ಮೃತಪಟ್ಟ ಹಾಗೂ ಗಾಯಗೊಂಡ ಕುಟುಂಬಗಳಿಗೆ ಕಾರ್ಖಾನೆಯ ಅಧ್ಯಕ್ಷ  ಪರ​‍್ಪ ಸವದಿ ಭೇಟಿ  

ಅಥಣಿ 29 : ಕೃಷ್ಣಾ  ಸಹಕಾರಿ ಸಕ್ಕರೆ ಕಾರ್ಖಾನೆಯ ಆಡಳಿತ ಮಂಡಳಿ ಚುನಾವಣೆ ವೇಳೆ ಮತ ಚಲಾಯಿಸಿ ತೆರಳುತ್ತಿದ್ದಾಗ ನಡೆದ ದುರ್ಘಟನೆಯಲ್ಲಿ ಮೃತಪಟ್ಟ ಹಾಗೂ ಗಾಯಗೊಂಡ ಕುಟುಂಬಗಳಿಗೆ ಕಾರ್ಖಾನೆಯ ಅಧ್ಯಕ್ಷ ಪರ​‍್ಪ ಸವದಿ ಬುಧವಾರ ಭೇಟಿ ನೀಡಿ ಮಾನವೀಯ ಸಾಂತ್ವನ ನೀಡಿದರು.      ಸಪ್ತಸಾಗರ ಗ್ರಾಮದ ರಾಜೇಸಾಬ ಜಮಾದಾರ ಅವರು ಮೋಟರ್ ಸೈಕಲ್ ಅಪಘಾತದಲ್ಲಿ ಅಕಾಲಿಕ ಮರಣ ಹೊಂದಿದ ಹಿನ್ನೆಲೆಯಲ್ಲಿ, ಅವರ ಮನೆಗೆ ಭೇಟಿ ನೀಡಿದ ಪರ​‍್ಪ ಸವದಿ ಅವರು ರಾಜೇಸಾಬ ಅವರ ಪತ್ನಿಯವರಿಗೆ ಧೈರ್ಯ ತುಂಬಿದರು. ಈ ಕಷ್ಟದ ಪರಿಸ್ಥಿತಿಯಲ್ಲಿ ಕುಟುಂಬಕ್ಕೆ ಆರ್ಥಿಕ ನೆರವಾಗುವ ನಿಟ್ಟಿನಲ್ಲಿ, ಪರ​‍್ಪ ಸವದಿ ಅವರು ತಮ್ಮ ವೈಯಕ್ತಿಕ 1 ಲಕ್ಷ ರೂಪಾಯಿಗಳ ಆರ್ಥಿಕ ಸಹಾಯಧನವನ್ನು ಮೃತರ ಪತ್ನಿಗೆ ಹಸ್ತಾಂತರಿಸಿದರು.ಇದೇ ವೇಳೆ, ಅದೇ ಗ್ರಾಮದ ಪ್ರಕಾಶ ಜೋಶಿ ಅವರು ಸಹ ಇದೇ ಅಪಘಾತದಲ್ಲಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರ ಕುಟುಂಬಸ್ಥರಿಗೂ ಪರ​‍್ಪ ಸವದಿ ಸಾಂತ್ವನ ಹೇಳಿದರು.

ಪರ​‍್ಪ ಸವದಿ ಅವರು ಈ ಸಂದರ್ಭದಲ್ಲಿ ಮಾತನಾಡುತ್ತಾ, "ನಮ್ಮ ಕಾರ್ಖಾನೆಯ ಚುನಾವಣೆ ಮುಗಿದು ಎಲ್ಲರೂ ಸಂತಸದಲ್ಲಿರುವಾಗ, ನಮ್ಮ ಗ್ರಾಮದ ಸಹಕಾರಿ ಬಂಧುಗಳು ಈ ರೀತಿ ಅಪಘಾತಕ್ಕೀಡಾಗಿರುವುದು ಅತ್ಯಂತ ದುಃಖದ ಸಂಗತಿ. ಮೃತ ರಾಜೇಸಾಬ ಜಮಾದಾರ ಅವರ ಕುಟುಂಬದ ನೋವನ್ನು ಹಣದಿಂದ ಅಳೆಯಲಾಗದು. ಆದರೂ, ಅವರ ಕಷ್ಟದ ದಿನಗಳಲ್ಲಿ ನಾನು ವೈಯಕ್ತಿಕವಾಗಿ 1 ಲಕ್ಷ ನೆರವು ನೀಡುತ್ತಿದ್ದೇನೆ. ನಮ್ಮ ಸಹಕಾರಿ ಕುಟುಂಬವು ಸದಾ ನಿಮ್ಮೊಂದಿಗಿರುತ್ತದೆ, ಎಂದು ತಿಳಿಸಿದರು ."ಅಲ್ಲದೆ, ಅಪಘಾತದಲ್ಲಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ  ಪ್ರಕಾಶ ಜೋಶಿ ಅವರ ಕುಟುಂಬಸ್ಥರು ಯಾವುದೇ ಆತಂಕಕ್ಕೆ ಒಳಗಾಗಬಾರದು. ಅವರ ಚಿಕಿತ್ಸೆಗೆ ಎಷ್ಟೇ ಖರ್ಚಾಗಲಿ, ಅದರ ಸಂಪೂರ್ಣ ವೆಚ್ಚವನ್ನು ನಾನೇ ಭರಿಸುತ್ತೇನೆ ಎಂದು ಭರವಸೆ ನೀಡುತ್ತೇನೆ. ಅವರ ಸಂಪೂರ್ಣ ಚೇತರಿಕೆಗೆ ನಾವು ಪ್ರಾರ್ಥಿಸುತ್ತೇವೆ ಎಂದು ಪರ​‍್ಪ ಸವದಿ ಅವರು ಘೋಷಿಸಿದರು.ಈ ಸಂದರ್ಭದಲ್ಲಿ ಗುರುಬಸು ತೇವರಮನಿ, ರಾಜು ನಾಡಗೌಡ, ಅಶೋಕ ಐಗಳಿ, ದುಂಡಪ್ಪ ಅಸ್ಕಿ, ರಾಮಪ್ಪ ಗುಮತಾಜ, ಫರೀದ ಅವಟಿ, ಪರಮಾನಂದ ತೇಲಿ ಸೇರಿದಂತೆ ಹಲವು ಮುಖಂಡರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದು, ಅಧ್ಯಕ್ಷರ ಮಾನವೀಯ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.