ಬೆಳಗಾವಿ 19: ಕೆಎಲ್‌ಎಸ್ ಗೋಗಟೆ ಪಿಯು ಕಾಲೇಜಿನ ವಿದ್ಯಾರ್ಥಿನಿ ಗಾಯತ್ರಿ ಜಿ. ಕದಮ್ ಅವರು ಎಸ್‌.ಜಿ.ಎಫ್‌.ಐ ಯುಹಿ19 ರಾಷ್ಟ್ರೀಯ ಅಥ್ಲೆಟಿಕ್ ಮೀಟ್ (ಹರಿಯಾಣ) ನಲ್ಲಿ ನಡೆದ ಜಾವೆಲಿನ್ ಥ್ರೋ ಸ್ಪರ್ಧೆಯಲ್ಲಿ ಅತ್ಯುತ್ತಮ ಸಾಧನೆ ಮಾಡಿ ಕಾಲೇಜಿಗೆ ಹೆಮ್ಮೆ ತಂದಿದ್ದಾಳೆ. 

ರಾಜ್ಯಮಟ್ಟದ ಸ್ಪರ್ಧೆಯಲ್ಲಿ 36.40 ಮೀಟರ್ ದೂರ ಎಸೆಯುವ ಮೂಲಕ ಗಾಯತ್ರಿ ಅವರು ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದು, ಎರಡು ಹಂತದ ಟ್ರಯಲ್ಸ್‌ಗಳನ್ನು ಯಶಸ್ವಿಯಾಗಿ ದಾಟಿ ಫೈನಲ್‌ಗೆ ಪ್ರವೇಶಿಸಿದರು. ಫೈನಲ್‌ನಲ್ಲಿ 38.37 ಮೀಟರ್ ದೂರ ಎಸೆದು ಅವರು ದೇಶದ ಟಾಪ್‌ಹಿ10 ಜಾವೆಲಿನ್ ಥ್ರೋ ಆಟಗಾರ್ತಿಯರಲ್ಲಿ ಸ್ಥಾನ ಪಡೆದಿದ್ದಾರೆ. 

ಈ ಸಾಧನೆಗೆ ಗೌರವವಾಗಿ ಕೆಎಲ್‌ಎಸ್ ಗೋಗಟೆ ಪಿಯು ಕಾಲೇಜಿನ ಚೇರಮನ್ನ ಆರ್ ಎಸ್ ಮುತಾಲಿಕ ಅವರು ಗಾಯತ್ರಿ ಕದಮ್ ಅವರನ್ನು ಅಭಿನಂದಿಸಿದರು. ಕಾಲೇಜಿನ ಪ್ರಾಂಶುಪಾಲ ಡಾ. ಎ. ಎಸ್‌. ಕೇರುರ್ ಹಾಗೂ ದೈಹಿಕ ಶಿಕ್ಷಣ ಉಪನ್ಯಾಸಕ ಡಾ. ಅಮಿತ್ ಎಸ್‌. ಜಡೆ ಅವರು ಉಪಸ್ಥಿತರಿದ್ದು, ಗಾಯತ್ರಿ ಅವರಿಗೆ ಪ್ರೋತ್ಸಾಹ ಮತ್ತು ಮಾರ್ಗದರ್ಶನ ನೀಡಿದರು. 

ಜಾವೆಲಿನ್ ಥ್ರೋ ಜೊತೆಗೆ ಗಾಯತ್ರಿ ಅವರು ಹ್ಯಾಮರ್ ಥ್ರೋ, ಡಿಸ್ಕಸ್ ಥ್ರೋ, ಹ್ಯಾಂಡ್‌ಬಾಲ್ ಮತ್ತು ಥ್ರೋಬಾಲ್ ಕ್ರೀಡೆಗಳಲ್ಲಿಯೂ ಉತ್ತಮ ಸಾಧನೆ ಮಾಡಿದ್ದು, ಶೈಕ್ಷಣಿಕ ಕ್ಷೇತ್ರದಲ್ಲಿಯೂ ಶ್ರೇಷ್ಠ ದಾಖಲೆಯನ್ನು ಹೊಂದಿದ್ದಾರೆ. ವಿದ್ಯಾರ್ಥಿನಿಯ ಈ ಸಾಧನೆಗಾಗಿ ಮಹಾವಿದ್ಯಾಲಯದ ಆಡಳಿತ ಮಂಡಳಿ, ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಹರ್ಷ ವ್ಯಕ್ತಪಡಿಸಿದ್ದಾರೆ.