ಲೋಕದರ್ಶನ ವರದಿ 

ಕಂಪ್ಲಿ 29 : ವಿದ್ಯೆಗೆ ಬಡತನ ಅಡ್ಡಿ ಇಲ್ಲ ಎಂಬಂತೆ ಇಲ್ಲಿನ ವಿದ್ಯಾರ್ಥಿನಿ ತನ್ನ ಬಡವನವನ್ನೇ ಮೆಟ್ಟಿ ಶಿಕ್ಷಣ ಎಂಬ ರಂಗದಲ್ಲಿ ಅದ್ವಿತೀಯ ಸಾಧನೆಯೊಂದಿಗೆ ಡಾಕ್ಟರ್‌ರೇಟ್ ಪದವಿಯನ್ನು ರಾಯಚೂರು ನಗರದಲ್ಲಿರುವ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ(ವಿಮ್ಸ್‌)ಯಲ್ಲಿ ಮುಗಿಸಿದ್ದಾಳೆ. ಹೌದು...! ಕಂಪ್ಲಿ ಪಟ್ಟಣದ ಸರ್ಕಾರಿ ಆಸ್ಪತ್ರೆಯ ಗೇಟ್ ಬಳಿಯಲ್ಲಿ ಜೀವನದುದ್ದಕ್ಕೂ ಸಣ್ಣ ಹೋಟಲ್‌ನಲ್ಲೇ ಜೀವನ ಕಳೆಯುತ್ತಿರುವ ಸರಸ್ವತಿ ವೆಂಕಟೇಶ ದಂಪತಿಯ ಪುತ್ರಿ ಡಾ.ಎನ್‌.ಗೀತಾ ಎಂಬಿಬಿಎಸ್ ಮುಗಿಸಿ, ಇನ್ನೇನು ಪೋಷಕರು ಕನನು ನನಸು ಮಾಡಿದ್ದಾಳೆ. ನಮಗೆ ಏನೇ ಕಷ್ಟ ಬಂದರೂ ಮಕ್ಕಳಿಗೆ ಉನ್ನತ ಮಟ್ಟದಲ್ಲಿ ಶಿಕ್ಷಣ ಕೊಡಿಸಬೇಕೆಂಬ ಹಂಬಲದಿಂದ ಇಲ್ಲಿನ ಕಿರು ಹೋಟಲ್ ನಡೆಸಿಕೊಂಡು ಮಗಳಿಗೆ ಉನ್ನತ ಮಟ್ಟದ ಶಿಕ್ಷಣ ಕೊಡಿಸಿರುವುದು ಮಾದರಿಯಾಗಿದೆ.

ದಿನದಿನತ್ಯದ ಕಷ್ಟ : ನಮ್ಮ ಪೋಷಕರು ದಿನನಿತ್ಯ ಹೋಟಲ್‌ನಲ್ಲಿ ಮಾಡುತ್ತಿರುವ ಕಷ್ಟವನ್ನು ನೋಡಿ, ಹೇಗಾದರೂ ಮಾಡಿ, ನಾನು ಒಳ್ಳೆಯ ಶಿಕ್ಷಣ ಪಡೆದು, ಪೋಷಕರಿಗೆ ಒಂದೊಳ್ಳೆ ಹೆಸರು ತರಬೇಕೆಂಬ ನಿಟ್ಟಿನಲ್ಲಿ ಕಂಪ್ಲಿ ಪಟ್ಟಣದಲ್ಲಿ ಪಾಥಮಿಕ, ಹಿರಿಯ ಪ್ರೌಢಶಾಲಾ ಶಿಕ್ಷಣವನ್ನು ಉತ್ತಮ ಮಟ್ಟದಲ್ಲಿ ಸಾಧನೆ ಪಡೆದಿದ್ದಾಳೆ. ನಂತರ ಪೌಢಶಾಲಾ ವಿದ್ಯಾಭ್ಯಾಸವನ್ನು ಕಂಪ್ಲಿ ನಗರ ಚೇತನವಿದ್ಯಾನಿಕೇತನ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯಲ್ಲಿ ಮುಗಿಸುವ ಮೂಲಕ ಎಸ್ಸೆಸ್ಸೆಲ್ಸಿಯಲ್ಲಿ ಶೇ.98ಅ ರಷ್ಟು ಫಲಿತಾಂಶದ ಸಾಧನೆ ತನ್ನದಾಗಿಸಿಕೊಂಡಿದ್ದಾಳೆ. ತದನಂತರ ಬಳ್ಳಾರಿಯ ಶ್ರೀಚೈತನ್ಯ ಕಾಲೇಜಿನಲ್ಲಿ ದ್ವಿತೀಯ ವ್ಯಾಸಾಂಗದಲ್ಲಿ ಶೇ.92ರಷ್ಟು ಅಂಕ ಪಡೆದುಕೊಂಡಿದ್ದಾಳೆ. ನಂತರ ಓದಿನಲ್ಲಿನ ನಿರಂತರ ಪರಿಶ್ರಮದಿಂದ ನೀಟ್ ಪರೀಕ್ಷೆಯಲ್ಲಿ 528 ಅಂಕಗಳೊಂದಿಗೆ ಎಂಬಿಬಿಎಸ್ ಸೀಟ್‌ಗೆ ಆಯ್ಕೆಗೊಂಡಿದ್ದಾಳೆ.

ಈಗ ಎಂಬಿಬಿಎಸ್ ಪದವಿ ಪೂರ್ಣಗೊಳಿಸಿ ವೈದ್ಯರಾಗಿದ್ದಾರೆ. ತಮ್ಮ ಕನಸಿನಂತೆ ಶಿಕ್ಷಕರ, ಉಪನ್ಯಾಸಕರ ಪಾಠ, ಪ್ರವಚನದ ಜೊತೆಗೆ ನಿರಂತರ ಓದಿನಿಂದಾಗಿ ಇಂದು ಡಾಕ್ಟರೇಟ್ ಪದವಿ ಮುಗಿಸುವ ಕನಸು ನನಸು ಮಾಡಿದ ಸಾಧನೆ ಗೀತಾಳದ್ದಾಗಿದೆ. ಡಾ.ಎನ್‌.ಗೀತಾ ಮಾತನಾಡಿ, ನಮ್ಮ ಪೋಷಕರು ಫುಟ್‌ಬಾತ್‌ನಲ್ಲಿ ಸಣ್ಣದೊಂದು ಹೋಟಲ್ ಇಟ್ಟುಕೊಂಡು, ಇಲ್ಲಿತನದ ಓದಲು ಸಾಕಷ್ಟು ಅನುವು ಮಾಡಿಕೊಟ್ಟಿದ್ದಾರೆ. ಅವರ ಕಷ್ಟಗಳನ್ನು ಅರಿತು, ಹೇಗಾದರೂ ಮಾಡಿ ನಾನು ವೈದ್ಯೆಯಾಗಬೇಕೆಂಬ ಕನಸಿನೊಂದಿಗೆ ನಿರಂತರವಾಗಿ ಓದಿನ ಕಡೆಗೆ ಹೆಚ್ಚು ಒತ್ತು ನೀಡಿದ್ದೇನೆ. ಇದರಿಂದ ಈಗ ಎಂಬಿಬಿಎಸ್ ಮುಗಿಸಲು ಸಾಧ್ಯವಾಗಿದೆ. ಇನ್ನೇನು ವೈದ್ಯಳಾಗಿ ಜನರ ಸೇವೆ ಮಾಡುತ್ತೇನೆ ಎಂದರು.