ಬೆಳಗಾವಿ 12: ಹಿರೇಬಾಗೇವಾಡಿ ಗ್ರಾಮದ ಹಿರೇಬಾಗೇವಾಡಿ ಬಸ್ಸಾಪೂರ ರಸ್ತೆಯ ಬದಿಯ ಸಾರ್ವಜನಿಕ ಸ್ಥಳದಲ್ಲ್ಲಿ ಕಾನೂನು  ಬಾಹಿರವಾಗಿ ಓ.ಸಿ ಅಂಕಿ ಸಂಖ್ಯೆಗಳ ಮೇಲೆ ಹಣ ಹಚ್ಚಿಸಿಕೊಂಡು ಕಲ್ಯಾಣ ಮಟಕಾ ಎಂಬ ಜುಗಾರ ಆಟ ಆಡಿಸುವಾಗ ಹಿರೇಬಾಗೇವಾಡಿ ಪೊಲೀಸ್ ಠಾಣೆಯ ಎಮ್‌. ಎಸ್ ಭಾಗಿ ಎಎಸ್‌ಐ ಹಿರೇಬಾಗೆವಾಡಿ ಠಾಣೆ ಹಾಗೂ ಸಿಬ್ಬಂದಿಯವರು ದಿ. 11ರಂದು ದಾಳಿ ಮಾಡಿ ಆತನಿಂದ ರೂ. 4400 ಹಣ ಮತ್ತು ಮಟಕಾ ಬರೆಯಲು ಬಳಸುತ್ತಿದ್ದ ಸಾಮಗ್ರಿಗಳನ್ನು ವಶಪಡಿಸಿಕೊಂಡಿದ್ದಾರೆ.  

ಹಿರೇಬಾಗೇವಾಡಿ ಮೊಮಿನ ಗಲ್ಲಿ ನಿವಾಸಿ ಶಕೀಲಅಹ್ಮದ ಮೊಹಮಮ್ಮದಗೌಸ ಬಾಗಬಾನ(63) ಆರೋಪಿಯಾಗಿದ್ದು, ಈತನ ವಿರುದ್ಧ ಖಡೇಬಜಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿಸಿಕೊಂಡು ಆರೋಪಿತನ ವಿರುದ್ಧ ಕಾನೂನು ಕ್ರಮ ಜರುಗಿಸಿ, ಪ್ರಕರಣದ ತನಿಖೆ ಮುಂದುವರೆಸಲಾಗಿದೆ ಎಂದು ಪೊಲೀಸ್ ಪ್ರಕಟಣೆ ತಿಳಿಸಿದೆ.