ಲೋಕದರ್ಶನ ವರದಿ 

ಬಳ್ಳಾರಿ 12 : ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರು ಇವರ ಸಹಯೋಗದಲ್ಲಿ ವಿಶೇಷ ಘಟಕ ಯೋಜನೆ ಅಡಿಯಲ್ಲಿ ಹಳ್ಳಿ ಸಂಸ್ಕೃತಿ ಸಂಭ್ರಮ ಎನ್ನುವ ಕಾರ್ಯಕ್ರಮವನ್ನು ಸಂಡೂರು (ತಾ) ಬಳ್ಳಾರಿ (ಜಿ) ಎಂ ಲಕ್ಕಲಹಳ್ಳಿಯ ಬಯಲು ರಂಗ ಮಂದಿರದಲ್ಲಿ ಹಮ್ಮಿಕೊಳ್ಳಲಾಗಿತ್ತು ಈ ಕಾರ್ಯಕ್ರಮವನ್ನು ಉದ್ಘಾಟಿಸಿದ ಮಾಜಿ ತಾಲೂಕು ಪಂಚಾಯಿತಿಯ ಸದಸ್ಯರಾದ ಶ್ರೀ ಟಿ.ಶೇಖರ​‍್ಪ ನವರು ಮಾತನಾಡುತ್ತಾ ಕಲೆ ಎನ್ನುವ ಸಾಗರದಲ್ಲಿ ಕಲಾವಿದನೆ ನಾಯಕ ಎಂದು ಶೇಖರ​‍್ಪ ನುಡಿದರು,

ನಮ್ಮ ಹಳ್ಳಿಯಲ್ಲಿ ತೊಗಲುಗೊಂಬೆ ಮತ್ತು ಬಯಲಾಟಕ್ಕೆ ಬುನಾದಿ ಹಾಕಿದವರು ತೊಗಲುಗೊಂಬೆ ಹುಲೆಪ್ಪನವರು ಗ್ರಾಮೀಣ ಪ್ರದೇಶದಲ್ಲಿ ಕಲೆ ಉಳಿಯಲು ಸಾಕಷ್ಟು ಶ್ರಮಿಸಿದರು ಎಂದು ಹೇಳಿದರು. ಗ್ರಾಮೀಣ ಪ್ರದೇಶದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಸಬೇಕು ಈ ಸಂಸ್ಥೆಯು ಎಲ್ಲಾ ಕಲಾವಿದರಿಗೆ ವೇದಿಕೆಯನ್ನು ಕಲ್ಪಿಸಿಕೊಡುತ್ತದೆ ಎಂದು ಬಳ್ಳಾರಿಯ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕರಾದ ಬಿ ನಾಗರಾಜ ರವರು ಹೇಳಿದರು 

ಗಡಿಭಾಗದ ಅನೇಕ ಗ್ರಾಮಗಳು ಮೂಲೆಗುಂಪುಗಳಾಗುತ್ತಿದ್ದಾವೆ, ಇಂತಹ ಹಳ್ಳಿಗಳನ್ನ ಗುರುತಿಸಿ ಕಾರ್ಯಕ್ರಮಗಳನ್ನು ನೀಡಬೇಕು ಜಾನಪದ ಹಳ್ಳಿಯಿಂದಲೇ ಹುಟ್ಟಿದೆ ಎಂದು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿಕೊಂಡಿದ್ದ ಎನ್ ಮಂಜುನಾಥ ಇವರು ಹೇಳಿದರು  ಊರಿನ ಯಜಮಾನರಾದ ಬಿ ಎರಿಸ್ವಾಮಿ, ಗೋಪುರ ಲಕ್ಷ್ಮಣ, ಶಿಳ್ಳೆ ಓಬಣ್ಣ, ದೊಡ್ಡ ಹನುಮಂತಪ್ಪ, ಅಂಗಡಿ ಎರಿ​‍್ರಸ್ವಾಮಿ, ಭೀಮಪ್ಪ, ಗ್ರಾಮ ಪಂಚಾಯತಿ ಸದಸ್ಯರಾದ  ಪರಮೇಶ್ವರ​‍್ಪ, ಓ.ಹನುಮಂತಪ್ಪ, ಪಿ ಹನುಮಂತಪ್ಪ, ದೇವರ ಗಂಗಾರೆಡ್ಡಿ, ಎಸ್‌.ಡಿ.ಎಂ.ಸಿ ಅಧ್ಯಕ್ಷರಾದ ರಮೇಶ ಹಾಗೂ ನೃತ್ಯ ಗುರುಗಳಾದ ಜಿಲಾನ್ ನಾಷ ಉಪಸ್ಥಿತರಿದ್ದರು. 

ನಂತರ ಜಾನಪದ ಗಾಯನವನ್ನು ಹನುಮಯ್ಯ ಮತ್ತು ತಂಡ ತಿಮ್ಮಲಾಪುರ, ಸಮೂಹ ನೃತ್ಯ ಕುಮಾರಿ ಜಾನ್ಹವಿ ಮತ್ತು ತಂಡ ಬಳ್ಳಾರಿ ತೊಗಲುಗೊಂಬೆ ಪ್ರದರ್ಶನವನ್ನು  ಲಕ್ಷ್ಮಿದೇವಿ ಮತ್ತು ತಂಡ ಬೊಮ್ಮಸಂದ್ರ ಇವರು ನೆರವೇರಿಸಿಕೊಟ್ಟರು, ಸ್ವಾಗತ ಮತ್ತು ಪ್ರಸ್ತಾವಿಕ ನುಡಿಗಳನ್ನ ಕೆ ಹೊನ್ನೂರ ಸ್ವಾಮಿ, ಪ್ರಾರ್ಥನೆ ಹನುಮಯ್ಯ ಮತ್ತು ತಂಡ, ವಂದನಾರೆ​‍್ಣ ಲಕ್ಷೀದೇವಿ, ವಿಷ್ಣು ಹಡಪದ ನಿರೂಪಿಸಿದರು.