ಹೂವಿನ ಹಡಗಲಿ  28: ಮಕ್ಕಳಿಲ್ಲಿ ಅಡಗಿರುವ ಸೃಜನಶೀಲತೆ ಪ್ರೇರೇಪಿಸುವ ಕೆಲಸ ಆಗಬೇಕು ಎಂದು ಉಪ ಪ್ರಾಂಶುಪಾಲ ರವೀಂದ್ರನಾಥ ಬಿ ಅಭಿಮತ ವ್ಯಕ್ತಪಡಿಸಿದರು. 

ಪಟ್ಟಣದ ಸೊಪ್ಪಿನ ಕಾಳಮ್ಮ ಬಾಲಕಿಯರ ಪ್ರೌಢಶಾಲೆಯಲ್ಲಿ ಗುರುವಾರ ಪಟ್ಟಣ ವ್ಯಾಪ್ತಿಯ 2025-26 ನೇ ಸಾಲಿನ ಪ್ರೌಢಶಾಲಾ ವಿದ್ಯಾರ್ಥಿಗಳಪ್ರತಿಭಾ ಕಾರಂಜಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು. ಭಾಷಣ ಗಾಯನ ಅಭಿನಯ ನೃತ್ಯ ಚಿತ್ರಕಲೆ ಹೀಗೆ ವಿವಿಧ ಪ್ರಕಾರಗಳಲ್ಲಿ ಮಕ್ಕಳ ಕಲಾವಂತಿಕೆ ಬೆಳೆಸಿಕೊಳ್ಳಬೇಕು, ವಲಯ ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಗಳಲ್ಲಿ ವಿಜೇತರಾದವರು ತಾಲೂಕು ಮಟ್ಟದಲ್ಲೂ ಸಾಧನೆ ಮಾಡಿರಿ ಎಂದು ಶುಭಕೋರಿದರು.ಪ್ರತಿಭಾ ಕಾರಂಜಿ ಸಂಚಾಲಕ ಕನ್ನಡ ವಿಷಯ ಶಿಕ್ಷಕ ರಾಮಪ್ಪ ಕೋಟಿಹಾಳ ಸ್ಪರ್ಧೆಗಳ ಕುರಿತು ಮಾಹಿತಿ ನೀಡಿದರು.  

ಮುಖ್ಯ ಗುರು ಸುರೇಶ ಅಂಗಡಿ ತಾಲೂಕು ಪ್ರೌಢಶಾಲಾ ಸಹ ಶಿಕ್ಷಕರ ಸಂಘದ ರಾಜ್ಯ ಸಹ ಕಾರ್ಯದರ್ಶಿ ಗಡ್ಡಿ ಶಿವಕುಮಾರ್, ದೈಹಿಕ ಶಿಕ್ಷಕರಾದ ಯಂಕಾನಾಯ್ಕ್‌ ಶಿಕ್ಷಕರಾದ ಮುದ್ದಿ ಕಸ್ತೂರಿ ಲಲಿತಾ, ಪೂರ್ಣಿಮಾ ಸುಮಂಗಲಾ, ಶೋಭಾ ಬಸಪ್ಪ , ವೀರೇಶ್ ರೇವಡಿ ಬಸಮ್ಮ ಅಕ್ಕಿ, ಮೌಲಾಸಾಬ್ ಇತರರು ಇದ್ದರು. 

ಪಟ್ಟಣ ವ್ಯಾಪ್ತಿಯ ಸರ್ಕಾರಿ ಅನುದಾನಿತ ಅನುದಾನರಹಿತ ಪ್ರೌಢಶಾಲೆಗಳ ವಿದ್ಯಾರ್ಥಿಗಳು ವಿವಿಧ ವೈಯಕ್ತಿಕ ಹಾಗೂ ಗುಂಪು ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದರು.