ಬೆಳಗಾವಿ  26: ಎಸ್‌.ಜಿ. ಬಾಳೇಕುಂದ್ರಿ  ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಆಗಸ್ಟ್‌ 25 ರಂದು ಉದ್ಯಮಶೀಲತಾ ಅಭಿವೃದ್ಧಿ ಕೋಶದ ಸಂಕೇತವಾಗಿ ಅದರ ಲೋಗೋ ಮತ್ತು ಬ್ಯಾನರನ್ನು ಅನಾವರಣಗೊಳಿಸುವುದರ ಮೂಲಕ  ಇ ಡಿ ಸೆಲ್‌ಅನ್ನು ಅಧಿಕೃತವಾಗಿ ಪ್ರಾರಂಭಿಸಲಾಯಿತು.  

ಮುಖ್ಯ ಅತಿಥಿಗಳಾಗಿ ಆಗಮಿಸಿದ ರೋಹಿತ್ ವಾಣಿಶ್ರೀ ಮತ್ತು ಗೌರವಾನ್ವಿತ ಅತಿಥಿಗಳಾಗಿ ವಿ.ಟಿ.ಯು ವಿ.ಆರ್‌.ಆಯ್‌.ಎಪ್ ಮತ್ತು ವಿಟಿಯು ಬೆಳಗಾವಿಯ ನಾವೀನ್ಯತೆ ಉದ್ಯಮಶೀಲತೆಯ ಮುಖ್ಯಸ್ಥ ಸಂತೋಷ ಇಟ್ಟನಗಿ ಅವರು ವಿದ್ಯಾರ್ಥಿಗಳಿಗೆ ನಾವೀನ್ಯತೆ ಮತ್ತು  ನಾಯಕತ್ವದ ಬಗ್ಗೆ ತಮ್ಮ ಚಿಂತನೆಗಳಿಂದ  ಪ್ರೇರೆಪಿಸಿದರು.  

ಇ ಡಿ ಸೆಲ್ ನ ಹೊಸದಾಗಿ ನೇಮಕಗೊಂಡ ಕೋರ್ ತಂಡವನ್ನು ಪರಿಚಯಿಸಲಾಯಿತು. ಯುರೇಕಾ! 2025 ಪಿಚಿಂಗ್ ಸ್ಪರ್ಧೆ, ಅಲ್ಲಿ 25 ವಿದ್ಯಾರ್ಥಿ ತಂಡಗಳು ಗೌರವಾನ್ವಿತ ತೀರ​‍್ುಗಾರರ ಸಮಿತಿಯ ಮುಂದೆ ವೈವಿಧ್ಯಮಯ ಕ್ಷೇತ್ರಗಳಲ್ಲಿ ನವೀನ ಪರಿಹಾರಗಳನ್ನು ಪ್ರಸ್ತುತ ಪಡಿಸಿದರು.  

ಪ್ರಾಚಾರ್ಯಡಾ. ಬಿ. ಆರ್‌. ಪಟಗುಂದಿ ಅವರು ವೃತ್ತಿ ಜೀವನವನ್ನು ರೂಪಿಸುವಲ್ಲಿ ಉದ್ಯಮಶೀಲತಾ ಚಿಂತನೆಯ ಪಾತ್ರ ಪ್ರಮುಖವೆಂದು ಹೇಳಿದರು. ಐಐಸಿ ಮತ್ತು ಇಡಿ ಸೆಲ್ ಸಂಯೋಜಕ ಡಾ. ನಾರಾಯಣ ಬಡಿಗೇರ ಅವರು 2024-25 ರ ಶೈಕ್ಷಣಿಕ ವರ್ಷದ ವರದಿಯನ್ನು ಹಂಚಿಕೊಂಡರು. ಮತ್ತು ವಿದ್ಯಾರ್ಥಿಗಳ ಆಲೋಚನೆಗಳನ್ನು ಪ್ರಭಾವಶಾಲಿ ಉದ್ಯಮಿಗಳಾಗಿ ಪರಿವರ್ತಿಸಲು ಸಹಾಯ ಮಾಡಿದರು. ವಿಜೇತರ ಘೋಷಣೆ ಮತ್ತು ಭಾಗವಹಿಸುವವರಿಗೆ  ಪ್ರತಿಯೊಂದು ದೊಡ್ಡ ಸ್ಟಾರ್ಟಪ್ ಒಂದು ಸಣ್ಣ ಕಲ್ಪನೆಯೊಂದಿಗೆ ಪ್ರಾರಂಭವಾಗುತ್ತದೆ ಎಂಬ ಸಂದೇಶದೊಂದಿಗೆ ಕಾರ್ಯಕ್ರಮವು ಮುಕ್ತಾಯವಾಯಿತು. 

ಈ ಉಡಾವಣೆಯನ್ನು ಅದ್ಭುತ ಯಶಸ್ಸಿನಿಂದ ಆಚರಿಸಲಾಯಿತು. ಸಂಸ್ಥೆಯಲ್ಲಿ ನಾವೀನ್ಯತೆಯ ಸಂಸ್ಕೃತಿಯ ವೇದಿಕೆಯನ್ನು ಸಿದ್ಧಪಡಿಸಿತು. ಕಾರ್ಯಕ್ರಮಕ್ಕೆ ನಮ್ಮ ಸಂಸ್ಥೆಯ ಎಲ್ಲ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಹಾಜರಿದ್ದರು.