆ. ಮುಂದಿನ ಜನಾಂಗಕ್ಕೆ ಸಂಸ್ಕೃತಿ ಸಂಸ್ಕಾರ ಹೇಳಿಕೊಡುವ ವಟುಗಳನ್ನು ತಯಾರು ಮಾಡದೇ ಹೋದರೆ ನಮ್ಮ ದೇಶದ ಪರಿಸ್ಥಿತಿ ಏನಾಗುತ್ತದೆ ಯೋಚಿಸಿ. ಹಿಂದಿನವರು ಇದನ್ನು ಮಾಡಿಕೊಂಡು ಬಂದಿದ್ದಾರೆ. ಪರಮಪೂಜ್ಯರ ವಾಣಿ ಮುಖಾಂತರ ನಮ್ಮ ಬದುಕನ್ನು ಸಹಜವಾಗಿ ತಿಳಿದುಕೊಳ್ಳಲು ಸಾಧ್ಯವಾಯಿತು.  

          ಇದು ನಿರಂತರ ನಡೆಯುತ್ತಿರುವ ಸಂಸ್ಕೃತಿಕ ಚಳುವಳಿ, ಕಾಶಿ ಜಗದ್ಗುರುಗಳು ಮಾಡುತ್ತಿರುವುದು ಪುಣ್ಯ ಕಾರ್ಯ. ಅವರ ಪಾದಕ್ಕೆ ಕೋಟಿ ಕೋಟಿ ನಮನಗಳು ಹಾಗೂ ಸಂಸ್ಕಾರ ಆಚರಣೆ ವಿಚಾರಣೆಯಿಂದ ಬರುತ್ತದೆ, ನ್ಯಾಯ ನೀತಿ, ಸತ್ಯ ಒಳಗೊಂಡಿರುವುದೇ ಧರ್ಮ, ಇಂತಹ ವಿಚಾರ ಹಂಚಿಕೊಳ್ಳಲು ಅವಕಾಶ ಕೊಟ್ಟಿದ್ದಕ್ಕೆ ಧನ್ಯವಾದ, ಕಾಶಿ ಜಗದ್ಗುರುಗಳ ಆಶೀರ್ವಾದ ನನ್ನ ಮೇಲೆ ಸದಾ ಇದೆ ಎಂದು ಹೇಳಿದರು. 

        ಈ ಸಂಧರ್ಭದಲ್ಲಿ ಷ.ಬ್ರ ಶಂಭುಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು ಸಿಂದಗಿ ಮಠ ಹೋತನಹಳ್ಳಿ, ಷ.ಬ್ರ ಡಾ. ರಾಜಶೇಖರ ಶಿವಾಚಾರ್ಯ ಮಹಾಸ್ವಾಮಿಗಳು, ಕಾಶೀ ಖಾಸಾ ಶಾಖಾಮಠ ನವನಗರ, ಹುಬ್ಬಳ್ಳಿ, ಷ.ಬ್ರ ಡಾ ನೀಲಕಂಠ ಶಿವಾಚಾರ್ಯ ಮಹಾಸ್ವಾಮಿಗಳು, ಅಮರೇಶ್ವರ ಬ್ರಹನ್ಮಠ, ಗುಳೇದಗುಡ್ಡ, ಷ.ಬ್ರ ವಿಶ್ವಾರಾಧ್ಯ ಶಿವಾಚಾರ್ಯ ಮಹಾಸ್ವಾಮಿಗಳು, ಮುರುಘೇಂದ್ರಮಠ, ಹಿರೇಮಣಕಟ್ಟಿ, ಷ.ಬ್ರ ವಿಶ್ವೇಶ್ವರ ಶಿವಾಚಾರ್ಯ ಮಹಾಸ್ವಾಮಿಗಳು, ಹಿರೇಮಠ, ಹಿರೇಬೆಂಡಿಗೇರಿ ಹಾಗೂ ಶಂಭಣ್ಣ ಮಾಮ್ಲೇಪಟ್ಟಣಶೆಟ್ಟರ ಸೇರಿದಂತೆ ಹಲವಾರು ಪ್ರಮುಖರು ಹಾಗೂ ಮುಖಂಡರು ಉಪಸ್ಥಿತರಿದ್ದರು.