ಮುದ್ದೇಬಿಹಾಳ 03 : ಸರ್ಕಾರ ವಹಿಸಿದ ಎಸ್‌ಐಆರ್   ಕಾರ್ಯವನ್ನು ಅಚ್ಚುಕಟ್ಟಾಗಿ, ಪಾರದರ್ಶಕವಾಗಿ ಹಾಗೂ ನಿಗದಿತ ಅವಧಿಯಲ್ಲಿ ಯಶಸ್ವಿಯಾಗಿ ಪೂರ್ಣಗೊಳಿಸಿದ 137ನೇ ಭಾಗದ ಬಿಎಲ್‌ಒ   ಎ.ಎಂ. ಮುಲ್ಲಾ ಹಾಗೂ 138ನೇ ಭಾಗದ ಬಿಎಲ್‌ಒ   ಅಂಜುಮ್ ಆರಾ ಚೌಧರಿ ಅವರನ್ನು ವಾರ್ಡ್‌ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು.  ಈ ಸಂದರ್ಭದಲ್ಲಿ ಮಾತನಾಡಿದ ಪರಶುರಾಮ ನಾಲತವಾಡ, ಬಿಎಲ್‌ಒಗಳು ಮತದಾರರ ಪರಿಷ್ಕರಣೆ ಕಾರ್ಯವನ್ನು ಅತ್ಯಂತ ಜವಾಬ್ದಾರಿಯಿಂದ ನಿರ್ವಹಿಸಿದ್ದಾರೆ. ಮರಣ ಹೊಂದಿದವರು, ಪುನರಾವರ್ತಿತ ಮತದಾರರು, ಸ್ಥಳಾಂತರಗೊಂಡವರು ಹಾಗೂ ಗೈರಾಗಿರುವ ಮತದಾರರ ಕುರಿತು ಮಾಹಿತಿ ಸಂಗ್ರಹಿಸಿ, ಅವರ ದೂರವಾಣಿ ಸಂಖ್ಯೆಗಳ ಮೂಲಕ ಸಂಪರ್ಕಿಸಿ ಪರೀಶೀಲನೆ ನಡೆಸಿದ ಬಳಿಕ ಮುಂದಿನ ಕ್ರಮ ಕೈಗೊಂಡಿದ್ದಾರೆ ಎಂದು ಶ್ಲಾಘಿಸಿದರು.  

ಅಲ್ಲದೆ, ಎಆರ್‌ಒ ಸೌದಾಗರ್ ಅವರ ಮಾರ್ಗದರ್ಶನದಲ್ಲಿ ಕಾರ್ಯಗಳು ಸುಸೂತ್ರವಾಗಿ ನಡೆದಿದ್ದು, ತಾಲೂಕಿನ ದಂಡಾಧಿಕಾರಿ   ಕೀರ್ತಿ ಚಾಲಕ್ ಅವರು ವಿವಿಧ ವಿಭಾಗಗಳಿಗೆ ಭೇಟಿ ನೀಡಿ ಬಿಎಲ್‌ಒಗಳಿಗೆ ನಿರಂತರ ಮಾರ್ಗದರ್ಶನ ನೀಡುವ ಮೂಲಕ ಮುದ್ದೇಬಿಹಾಳ ತಾಲೂಕಿನಲ್ಲಿ ಎಸ್‌ಐಆರ್ ಕಾರ್ಯವನ್ನು ಅಚ್ಚುಕಟ್ಟಾಗಿ ನಡೆಸಲು ಸಹಕರಿಸಿದ್ದಾರೆ ಎಂದು ಹೇಳಿದರು.  137 ಹಾಗೂ 138ನೇ ಭಾಗದ ಬಿಎಲ್‌ಒಗಳಿಗೆ ಸಹಾಯಕರಾಗಿ ದಂಡಾಧಿಕಾರಿಗಳ ಮೌಖಿಕ ಆದೇಶದ ಮೇರೆಗೆ   ಎಂ.ಬಿ. ಬಾಗವಾನ ಅವರು ಕೂಡ ಹಗಲು-ರಾತ್ರಿ ಶ್ರಮಿಸಿ ಕಾರ್ಯಕ್ಕೆ ಬೆಂಬಲ ನೀಡಿದ್ದಾರೆ. ಕಾರ್ಯಕ್ರಮದಲ್ಲಿ ನೇತಾಜಿ ನಗರ ಹಾಗೂ ಅಂಬೇಡ್ಕರ್ ನಗರದ ಗಣ್ಯರಾದ ಶೆಟ್ಟಪ್ಪ ಬೋವಿ, ಮೆಹಬೂಬ್ ಜಾನೇಕರ, ಗೋಪಿ ಕಲಾಲ, ಶಿವಶಂಕರ ದೊಡಮನಿ, ಮಾಂತೇಶ ಚಲವಾದಿ, ಅಂಬರೀಶ ಹಂಗರಗಿ, ಬಸವರಾಜ ಮಡಿವಾಳರ, ಕಾಸಿಂಸಾಬ ಬಾಗಲಕೋಟ ಸೇರಿದಂತೆ ಹಲವರು ಹಾಗೂ ಅನೇಕ ಮತದಾರರು ಉಪಸ್ಥಿತರಿದ್ದರು.