ಲೋಕದರ್ಶನ ವರದಿ

ಮುಧೋಳ ಸೆ.04 : ಮಳೆ, ಗಾಳಿ, ಚಳಿ, ಬಿಸಿಲನ್ನು ಲೆಕ್ಕಿಸದೆ ಪ್ರತಿದಿನ ಬೆಳಿಗಿನ ಜಾವ ಪ್ರತಿ ಮನೆಮನೆಗೆ ತೆರಳಿ ದಿನಪತ್ರಿಕೆ ತಲುಪಿಸುವ ಕಾರ್ಯವನ್ನು ಮಾಡುತ್ತಾರೆ, ಇಂತಹ ಶ್ರಮಜೀವಿಗಳಾಗಿರುವ ಪತ್ರಿಕಾ ವಿತರಕರ ಕಷ್ಟ-ಸುಖಗಳನ್ನು ಗುರುತಿಸಿ, ವಿತರಕರ ಸಂಘಟನೆಗಳು ಮತ್ತು ಸರ್ಕಾರ ಅವರ ಬೇಡಿಕೆ ಗಳನ್ನು ಈಡೇರಿಸಬೇಕೆಂದು ಪತ್ರಿಕಾ ಓದುಗ, ಹಿರಿಯ ನ್ಯಾಯವಾದಿ, ಸಾಹಿತಿ, ಪತ್ರಿಕಾ ಅಂಕಣ ಕಾರ ಪ್ರಕಾಶ ವಸ್ತ್ರದ ಹೇಳಿದರು. 

ಪ್ರತಿವರ್ಷ ಸೆಪ್ಟೆಂಬರ್ 4 ರಂದು ಪತ್ರಿಕಾ ವಿತರಕರ ದಿನವನ್ನು ಸ್ಮರಿಸಿಕೊಂಡ ಅವರು ಶುಕ್ರವಾರ ಬೆಳಗಿನ ಜಾವ ತಮ್ಮ ಮನೆಗೆ ಪತ್ರಿಕೆ ಹಂಚಲು ಬಂದಿದ್ದ ಗಣೇಶ ಮಾಶೇಟ್ಟಿ ಅವರನ್ನು ತಮ್ಮ ಮನೆಯ ಮುಂಭಾಗದಲ್ಲಿ ಎಲ್ಲ ಪತ್ರಿಕಾ ಓದುಗರ ಹಾಗೂ ವಿತರಕರ ಪರವಾಗಿ ಶಾಲು ಹೊದಿಸಿ, ಪುಸ್ತಕವನ್ನು ಕೊಡುಗೆಯಾಗಿ ನೀಡಿ ಸನ್ಮಾನಿಸಿ, ಗೌರವಿಸಿ ಪತ್ರಿಕಾ ವಿತರಕ ಕಷ್ಟ-ನಷ್ಟಗಳನ್ನು ವಿಚಾರಿಸಿ ಸುದ್ದಿ, ಸಮಾಚಾರ, ಜ್ಞಾನ ಮನೆ ಮನೆಗೆ ತಪ್ಪದೆ ಹಂಚುತ್ತಿರುವ ಪತ್ರಿಕಾ ವಿತರಕರ ಸೇವೆಯನ್ನು ಅವರು ಶ್ಲಾಘಿಸಿದರು.