ಹಾವೇರಿ 29: ಮನುಷ್ಯರಿಗೆ ಎಲ್ಲಾ ಸಂಪತ್ತಿಗಿಂತ ಆರೋಗ್ಯ ಬಹುಮುಖ್ಯವಾಗಿದೆ. ಆರೋಗ್ಯ ಸಮತೋಲನಕ್ಕೆ ಪ್ರತಿದಿನ ಸಮಯ ಮಿಸಲಿಡುವುದು ಅಗತ್ಯವಿದೆ ಎಂದು ಸ್ವಾಮಿ ವಿವೇಕಾನಂದ ಪಿಯು ಕಾಲೇಜಿನ ಪ್ರಾಚಾರ್ಯರಾದ ರವಿಕುಮಾರ ಪೂಜಾರ ಹೇಳಿದರು. 

ಇಲ್ಲಿನ  ಬಸವೇಶ್ವರ ನಗರದ 12ನೇ ಕ್ರಾಸಿನಲ್ಲಿರುವ ಸ್ವಾಮಿ ವಿವೇಕಾನಂದ ಸೈನ್ಸ್‌ ಪಿಯು ಕಾಲೇಜಿನಲ್ಲಿ  ಸ್ವಾಮಿ ವಿವೇಕಾನಂದ ಸೈನ್ಸ್‌ ಪಿಯು ಕಾಲೇಜು ಬಸವೇಶ್ವರ ನಗರ,ಹಾವೇರಿ. ಅಮ್ಮಾ ಸಂಸ್ಥೆ(ರಿ) ಹಿರೇಮುಗದೂರ, ಎನ್‌.ಎಸ್ ಸ್ನೇಹ ಜ್ಯೋತಿ ಗ್ರಾಮೀಣ ಅಭಿವೃದ್ಧಿ ಸಂಸ್ಥೆ, ರಾಣೆಬೆನ್ನೂರು ಹಾಗೂ ಕಂಪಾನಿಯೋ ಇವರ ಸಹಯೋಗದಲ್ಲಿ ಆಯೋಜಿಸಿದ ಜೂನ್‌- 28 ರಿಂದ ಜುಲೈ-10ರ ವರಿಗೆ ಉಚಿತ ಪೂಟ್ ಪಲ್ಸ್‌ ಥೆರಪಿ ಶಿಬಿರಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು. 

ಬದುಕು ವೇಗಗತಿಯಲ್ಲಿ ಓಡುತ್ತಿದೆ.ಹಣಗಳಿಕೆಗಾಗಿ ಕೆಲಸದ ಒತ್ತಡವನ್ನು ನಿರ್ವಹಣೆ ಮಾಡಬೇಕಿದೆ. ವಾತಾವರಣ ಹಾಗೂ ಆಹಾರ ಪದ್ದತಿಯ ಬದಲಾವಣೆಯಿಂದ ಆರೋಗ್ಯದಲ್ಲಿ ಏರುಪೇರು ಆಗುವಂತಾಗಿದೆ.ಹಿರಿಯರ ಹಾಗೂ ಆರೋಗ್ಯ ಸಮಸ್ಯೆ ಇರುವವರಿಗೆ ಅನುಕೂಲವಾಗಲಿ ಎಂದು ಪೂಟ್ ಪಲ್ಸ್‌ ಥೆರಪಿ ಶಿಬಿರ ಆಯೋಜನೆ ಮಾಡಲಾಗಿದ್ದು, ಇದರ ಸದುಪಯೋಗ ಪಡಿಸಿಕೊಳ್ಳಲು ಸಾರ್ವಜನಿಕರು ಮುಂದಾಗಿರಿ ಎಂದರು.ಕಂಪಾನಿಯೋ ವ್ಯವಸ್ಥಾಪಕರಾದ ನಾಗರಾಜ ಹುಣಸೆಮನಿ ಮಾತನಾಡಿ ಜನರ ಆರೋಗ್ಯ ರಕ್ಷಣೆ ಬಹುಮುಖ್ಯವಾಗಿರುವುದರಿಂದ ಈ ಶಿಬಿರ ಆಯೋಜನೆ ಮಾಡಿದ್ದು, ಉಚಿತ ಶಿಬಿರವನ್ನು ಸಾರ್ವಜನಿಕರು ಸದುಪಯೋಗ ಪಡಿಸಿಕೊಂಡಾಗ ನಮಗೆ ಸಾರ್ಥಕತೆ ಕಾಣಲು ಸಾಧ್ಯ. ಜುಲೈ-10 ವರಿಗೂ ಶಿಬಿರ ಇರಲಿದೆ ಎಂದರು.ಮೊದಲ ದಿನ 60 ಕ್ಕೂ ಹೆಚ್ಚು ಜನರು ಇದರ ಸದುಪಯೋಗ ಪಡಿಸಿಕೊಂಡರು. 

ಈ ಸಂದರ್ಭದಲ್ಲಿ ಅಮ್ಮಾ ಸಂಸ್ಥೆ(ರಿ)ಸಂಸ್ಥಾಪಕರಾದ ನಿಂಗಪ್ಪ ಎಂ ಆರೇರ,ಕಂಪನಿಯೋ ಕಾರ್ಯವೃಂದದವರಾದ ಕೌಶಿಕ್,ಶರತ್ ಹಾಗೂ ಕಾಲೇಜಿನ ಉಪನ್ಯಾಸಕರರು  ಇದ್ದರು.