ಬೆಳಗಾವಿ 11 : ಇಲ್ಲಿಯ ವಡಗಾವಿಯಲ್ಲಿ2007 ರಲ್ಲಿ ನಿರ್ಮಿಸಿದ ಹಾಗೂ ದುಸ್ಥಿತಿಯಲ್ಲಿರುವ ಗಡಿಭವನಕ್ಕೆ ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಡಾ.ಪುರುಷೋತ್ತಮ ಬಿಳಿಮಲೆ ಅವರುಶುಕ್ರವಾರ ಮುಂಜಾನೆ ಭೆಟ್ಟಿ ನೀಡಿದರು.  

ಈ ಭವನದ  ದುಸ್ಥಿತಿಯ ಬಗ್ಗೆಬೆಳಗಾವಿಯ ಕನ್ನಡ ಸಂಘಟನೆಗಳು ಗುರುವಾರ ನಡೆದ ಸಭೆಯಲ್ಲಿ ಬಿಳಿಮಲೆ ಅವರ ಗಮನ ಸೆಳೆದಿದ್ದವು.ಈ ಗಡಿಭವನದ ಬಗ್ಗೆ ಕುರಿತುವರದಿ ನೀಡುವಂತೆ ಬಿಳಿಮಲೆ ಅವರು ಮಹಾನಗರ ಪಾಲಿಕೆಯ ಆಯುಕ್ತೆಶ್ರೀಮತಿ ಶುಭಾ ಅವರಿಗೆ ನಿನ್ನೆ ಸೂಚನೆ ನೀಡಿದ್ದರು. ಬಿಳಿಮಲೆ ಅವರ ಜೊತೆ ಕನ್ನಡಅಭಿವೃದ್ಧಿ ಪ್ರಾಧಿಕಾರದ ಸದಸ್ಯೆಶ್ರೀಮತಿ ದ್ರಾಕ್ಷಾಯಿಣಿ ಹುಡೇದ,ಗಡಿ ಪ್ರದೇಶಾಭಿವೃದ್ಧಿ ಪ್ರಾಧಿಕಾರದ ಸದಸ್ಯ ಅಶೋಕ ಚಂದರಗಿ,ಬಸವರಾಜ ಕಟ್ಟೀಮನಿ ಪ್ರತಿಷ್ಠಾನದ ಅಧ್ಯಕ್ಷ ವೈ.ಬಿ.ಹಿಮ್ಮಡಿ,ಮಹಾನಗರ ಪಾಲಿಕೆ ಸದಸ್ಯರಮೇಶ ಸೊಂಟಕ್ಕಿ ಇದ್ದು ಗಡಿಭವನದ ನಿರ್ಮಾಣ ಮತ್ತು ಮುಂದೆ ಕೈ ಕೊಳ್ಳಬೇಕಾದಕ್ರಮಗಳ ಬಗ್ಗೆ ಚರ್ಚಿಸಿದರು  .