ಹಿರಿಯ ಬಡ ಜೀವಿಗಳಿಗೆ ಉಚಿತ ಆರೋಗ್ಯ ತಪಾಸಣೆ 

ಕೊಪ್ಪಳ 13: ಕೊಪ್ಪಳ ನಗರದ ತಾರಾ ಕ್ಲಿನಿಕ್ ಆಸ್ಪತ್ರೆ ವತಿಯಿಂದ ಪ್ರತಿವರ್ಷದಂತೆ ಈ ವರ್ಷವೂ ಸಹ ಡಾ, ಸುಶೀಲ್ ಕುಮಾರ್ ಕಲಾಲ್ ರವರ ಕುಟುಂಬದ ವತಿಯಿಂದ ಅವರ ತಂದೆ  ದಿ, ಡಾ. ಎಲ್ ಬಿ ಕಲಾಲ್ ಮತ್ತು ತಾಯಿ ದಿ, ಶ್ರೀಮತಿ ತಾರಾಬಾಯಿ ಕಲಾಲ್ ರವರುಗಳ ಪುಣ್ಯತಿಥಿ ಪ್ರಯುಕ್ತ ಅವರ ಸ್ಮರಣಾರ್ಥವಾಗಿ ಇಲ್ಲಿನ ವೃದ್ಧಾಶ್ರಮದಲ್ಲಿ ವಾಸಿಸುವ ಹಿರಿಯ ಬಡ ಜೀವಿಗಳಿಗೆ ಉಚಿತ ಆರೋಗ್ಯ ತಪಾಸಣೆ ಮಾಡಿ ಅವರಿಗೆ ಉಚಿತವಾಗಿ ಓಷಧಿ ಉಪಚಾರ ಮಾಡಿ ಸಮವಸ್ತ್ರ ಬಟ್ಟೆ ನೀಡಿ ಅವರಿಗೆ ಊಟದ ವ್ಯವಸ್ಥೆ ಮಾಡಿ ತಮ್ಮ ತಂದೆ ತಾಯಿಗಳ ಪುಣ್ಯತಿಥಿ ಆಚರಿಸಿದರು, ಡಾ, ಸುಶೀಲ್ ಕುಮಾರ್ ಕಲಾಲ್ ರವರ ಜೊತೆಗೂಡಿ ಡಾ. ಆನಂದ್ ಡಾ. ಪ್ರಶಾಂತ್ ಕಲಾಲ್ ಮತ್ತು ತಾರಾ ಆಸ್ಪತ್ರೆಯ ಸಿಬ್ಬಂದಿ ವರ್ಗದವರು ಪಾಲ್ಗೊಂಡು ಸುಮಾರು 50ಕ್ಕೂ ಅಧಿಕ ವೃದ್ಧ ಹಿರಿಯ ಜೀವಿಗಳಿಗೆ ಆರೋಗ್ಯ ತಪಾಷಣೆ ನಡೆಸಿ ಉಚಿತವಾಗಿ ಓಷಧಿ ಉಪಚಾರ ನೀಡಿ ಹೊಸ ಬಟ್ಟೆ ಸಮವಸ್ತ್ರಗಳನ್ನು ನೀಡುವುದರ ಜೊತೆಗೆ ಊಟದ ವ್ಯವಸ್ಥೆ ಮಾಡಿ ಅವರೆಲ್ಲರ ಪ್ರೀತಿ ವಿಶ್ವಾಸ ಗಳಿಸಿ  ಮಾನವೀಯತೆ ಮೆರೆದಿದ್ದಾರೆ ಮತ್ತು ಇವರ ಈ ಸಮಾಜ ಸೇವಾ ಕಾರ್ಯ ಅತ್ಯಂತ ಮೆಚ್ಚುಗೆಗೆ ಪಾತ್ರವಾಗಿದೆ ಎಂದು ವೃದ್ಧಾಶ್ರಮದಲ್ಲಿ ವಾಸಿಸುವ ಹಿರಿಯ ಬಡ ಜೀವಿಗಳು ತಮ್ಮ ಅನಿಸಿಕೆ ಅಭಿಪ್ರಾಯ ವ್ಯಕ್ತಪಡಿಸಿ ಡಾ, ಸುಶೀಲ್ ಕುಮಾರ್ ಕಲಾಲ್ ಕುಟುಂಬದವರು ನಮ್ಮ ಪಾಲಿಗೆ ಸಂಜೀವಿನಿ ಯಾಗಿದ್ದಾರೆ ಅವರಿಗೆ ಸದಾ ನಾವು ಚಿರಋಣಿಯಾಗಿದ್ದೇವೆ ಎಂದು ತಿಳಿಸಿದ್ದಾರೆ ,