ಲೋಕದರ್ಶನ ವರದಿ 

ಚಿಕ್ಕೋಡಿ 16: ಆರೋಗ್ಯ ಸೇವೆಯೇ ನಮ್ಮ ಧ್ಯೇಯವಾಗಿದ್ದು, ಜನಪರ ಆರೋಗ್ಯ ಸೇವಾ ಕಾರ್ಯಕ್ರಮಗಳನ್ನು ನಿರಂತರವಾಗಿ ಹಮ್ಮಿಕೊಳ್ಳಲಾಗುವುದು ಎಂದು ಕೆ.ಎಲ್‌.ಇ ಆಯುರ್ವೇದ ಕಾಲೇಜಿನ ಪ್ರಾಚಾರ್ಯ ಡಾ. ಕಿರಣಕುಮಾರ ಮುತ್ಮಾಳಗಿ ಹೇಳಿದರು.  

ಗೋವಾದಿಂದ ಪಂಢರಾಪುರಕ್ಕೆ ದರ್ಶನಕ್ಕಾಗಿ ಪಾದಯಾತ್ರೆಯಲ್ಲಿ ತೆರಳುತ್ತಿದ್ದ ವಾರಕರಿಗಳಿಗಾಗಿ ಕೆ.ಎಲ್‌.ಇ ಸಂಸ್ಥೆಯ ವತಿಯಿಂದ ಆಯೋಜಿಸಿದ್ದ ಉಚಿತ ಆರೋಗ್ಯ ತಪಾಸಣಾ ಶಿಬಿರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.  

ಯಾತ್ರಿಕರ ಆರೋಗ್ಯ ರಕ್ಷಣೆ ಹಾಗೂ ಸುರಕ್ಷಿತ ಪಾದಯಾತ್ರೆಗೆ ನೆರವಾಗುವ ಉದ್ದೇಶದಿಂದ ಈ ಶಿಬಿರ ಆಯೋಜಿಸಲಾಗಿದೆ. ಇದು ಕೆ.ಎಲ್‌.ಇ ಸಂಸ್ಥೆಯ ಸೇವಾ ಮನೋಭಾವದ ಪ್ರತೀಕವಾಗಿದ್ದು, ಮುಂದೆಯೂ ಇಂತಹ ಜನಪರ ಆರೋಗ್ಯ ಸೇವಾ ಕಾರ್ಯಕ್ರಮಗಳನ್ನು ಮುಂದುವರಿಸಲಾಗುವುದು ಎಂದು ಹೇಳಿದರು.  

ಶಿಬಿರದಲ್ಲಿ ಆಸ್ಪತ್ರೆಯ ಅನುಭವಿ ಆಯುರ್ವೇದ ವೈದ್ಯರಾದ ಡಾ. ಸಂತೋಷ ಬೆಟಗೇರಿ, ಡಾ. ಜೀವನ ಘಾಡಗೆ, ಡಾ. ಕಾಂಚನಾ ಹಾಗೂ ಡಾ. ನಿಹಾರಿಕಾ ಅವರು ವಾರಕರಿಗಳ ಆರೋಗ್ಯ ತಪಾಸಣೆ ನಡೆಸಿದರು. ರಕ್ತದೊತ್ತಡ ಪರೀಕ್ಷೆ, ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಪರೀಕ್ಷೆ, ಪ್ರಥಮ ಚಿಕಿತ್ಸೆ, ಆರೋಗ್ಯ ಸಲಹೆ ಹಾಗೂ ಅಗತ್ಯ ಓಷಧ ವಿತರಣೆ ಮಾಡಲಾಯಿತು.  

ಪಾದಯಾತ್ರೆಯ ಸಂದರ್ಭದಲ್ಲಿ ಅನುಸರಿಸಬೇಕಾದ ಆರೋಗ್ಯ ಮುನ್ನೆಚ್ಚರಿಕೆಗಳು, ಸಾಕಷ್ಟು ನೀರು ಸೇವನೆ, ಪಾದಗಳ ಆರೈಕೆ ಹಾಗೂ ಆಯಾಸ ನಿವಾರಣೆ ಕುರಿತು ವಾರಕರಿಗಳಿಗೆ ಮಾರ್ಗದರ್ಶನ ನೀಡಲಾಯಿತು.  

ಶಿಬಿರದಲ್ಲಿ ಪಾಲ್ಗೊಂಡ ವಾರಕರಿಗಳು ಕೆ.ಎಲ್‌.ಇ ಸಂಸ್ಥೆ ಹಾಗೂ ಕೆ.ಎಲ್‌.ಇ ಆಯುರ್ವೇದ ಆಸ್ಪತ್ರೆಯ ಉಚಿತ ಮತ್ತು ಗುಣಮಟ್ಟದ ಆರೋಗ್ಯ ಸೇವೆಯನ್ನು ಶ್ಲಾಘಿಸಿ ಕೃತಜ್ಞತೆ ಸಲ್ಲಿಸಿದರು.  ಕಾರ್ಯಕ್ರಮವನ್ನು ಆಡಳಿತಾಧಿಕಾರಿ ಮಹಾಂತೇಶ ಗುಡ್ಡನವರ್ ನಿರೂಪಿಸಿ ವಂದಿಸಿದರು. ಆಯುರ್ವೇದ ಉಪನ್ಯಾಸಕರಾದ ಡಾ. ಬಿ.ಬಿ. ದೇಸಾಯಿ, ಡಾ. ಬಾಹುಬಲಿ ಮಹಾಜನ, ಡಾ. ರವಿ ಮಡಿವಾಳರ ಸೇರಿದಂತೆ ಉಪನ್ಯಾಸಕರು, ವೈದ್ಯರು, ವಿದ್ಯಾರ್ಥಿಗಳು ಹಾಗೂ ಸಿಬ್ಬಂದಿ ಉಪಸ್ಥಿತರಿದ್ದರು. ಶಿಬಿರದ