ನೇಸರಗಿ, 22 : ಇಲ್ಲಿಯ ಮಹಾಲಕ್ಷ್ಮೀ ಪ್ಯಾರಾ ಮೆಡಿಕಲ್ ಕಾಲೇಜಿನಲ್ಲಿ ಸುಗ್ಗಿ ಹಬ್ಬ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.  ಕಾಲೇಜಿನ ಹೊಸ ಚೇರಮನ್ನರಾದ ಡಾ. ಪ್ರಕಾಶ್ ಹಳ್ಳಾಳ್(ವಣ್ಣೂರ ಡಾಕ್ಟರ್) ಇವರನ್ನು ಕಾಲೇಜು ಸಿಬ್ಬಂದಿ  ಹಾಗೂ ಮ್ಯಾನೇಜ್ಮೆಂಟ್ ವತಿಯಿಂದ ಸನ್ಮಾನಿಸಿ ಇನ್ಸ್ಟಿಟ್ಯೂಟ್ ಗೆ ಸ್ವಾಗತಿಸಲಾಯಿತು. 

ಕಾರ್ಯಕ್ರಮದಲ್ಲಿ ಕಾಲೇಜಿನ ಉಪನ್ಯಾಸಕಿ ಪೂಜಾ ರಬಕವಿ ಇವರು ಡಾ. ಪ್ರಕಾಶ ಹಳ್ಳ್ಯಾಳ್ ರವರ ಕಿರುಪರಿಚಯದ ಜೊತೆಗೆ, ವ್ಯಕ್ತಿತ್ವದ ಕಿರುಚಿತ್ರಣ ನೀಡಿದರು. ವೈದ್ಯಕೀಯ ಕ್ಷೇತ್ರದಲ್ಲಿ ಸಾಕಷ್ಟು ಸಾಧನೆಗೈದ ಡಾ. ಪ್ರಕಾಶ್  ರವರ ನಡೆ ಮಹಾಲಕ್ಷ್ಮಿ ಪ್ಯಾರ ಮೆಡಿಕಲ್ ಕಡೆ ಎಂಬ ನುಡಿಯೊಂದಿಗೆ ಅವರನ್ನು ಉತ್ಸಾಹದಿಂದ ಸ್ವಾಗತಿಸಲಾಯಿತು. 

 ಕಾಲೇಜಿನ ಉಪ ಪ್ರಾಂಶುಪಾಲರಾದ ಶ್ರೀಮತಿ ಶ್ವೇತಾ ಕಾಡಣ್ಣವರ ಇವರು ಕಾಲೇಜಿನ ಕೋರ್ಸ್‌ ಗಳ ಉಪಯುಕ್ತತೆಯ ಬಗ್ಗೆ ಹಾಗೂ ಹೊಸ ಚೇರ್ಮನ್ ರಾದ ಡಾ.ಪ್ರಕಾಶ ಹಳ್ಳ್ಯಾಳ್ ರವರ ಸರಳ ವ್ಯಕ್ತಿತ್ವ ಹಾಗೂ ಸಮಾಜಮುಖಿ ಕಾರ್ಯಗಳ ಬಗ್ಗೆ ನಿದರ್ಶನಗಳನ್ನು  ವಿದ್ಯಾರ್ಥಿಗಳಿಗೆ ತಿಳಿಪಡಿಸಿದರು. 

 ಚೇರಮನ್ನರಾದ ಡಾ.ಪ್ರಕಾಶ ಹಲ್ಯಾಳ  ಅಧ್ಯಕ್ಷತೆ ವಹಿಸಿ ಮಾತನಾಡಿ,  ವಿದ್ಯಾರ್ಥಿಗಳ ಸರ್ವತೋಮುಖ ಬೆಳವಣಿಗೆಗೆ ಶ್ರಮಿಸುವುದಾಗಿ ಭರವಸೆ ನೀಡಿ ವಿದ್ಯಾರ್ಥಿಗಳ ಜವಾಬ್ದಾರಿ ಯ ಕುರಿತು ಮಾತನಾಡಿದರು. ಕಾರ್ಯಕ್ರಮವನ್ನು  ಗೀತಾ ಕಮತಗಿ ನಿರೂಪಿಸಿದರು. ಕಾಲೇಜಿನ ಸಿಬ್ಬಂದಿ ವರ್ಗದವರು ಹಾಗೂ ವಿದ್ಯಾರ್ಥಿ ವಿದ್ಯಾರ್ಥಿನಿಯರು ಪಾಲ್ಗೊಂಡಿದ್ದರು.