ಅಥಣಿ, 12 : ಮುಂಬರುವ ಸಚಿವ ಸಂಪುಟ ವಿಸ್ತರಣೆ ಅಥವಾ ಪುನರ್ ರಚನೆಯಲ್ಲಿ ಹಿರಿಯ ಶಾಸಕರ ಕೋಟಾದಡಿ ನಾನೂ ಆಕಾಂಕ್ಷಿ ಎಂದು ಬಿಡಿಸಿಸಿ ಬ್ಯಾಂಕ ಉಪಾಧ್ಯಕ್ಷ ,  ಶಾಸಕ ರಾಜು ಕಾಗೆ ಹೇಳಿದರು. ಅವರು ಈಗಾಗಲೇ ವಾಯವ್ಯ ರಸ್ತೆ ಸಾರಿಗೆ ನಿಗಮದ ಅಧ್ಯಕ್ಷರಾಗಿ, ಡಿಸಿಸಿ  ಬ್ಯಾಂಕಿಗೆ ಅವಿರೋಧವಾಗಿ ನಿರ್ಷೇಶಕರಾಗಿ ಮತ್ತು ಇತ್ತೀಚಿಗಷ್ಟೇ ಬ್ಯಾಂಕಿನ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. 

ಈಗ ಮತ್ತೊಮ್ಮೆ ಸಚಿವ ಸಂಪುಟದಲ್ಲಿಯೂ ಸೇರೆ​‍್ಡಯಾಗುವೆ ಎಂದು ವಿಶ್ವಾಸದಿಂದ ಹೇಳುವ ಇವರ ಹೇಳಿಕೆ  ಜಿಲ್ಲೆಯಲ್ಲಿ ಸಂಚಲನ ಮೂಡಿಸಿದೆ. ಶಾಸಕರು  ಸಿದ್ದೇವಾಡಿಯಲ್ಲಿ ಯಲ್ಲಮ್ಮ ದೇವಿ  ಮತ್ತು ಮದಭಾವಿ ಗ್ರಾಮದಲ್ಲಿ ಸದಾಶಿವ ಮುತ್ಯಾ ಸಮುದಾಯ ಭವನಗಳಿಗೆ ಶಂಕುಸ್ಥಾಪನೆ ನೆರವೇರಿಸಿ ಮಾತನಾಡುತ್ತಿದ್ದರು. 

ಜಿಲ್ಲಾ  ಉಸ್ತೂವಾರಿ ಸಚಿವ ಸತೀಶ ಜಾರಕಿಹೊಳಿ, ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿ, ಅಥಣಿ  ಶಾಸಕ ಲಕ್ಷ್ಮಣ ಸವದಿ ಸೇರಿದಂತೆ ಬ್ಯಾಂಕಿನ ಹಿರಿಕಿರಿಯ ನಿರ್ದೇಶಕರ ಸಹಕಾರದಿಂದ ನಾನು ಬ್ಯಾಂಕಿನ ಉಪಾಧ್ಯಕ್ಷನಾಗಿ ಅವಿರೋಧವಾಗಿ ಆಯ್ಕೆಯಾಗಿರುವೆ ಎಂದ ಅವರು ನನ್ನ ಅಧಿಕಾರವಧಿಯಲ್ಲಿ ಬ್ಯಾಂಕಿನ ಆರ್ಥಿಕ ಸ್ಥಿತಿ ಮತ್ತಷ್ಟು ಬಲಗೊಳಿಸುವ ಮೂಲಕ ಬಿಡಿಸಿಸಿ ಬ್ಯಾಂಕನ್ನು ರಾಜ್ಯದಲ್ಲಿಯೇ ನಂಬರ 1 ಸ್ಥಾನಕ್ಕೇರಿಸುವೆ ಎಂದು ಹೇಳಿದರು.        ಉತ್ತರ ಕರ್ನಾಟಕದ ಸಮಗ್ರ ಅಭಿವೃದ್ಧಿಗಾಗಿ ಪ್ರತ್ಯೇಕ ರಾಜ್ಯವಾಗಬೇಕು ಮತ್ತು ಪ್ರತ್ಯೇಕ ರಾಜ್ಯದ ಹೋರಾಟದ ನೇತೃತ್ವವನ್ನೂ ಸಹ ನಾನೇ ವಹಿಸಿಕೊಳ್ಳುವೆ ಎಂದರು.  

ಈ ಸಂದರ್ಭದಲ್ಲಿ ಜಿ.ಪಂ ಅಧಿಕಾರಿ ವೀರಣ್ಣಾ ವಾಲಿ,  ಧುರೀಣರಾದ ವಿನಾಯಕ ಬಾಗಡಿ, ನಿಜಗುಣಿ ಮಗದುಮ,   ಶಿವಾನಂದ ಇಬ್ರಾಹಿಂಪುರ, ರಾಯಪ್ಪ ಮಗದುಮ್, ಶ್ರೀಕಾಂತ ವಿವೇಕಿ, ಮಲಕು ಮಗದುಮ್, ಸದಾಶಿವ ಮಗದುಮ್, ಸಿದಗೊಂಡಾ ಮಗದುಮ್, ಸೋಮನಿಂಗ ಮಗದುಮ್, ಗಿರಿಮಲ್ಲ ಇಬ್ರಾಹಿಂಪುರ, ಮಾರೂತಿ ಮಗದುಮ್, ಮಲಕು ಚೌಧರಿ, ಚನ್ನಬಸು ಜಾಲಿಹಾಳ, ಗುತ್ತಿಗೆದಾರ ನದಾಫ  ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.