ಶಿಗ್ಗಾವಿ 05 : ಪಟ್ಟಣದಲ್ಲಿ ಪ್ರತಿ ವರ್ಷದಂತೆ ಈ ವರ್ಷವೂ ಸಹಿತ ಶ್ರೀ ಅಯ್ಯಪ್ಪ ಸ್ವಾಮಿಯ ಭಾವಚಿತ್ರದ ಭವ್ಯ ಮೆರವಣಿಗೆಯು ಸಕಲ ವಾದ್ಯ ವೈಭವಗಳೋಂದಿಗೆ ಜರುಗಿತು. ಪಟ್ಟಣದ ಪೋಸ್ಟ ಆಫೀಸ್ ಹತ್ತಿರ ಇರುವ ಹೌಸಿಂಗ್ ಬೋರ್ಡ್‌ ಕಾಲೋನಿಯಲ್ಲಿನ ದೇವಸ್ಥಾನದಲ್ಲಿ ಶಿಗ್ಗಾವಿ ವಿರಕ್ತಮಠದ ಸಂಗನಬಸವ ಮಹಾಸ್ವಾಮಿಗಳು ಮೆರವಣಿಗೆಗೆ ಚಾಲನೆ ನೀಡಿದರು. ಅಯ್ಯಪ್ಪಸ್ವಾಮಿ ದೇವಸ್ಥಾನದಿಂದ ಆರಂಭವಾದ ಮೆರವಣಿಗೆಯು ಪ್ರಮುಖ ಬೀದಿಗಳಲ್ಲಿ ಸಂಚರಿಸಿತು. ನಂತರ ಅಯ್ಯಪ್ಪಸ್ವಾಮಿ ದೇವಸ್ಥಾನದಲ್ಲಿ ಅಯ್ಯಪ್ಪಸ್ವಾಮಿಯ ಮಹಾಪೂಜೆ ಹಾಗೂ ದೀಪೋತ್ಸವ, ಅನ್ನಸಂತರೆ​‍್ಣ ಕಾರ್ಯಕ್ರಮ ಜರುಗಿತು. 

ಇದೇ ಜ.10ರ ಶನಿವಾರ ಬೆಳಿಗ್ಗೆ 6 ಗಂಟೆಯಿಂದ ಅಯ್ಯಪ್ಪಸ್ವಾಮಿ ದೇವಸ್ಥಾನದಲ್ಲಿ ಇರು​‍್ಮಡಿ ಕಾರ್ಯಕ್ರಮ ನಂತರ ಪ್ರಮುಖ ಬೀದಿಗಳಲ್ಲಿ ಮೇರವಣಿಗೆ ಮೂಲಕ ಶಬರಿಮಲೈ ಯಾತ್ರೆ ಹೊರಡುವರು, ಯಾತ್ರೆಯಿಂದ ಮರಳಿ ಬಂದ ನಂತರ ಜ.20ರ ಮಂಗಳವಾರದಂದು ಸಾಯಂಕಾಲ 6 ಗಂಟೆಗೆ ಸತ್ಯನಾರಾಯಣ ಪೂಜೆ ನಂತರ ಮಾಲಾ ವಿಸರ್ಜನೆ ಮಾಡಲಾಗುವುದು. ಜೊತೆಗೆ ಜ.14 ರ ಬುಧವಾರ ಸಾಯಂಕಾಲ ಮಕರ ಸಂಕ್ರಮಣದ ಪ್ರಯುಕ್ತ ಅಯ್ಯಪ್ಪಸ್ವಾಮಿ ಸನ್ನಿಧಾನದಲ್ಲಿ ವಿಶೇಷ ಪೂಜಾ ಕಾರ್ಯಕ್ರಮ ಜರುಗುಲಿವೆ. 

ಈ ಸಂದರ್ಭದಲ್ಲಿ ಸಮೀತಿಯ ಮಂಜುನಾಥ ಬಾಣದ, ರಾಮಣ್ಣ ಪೂಜಾರ, ಸಂತೋಷ ಕಟ್ಟಿಮನಿ, ರವಿ ಭಜಂತ್ರಿ, ಭೀಮಸ್ವಾಮಿ ಗೌಳಿ, ಕಿರಣ ಬಡ್ಡಿ ಸೇರಿದಂತೆ ಅಯ್ಯಪ್ಪಸ್ವಾಮಿ ಸೇವಾ ಸಮಿತಿಯ ಸದಸ್ಯರು ಹಾಗೂ ಮಾಲಾಧಾರಿಗಳು ಇದ್ದರು.