ಬೆಳಗಾವಿ 24: ಶೈಕ್ಷಣಿಕ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ’ಜ್ಞಾನದೀಪ ಎಜುಕೇಶನ್ ಟ್ರಸ್ಟ್‌’ 50 ವರ್ಷಗಳನ್ನು ಪೂರೈಸಿದ್ದು, ಸಂಸ್ಥೆಯ ಸುವರ್ಣ ಮಹೋತ್ಸವವನ್ನು ಡಿಸೆಂಬರ್ 26 ಮತ್ತು 27 ರಂದು ಅತ್ಯಂತ ಉತ್ಸಾಹದಿಂದ ಆಚರಿಸಲಾಗುವುದು ಎಂದು ಟ್ರಸ್ಟ್‌ ಅಧ್ಯಕ್ಷರಾದ ಅಡ್ವೊಕೇಟ್ ಚಂದ್ರಹಾಸ್ ಜಿ. ಅಣವೇಕರ ಅವರು ಸುದ್ದಿಗಾರರಿಗೆ ತಿಳಿಸಿದರು. 

ಸುವರ್ಣ ಮಹೋತ್ಸವ ಸಮಿತಿಯ ಅಧ್ಯಕ್ಷರಾದ ಡಾ. ನವೀನಾ ಆರ್‌. ಶೆಟ್ಟಿಗಾರ್, ಗೌರವಾನ್ವಿತ ಅಧ್ಯಕ್ಷರಾದ ಪ್ರಾಂಶುಪಾಲ ವಿ. ಎನ್‌. ಜೋಶಿ, ಉಪಾಧ್ಯಕ್ಷರಾದ ಸುಧಾಕರ ದೇಸಾಯಿ ಅವರ ಉಪಸ್ಥಿತಿಯಲ್ಲಿ ನಡೆದ ಈ ಪತ್ರಿಕಾಗೋಷ್ಠಿಯಲ್ಲಿ ಅವರು ಸಂಸ್ಥೆಯ ಕಾರ್ಯಚಟುವಟಿಕೆಗಳ ಅವಲೋಕನ ಮಾಡಿದರು ಮತ್ತು ಕಾರ್ಯಕ್ರಮಗಳ ಮಾಹಿತಿಯನ್ನು ನೀಡಿದರು.ಅವರು ಮುಂದುವರಿದು ಮಾತನಾಡುತ್ತಾ, "ಶುಕ್ರವಾರ, ಡಿಸೆಂಬರ್ 26 ರಂದು ಬೆಳಗ್ಗೆ 10 ಗಂಟೆಗೆ ಬೆಳಗಾವಿಯ ಮಾಂಡೋಳಿ ರಸ್ತೆಯ ’ಸಾಯಿರಾಜ್ ಲಾನ್ಸ್‌’ನಲ್ಲಿ ನಡೆಯುವ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ರಾಜ್ಯಸಭಾ ಸದಸ್ಯರು ಹಾಗೂ ಪ್ರಖ್ಯಾತ ಕಾನೂನು ತಜ್ಞರಾದ ಪದ್ಮಶ್ರೀ ಅಡ್ವೊಕೇಟ್ ಉಜ್ವಲ್ ನಿಕಮ್ ಅವರು ಉಪಸ್ಥಿತರಿರಲಿದ್ದಾರೆ. 

ಮುಖ್ಯ ಭಾಷಣಕಾರರಾಗಿ ರಾಣಿ ಚೆನ್ನಮ್ಮ ವಿಶ್ವವಿದ್ಯಾಲಯದ ಕುಲಪತಿಗಳಾದ ಪ್ರೊ. ಸಿ. ಎಂ. ತ್ಯಾಗರಾಜ ಅವರು ಉಪಸ್ಥಿತರಿರುತ್ತಾರೆ.ಗೌರವಾನ್ವಿತ ಅತಿಥಿಗಳಾಗಿ ಬೆಳಗಾವಿ ದಕ್ಷಿಣದ ಶಾಸಕ ಅಭಯ ಪಾಟೀಲ ಮತ್ತು ಬೆಳಗಾವಿ ಉತ್ತರದ ಶಾಸಕ ಅಸಿಫ ಸೇಠ ಅವರು ಆಗಮಿಸಲಿದ್ದಾರೆ. 

