ಆರೋಪಿಗಳ ಬಂಧನಕ್ಕೆ ಜಾಲ ಬೀಸಿದ ಪೊಲೀಸರು 

ಸಂಬರಗಿ 26: ಗ್ರಾಮದಲ್ಲಿ ಸೆ. 23ರಂದು ಗುಂಪು ಘರ್ಷಣೆಯಲ್ಲಿ ಸಂಜಯ ರಾಮಚಂದ್ರ ಟೋಣೆ ಇವರಿಗೆ ಹೊಟ್ಟೆಗೆ ಚೂರಿಯಿಂದ ಇರಿದು ಗಂಭೀರ ಗಾಯಗೊಂಡಿದ್ದು, ಮೀರಜ ಆಸ್ಪತ್ರೆಗೆ ದಾಖಲ ಮಾಡಲಾಗಿದೆ. ಶಸ್ತ್ರ ಚಿಕಿತ್ಸೆ ಮಾಡಲಾಗಿದ್ದು, ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದಾರೆ. ಸಂಶಯಿತ ಆರೋಪಿಗಳನ್ನು ಪೊಲೀಸರು  ತನಿಖೆ ನಡೆಸಿದ್ದಾರೆ. 

ಸಂಬರಗಿ ಗ್ರಾಮದಲ್ಲಿ ಸಪ್ಟೆಂಬರ 23ರಂದು ಸಾಯಂಕಾಲ ದಾದಾಸಾಹೇಬ ಶಂಕರ ಟೋಣೆ ಹಾಗೂ ಸಂಜಯ ಟೋಣೆ ಇವರ ನಡುವೆ ನಡೆದ ಜಟಾಪಟಿಯಲ್ಲಿ ಇವನಿಗೆ ಚೂರಿ ಇರಿದು ಗಾಯಗೊಳಿಸಿದ್ದಾರೆ. ಚಿಕ್ಕ ಜಗಳದಿಂದ ಇಷ್ಟರ ಮಟ್ಟಿಗೆ ಜಗಳ ಮುಂದುವರೆದಿದ್ದು, ಇವರ ಮನೆಯ ಎದುರಿಗೆ ಇದ್ದ 3 ಬೈಕ್‌ಗಳು, 1 ಗೂಡ್ಸ್‌ ಬುಲೆರೋಗೆ ಬೆಂಕಿ ಹಚ್ಚಿ ಸುಟ್ಟಿದ್ದಾರೆ. ಸಂಶಯಿತ ಆರೋಪಿಗಳನ್ನು ಹಿಡಿಯಲು ಪೋಲಿಸರು ಜಾಲ ಬೀಸಿದ್ದಾರೆ.  

ಸಿ.ಸಿ ಟಿವಿ ಕ್ಯಾಮರಾದಲ್ಲಿ ರೆಕಾರ್ಡ್‌ ಆಗಿದೆ. ಆ ಕ್ಯಾಮರಾ ಪುಟೆಜ್‌ವನ್ನು ವಶಕ್ಕೆ ಪಡೆದು ತನಿಖೆ ನಡೆಸಿದ್ದಾರೆ. ಶೀಘ್ರದಲ್ಲಿ ಎಲ್ಲಾ ಆರೋಪಿಗಳನ್ನು ಬಂಧಿಸಲಾಗುವುದು ಎಂದು ಪೋಲಿಸ್ ಮೂಲಗಳು ತಿಳಿಸಿವೆ.