ಗದಗ 26 : 18 ವರ್ಷಗಳ ನಂತರ ಗದಗಿನ ಗ್ರಾಮದೇವತೆಗಳಾದ ದ್ಯಾವಮ್ಮ ಹಾಗೂ  ದುರ್ಗಮ್ಮ ದೇವಿಯರ ಹರಿ ಜಾತ್ರಾ ಮಹೋತ್ಸವದ ಅಂಗವಾಗಿ ನಗರದಲ್ಲಿ ಬಂಡಾರದ ಜಾತ್ರೆ ಅದ್ದೂರಿಯಾಗಿ ನಡೆಯಿತು.  ಒಕ್ಕಲಗೇರಿಯ ದ್ಯಾವಮ್ಮನ ಕಟ್ಟಿಯಿಂದ ಆರಂಭಗೊಂಡ ದೇವರ ಪಲ್ಲಕ್ಕಿಗಳು ಗಂಜಿ ಬಸವೇಶ್ವರ ಸರ್ಕಲ್, ರಾಚೋಟೇಶ್ವರ ಗುಡಿ, ಗ್ಯಾಟ್, ಹನುಮಂತನಗರಡಿ, ಮಹಾಸುಬಾಣಿ ಕಟ್ಟೆ, ನಾಲ್ವಾಡ ಗಲ್ಲಿ, ತಿಲಕ ಪಾರ್ಕ್‌ ರಸ್ತೆ ಹಾಗೂ ಜೋಡ ಮಾರುತಿ ದೇವಸ್ಥಾನದ ಎದುರಿನ ದುರ್ಗಾದೇವಿ ದೇವಸ್ಥಾನದವರೆಗೆ ಅದ್ದೂರಿ ಮೆರವಣಿಗೆಯಲ್ಲಿ ಸಾಗಿದವು.  ಮೆರವಣಿಗೆಯುದ್ದಕ್ಕೂ ಭಕ್ತರು ಬಂಡಾರ ಎರಚಿ ದೇವರಿಗೆ ಭಕ್ತಿಭಾವದಿಂದ ಪೂಜೆ ಸಲ್ಲಿಸಿದರು. ರಸ್ತೆಗಳಲ್ಲಿ ಭಕ್ತರ ಸಂಭ್ರಮ ಕಳೆಗಟ್ಟಿದ್ದು, ಜಾತ್ರೆಯ ಮೆರುಗು ಮತ್ತಷ್ಟು ಹೆಚ್ಚಿಸಿತು.