ಈ ಸಂದರ್ಭದಲ್ಲಿ ಮಾತನಾಡಿದ ಉಪಾಧ್ಯಕ್ಷ ವಿ. ಎನ. ಜೋಶಿ ಅವರು, ಸಮಾರಂಭದ ಅಧ್ಯಕ್ಷತೆಯನ್ನು ಸಂಸ್ಥೆಯ ಅಧ್ಯಕ್ಷರಾದ ಅಡ್ವೊಕೇಟ್ ಚಂದ್ರಹಾಸ್ ಜಿ. ಅಣವೇಕರ್ ಅವರು ವಹಿಸಲಿದ್ದಾರೆ ಎಂದು ತಿಳಿಸಿದರು.ಶುಕ್ರವಾರದ ಮಧ್ಯಾಹ್ನದ ಅವಧಿಯಲ್ಲಿ 3:30 ಗಂಟೆಗೆ "ಗೋಲ್ಡನ್ ರಿದಮ್ಸ್‌" ಎಂಬ ಸಾಂಸ್ಕೃತಿಕ ವೈಭವ ನಡೆಯಲಿದೆ.ಈ ಸಂದರ್ಭದಲ್ಲಿ ಮಾಜಿ ಶಾಸಕ ಸಂಜಯ್ ಪಾಟೀಲ್ ಮತ್ತು ಎನ್‌ಡಬ್ಲ್ಯೂಕೆಆರಿ​‍್ಟಸಿಯ ಉಪಾಧ್ಯಕ್ಷ ಸುನಿಲ್ ಹನುಮಣ್ಣವರ್ ಅವರು ಅತಿಥಿಗಳಾಗಿ ಉಪಸ್ಥಿತರಿರುತ್ತಾರೆ. ಡಿಡಿಪಿಐ ಲೀಲಾವತಿ ಹಿರೇಮಠ ಅವರು ಅಧ್ಯಕ್ಷತೆ ವಹಿಸಲಿದ್ದಾರೆ. 

ಈ ಅವಧಿಯಲ್ಲಿ ಸಂಸ್ಥೆಯ ಹಳೆಯ ಶಿಕ್ಷಕರನ್ನು ಸನ್ಮಾನಿಸಲಾಗುವುದು. ತದನಂತರ ವಿದ್ಯಾರ್ಥಿಗಳಿಂದ ಮನರಂಜನಾ ಕಾರ್ಯಕ್ರಮಗಳು ನಡೆಯಲಿವೆ. ಶನಿವಾರ, ಡಿಸೆಂಬರ್ 27 ರಂದು ಟಿಳಕವಾಡಿಯಲ್ಲಿರುವ ’ಜಿ.ಜಿ. ಚಿಟ್ನಿಸ್ ಶಾಲೆ’ಯ ಆವರಣದಲ್ಲಿ ಹಳೆಯ ವಿದ್ಯಾರ್ಥಿಗಳ ಸಮಾವೇಶವನ್ನು ಆಯೋಜಿಸಲಾಗಿದೆ. ಇದರಲ್ಲಿ ಸಂವಾದ ಮತ್ತು ಸ್ನೇಹ ಸಮ್ಮಿಲನ ನಡೆಯಲಿದೆ.  

ಕಾರ್ಯಕ್ರಮದ ಸಮಾರೋಪವು ಭವ್ಯ ಸಂಗೀತ ಕಚೇರಿಯೊಂದಿಗೆ ನಡೆಯಲಿದೆ. 1974 ರಲ್ಲಿ ಒಂದು ಸಣ್ಣ ಬಾಲವಾಡಿಯಿಂದ ಆರಂಭವಾದ ಈ ಟ್ರಸ್ಟ್‌ ಇಂದು ಜೆಎಸ್‌ಎಸ್ ಟೈನಿ ರಾಕೆಟ್ಸ್‌, ಜಿ ಜಿ ಚಿಟ್ನಿಸ್ ಇಂಗ್ಲಿಷ್ ಮೀಡಿಯಂ ಹೈಸ್ಕೂಲ್ ಮತ್ತು ಸುವರ್ಣ ಮಹೋತ್ಸವ ಸ್ಪೋರ್ಟ್ಸ ಅಕಾಡೆಮಿಯಂತಹ ಶೈಕ್ಷಣಿಕ ಸಾಮ್ರಾಜ್ಯವಾಗಿ ರೂಪಾಂತರಗೊಂಡಿದೆ.ಈ ಐತಿಹಾಸಿಕ ಸಮಾರಂಭದಲ್ಲಿ ಪಾಲ್ಗೊಳ್ಳುವಂತೆ ಎಲ್ಲಾ ನಾಗರಿಕರು ಮತ್ತು ಹಳೆಯ ವಿದ್ಯಾರ್ಥಿಗಳಿಗೆ ಮನವಿ ಮಾಡಲಾಗಿದೆ.