ತಾಳಿಕೋಟೆ 26 : ಪಟ್ಟಣದ ಪ್ರತಿಷ್ಠಿತ ವಿಪಿಎಮ್ ಮತ್ತು ಸೆಕ್ರೆಡ್ ಹಾರ್ಟ್‌ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಎಸ್‌.ಎಸ್‌.ಎಲ್‌.ಸಿ ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ತೋರಿದ್ದಾರೆ. ಫಲಿತಾಂಶ 97ಅ ಬಂದಿದೆ. ಪರೀಕ್ಷೆಗೆ ಒಟ್ಟು 29 ವಿದ್ಯಾರ್ಥಿಗಳು ಹಾಜರಾಗಿದ್ದು ಎಲ್ಲರೂ ಉತ್ತೇಣರಾಗಿದ್ದಾರೆ. 625 ಕ್ಕೆ 593 ಅಂಕ ಪಡೆದ ಕುಮಾರಿ ಸಂಜನಾ ಬಡದಾಳಿ ಪ್ರಥಮ ಸ್ಥಾನ, 625 ಕ್ಕೆ 591ಅಂಕ ಪಡೆದು ಶ್ವೇತಾ ಸುಳೇಭಾವಿ ಹಾಗೂ ಸುಮಯ್ಯ ಕೌಸರ್ ಜಮಾದಾರ ದ್ವಿತೀಯ ಸ್ಥಾನ ಮತ್ತು 625 ಕ್ಕೆ 558 ಅಂಕ ಪಡೆದ ಗಿರಿಜಾ ಗೋನಾಳ ತೃತೀಯ ಸ್ಥಾನ ಪಡೆದಿದ್ದಾರೆ.  

ಕನ್ನಡ ವಿಷಯದಲ್ಲಿ ಒಬ್ಬ ವಿದ್ಯಾರ್ಥಿ 100/100 ಅಂಕ, ಹಿಂದಿ ವಿಷಯದಲ್ಲಿ 8 ವಿದ್ಯಾರ್ಥಿಗಳು 100ಕ್ಕೆ 100 ಅಂಕ ಪಡೆದುಕೊಂಡಿದ್ದರೆ. ಒಬ್ಬ ವಿದ್ಯಾರ್ಥಿ ಸಮಾಜ ವಿಜ್ಞಾನದಲ್ಲಿ 100ಕ್ಕೆ 100 ಅಂಕ ಪಡೆದುಕೊಂಡು ಶಾಲೆಗೆ ಕೀರ್ತಿ ತಂದಿದ್ದಾರೆ. ವಿದ್ಯಾರ್ಥಿಗಳ ಈ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಶಾಲೆಯ ವ್ಯವಸ್ಥಾಪಕ, ಮುಖ್ಯೋಪಾಧ್ಯಾಯರು ಹಾಗೂ ಶಿಕ್ಷಕ ವೃಂದದವರು ಅಭಿನಂದನೆ ಸಲ್ಲಿಸಿದ್ದಾರೆ.