ಲೋಕದರ್ಶನ ವರದಿ 

       ಹಾವೇರಿ 16:   ಮಹಿಳೆಯರಲ್ಲಿ ಕಂಡುಬರುವ ಗರ್ಭಕಂಠದ ಕ್ಯಾನ್ಸ್‌ರ ಕಾಯಿಲೆಯನ್ನು ತಡೆಗಟ್ಟಲು ಜಿಲ್ಲಾಡಳಿತ ಹಾಗೂ ಜಿಲ್ಲಾ ಪಂಚಾಯತ ಮಾರ್ಗದರ್ಶನದಲ್ಲಿ  ಶುಕ್ರವಾರದಿಂದ  ಎಚ್‌ಪಿವಿ ಲಸಿಕಾ ಅಭಿಯಾನವನ್ನು ಜಿಲ್ಲೆಯ ಎಲ್ಲ  ಆರೋಗ್ಯ ಸಂಸ್ಥೆಗಳಲ್ಲಿ ಆರಂಭಿಸಲಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಜಯಾನಂದ ಅವರು ತಿಳಿಸಿದ್ದಾರೆ. 

ಬ್ಯಾಡಗಿ ತಾಲೂಕಿನಲ್ಲಿ-1,520,  ಹಾನಗಲ್‌-2,804, ಹಾವೇರಿ-3,100, ಹಿರೇಕೆರೂರು-2,200, ರಾಣೇಬೆನ್ನೂರು-3,630, ಸವಣೂರು-1,800 ಹಾಗೂ ಶಿಗ್ಗಾಂವ ತಾಲೂಕಿನ 1,900 ಹೆಣ್ಣು ಮಕ್ಕಳು ಸೇರಿದಂತೆ 16,954  ಮಕ್ಕಳನ್ನು  ಲಸಿಕೆಗೆ ಗುರುತಿಸಲಾಗಿದೆ.  

ಈ ಅಭಿಯಾನದಲ್ಲಿ 14 ವರ್ಷ ಪೂರ್ಣಗೊಂಡು 15 ವರ್ಷದೊಳಗಿನ ಹೆಣ್ಣು ಮಕ್ಕಳಿಗೆ ಒಂದು ಡೋಸ್ ಎಚ್‌ಪಿವಿ ಲಸಿಕೆಯನ್ನು ಜಿಲ್ಲೆಯ ಆರೋಗ್ಯ ಸಂಸ್ಥೆಗಳಲ್ಲಿ ಉಚಿತವಾಗಿ ನೀಡಲಾಗುತ್ತಿದ್ದು,  ಹೆಣ್ಣು ಮಕ್ಕಳು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.