ಗದಗ 22: ಸಮಾಜ ನಿರ್ಮಾಪಕರು ಮನುಷ್ಯರ ಅವಶ್ಯಕತೆಗಳನ್ನು ಅರ್ಥ ಮಾಡಿಕೊಳ್ಳುವವರು, ಸೇತುವೆ, ಕಟ್ಟಡ, ರಸ್ತೆ, ನೀರಾವರಿ ಯೋಜನೆಗಳನ್ನು ನಿರ್ಮಿಸುವ ಮೂಲಕ ದೇಶದ ಅಭಿವೃದ್ಧಿಗೆ ಶ್ರಮಿಸುವವರು. ಇಂಜಿನಿಯರ್ ಗಳು ತಮ್ಮ ವಿಶೇಷತೆಯಲ್ಲಿ ಅಧ್ಯಾತ್ಮಿಕತೆಯನ್ನು ಒಗ್ಗೂಡಿಸಿಕೊಂಡು ಹೋದರೆ ಅದು ದೇಶದ ಪ್ರಗತಿಗೆ ಹೊಸ ಶಕ್ತಿಯನ್ನು ನೀಡಬಲ್ಲದು, ಪ್ರಾಮಾಣಿಕತೆ, ಸಮರಾ​‍್ಣಭಾವ ಮತ್ತು ಪರೋಪಕಾರದಂತಹ ಮೌಲ್ಯಗಳುಇಂಜಿನಿಯರ್ ಗಳ ಜೀವನ ಮಟ್ಟವನ್ನು ಹೆಚ್ಚಿಸುತ್ತದೆ. ಈಶ್ವರೀಯ ವಿಶ್ವ ವಿದ್ಯಾಲಯದ ರಾಜಯೋಗ ಮೆಡಿಟೇಶನ್ ನ್ನು ಅಭ್ಯಾಸ ಮಾಡುತ್ತಾ ಕಾರ್ಯ ನಿರ್ವಹಿಸಿದರೆ ಮಾನಸಿಕ ಸ್ಥಿತಿಯು ಒತ್ತಡ ಮುಕ್ತ ಆಗುವುದು ಎಂದು ರಾಜಯೋಗಿನಿ ಬ್ರಹ್ಮಕುಮಾರಿ ಜಯಂತಿ ಅಕ್ಕನವರು ತಿಳಿಸಿದರು.  

ಸಿದ್ಧರಾಮೇಶ್ವರ ನಗರದ ಈಶ್ವರೀಯ ವಿಶ್ವ ವಿದ್ಯಾಲಯದಲ್ಲಿ ಜರುಗಿದ ಇಂಜಿನಿಯರ್ ಗಳ ದಿನಾಚರಣೆ ಸಂದರ್ಭದಲ್ಲಿ ಮಾತನಾಡಿದ ಅವರು, ದೇಹದ ಆರೋಗ್ಯ ಉತ್ತಮ ಆಗುವ ಕಾರ್ಯದಲ್ಲಿ ಕುಶಲತೆ, ನವೀನತೆ ಹೊರಹೊಮ್ಮುವುದು ಎಂದು ತಿಳಿಸುತ್ತಾ ಸ್ವರ್ಗಿಯ ಭಾರತ ನಿರ್ಮಿಸುವುದರಲ್ಲಿ ಇಂಜಿನಿಯಗಳ ಪಾತ್ರ ಮಹತ್ವಪೂರ್ಣವಾದದ್ದು ಎಂದು ಆಶೀರ್ವದಿಸಿ, ಸನ್ಮಾನಿಸಿದರು. ಸನ್ಮಾನ ಸ್ವೀಕರಿಸಿದ ಗದಗ ಜಿಲ್ಲಾ ಸಿವಿಲ್ ಇಂಜಿನಿಯರ್ ಗಳ ಸಂಘದ ಅಧ್ಯಕ್ಷರಾದ  ಬಸವರಾಜ ಮಲ್ಲನವರ ಮಾತನಾಡಿ ಮೆಡಿಟೇಶನ್ ಮಾಡುವ ಅಭ್ಯಾಸ ನಾವು ಅಳವಡಿಸಿಕೊಳ್ಳಲೇಬೇಕು ಎಂದು ಇಲ್ಲಿಯ ಪವಿತ್ರ ವಾತಾವರಣದಲ್ಲಿ ಆಗಮಿಸಿದಾಗ ಅನುಭವವಾಯಿತು ಎಂದು ಮೆಚ್ಚುಗೆಯನ್ನು ವ್ಯಕ್ತಪಡಿಸಿದರು.           

ನಗರಸಭೆಯ ಪೌರಕಾರ್ಮಿಕರ ಸೇವೆಯನ್ನು ಗುರುತಿಸಿ ಕಳೆದ ವರ್ಷ ಗೌರವ ಸಲ್ಲಿಸಿದ್ದೀರಿ, ಈಗ ನಮ್ಮನ್ನು ಕರೆದು ಸನ್ಮಾನಿಸಿ, ನಮ್ಮ ಶಕ್ತಿ, ಉತ್ಸಾಹ ತುಂಬಿ ಆಶಿರ್ವದಿಸಿದ್ದೀರಿ ಎಂದು ತಮ್ಮ ಸಂತೋಷವನ್ನು ಹಂಚಿಕೊಂಡರು. ಈ ಕಾರ್ಯಕ್ರಮದಲ್ಲಿ ಪಿರಮಿಡ್ ನಿರ್ಮಾಣದ ಕನ್ಸ್‌ ಲ್ಟಿಂಗ್ ಇಂಜಿನಿಯರ್ ಆಗಿರುವ  ಶಶಿಧರ, ಆರ್ ರೆಡ್ಡಿ,ರಂಗಣ್ಣನವರ್ ಅಸೋಸಿಯೇಟ್ಸ್‌ ನ ಇಂಜಿನಿಯರ್  ಮಹೇಶ ರಂಗಣ್ಣನವರ್, ಎಮ್‌.ಟೆಕ್ ಮುಗಿಸಿ ಅನೇಕ ವರ್ಷ ವ್ಯಾಲ್ಯುಯೇಟರ್ ಆಗಿ ಸೇವೆ ಸಲ್ಲಿಸಿ ವರ್ತಮಾನ ಸಮಯದಲ್ಲಿ ಈಶ್ವರೀಯ ವಿಶ್ವ ವಿದ್ಯಾಲಯದ ಸೇವೆಯಲ್ಲಿ ನಿರತರಾಗಿರುವ  ವಿಜಯಕುಮಾರ ಜಿರಿಗನ್ನವರ ಅವರು ಭಾಗವಹಿಸಿದರು.ಈ ಕಾರ್ಯಕ್ರಮದಲ್ಲಿ ಬಿ.ಕೆ ರೇಖಾ ಸ್ವಾಗತಿಸಿದರು, ಬಿ.ಕೆ.ಸಾವಿತ್ರಿ ವಂದಿಸಿದರು.