ಸಂಬರಗಿ 06: ಮಹಾರಾಷ್ಟ್ರದ ರಾಷ್ಟ್ರವಾದಿ ಪಕ್ಷದ ಅಜೀತ ಪವಾರ ಗುಂಪಿನ ವಿಧಾನ ಪರಿಷತ್ ಸದಸ್ಯರಾದ ಇಂದ್ರಿಸ್ ನಾಯಕವಡಿ ಇವರು ಹೊಸದಾಗಿ ವಿಧಾನ ಪರಿಷತ್‌ಗೆ ಆಯ್ಕೆಯಾಗಿ ಪ್ರಥಮ ಬಾರಿಗೆ ತಮ್ಮ ಗ್ರಾಮಕ್ಕೆ ತೆರಳಿದ ನಂತರ ಚಿಕ್ಕೋಡಿ ಲೋಕಸಭಾ ಕ್ಷೇತ್ರದ ಮಾಧ್ಯಮ ಪ್ರತಿನಿಧಿ ಹಾಗೂ ಅಥಣಿ ಪುರಸಭೆ ಸದಸ್ಯರಾದ ರಾವಸಾಹೇಬ ಐಹೊಳೆ ಇವರು ಅವರನ್ನು ಭೇಟಿಯಾಗಿ ಸನ್ಮಾನಿಸಿದರು. 

ಈ ವೇಳೆ ರಾವಸಾಹೇಬ ಐಹೋಳೆ ಮಾತನಾಡಿ ಬೇಸಿಗೆಯ ಅವಧಿಯಲ್ಲಿ ಗಡಿ ಭಾಗದ ಅಗ್ರಾಣಿ ನದಿಗೆ ತಾಕಾರಿ-ಮಹಿಶ್ಯಾಳ ಕಾಲುವೆ ಮುಖಾಂತರ ನೀರು ಹರಿಸಿ ಜನರಿಗೆ ಬೇಸಿಗೆಯ ಅವಧಿಯಲ್ಲಿ ನೀರಿನ ಸಮಸ್ಯೆ ಪರ್ಯಾಗೊಳಿಸಬೇಕು. ಕಾಯಿದೆಶಿರ ಬಿಡಲು ಆಗದಿದ್ದರೆ ಮಾನವೀಯ ದೃಷ್ಠಿಯಿಂದ ವಿಚಾರಿಸಿ ನೀರು ಬಿಡಬೇಕೆಂದು ಅವರು ಹೇಳಿದರು. ಇನ್ನುಳಿದ ಮಹಾರಾಷ್ಟ್ರ ಸಂಪರ್ಕ ರಸ್ತೆಗಳು ಡಾಂಬರೀಕರಣಗೊಳಿಸಬೇಕೆಂದು ಅವರು  ವಿನಂತಿ ಮಾಡಿಕೊಂಡರು. 

ಈ ವೇಳೆ ಸಂಬರಗಿ ಗ್ರಾಮ ಪಂಚಾಯತ ಉಪಾಧ್ಯಕ್ಷ ಅಶೋಕ ಮಾನೆ, ಪುರಸಭೆ ಸದಸ್ಯರಾದ ಸೈಯದಅಮೀನ ಗದ್ಯಾಳ, ಶಂಕರ ತಂಗಡಿ, ಕುಮಾರ ರಣಧೀರ, ವಿಜಯ ಹೊನ್ನಮನಿ ಸೇರಿದಂತಹ ಅನೇಕರು ಉಪಸ್ಥಿತ ಇದ್ದರು.