ಜಿಲ್ಲಾ ಮಟ್ಟದ ಕ್ರೀಡಾಕೂಟ 

      ಬೆಳಗಾವಿ 05:  ಶಾಲಾ ಶಿಕ್ಷಣ ಇಲಾಖೆ (ಪದವಿ ಪೂರ್ವ) ಬೆಳಗಾವಿ ಹಾಗೂ ಸುರೇಶ ಅಂಗಡಿ ಶಿಕ್ಷಣ ಪ್ರತಿಷ್ಠಾನದ ಅಂಗಡಿ ವಾಣಿಜ್ಯ ಮತ್ತು ವಿಜ್ಞಾನ ಪದವಿ ಪೂರ್ವ ಮಹಾ ವಿದ್ಯಾಲಯ ಬೆಳಗಾವಿ ಇವರ ಸಹ ಯೋಗದಲ್ಲಿ 2025-26ನೇ ಶೈಕ್ಷಣಿಕ ವರ್ಷದ ಬೆಳಗಾವಿ ಜಿಲ್ಲಾ ಮಟ್ಟದ ಕ್ರೀಡಾ ಸ್ಪರ್ಧೆಗಳಾದ ಕರಾಟೆ, ಬಾಸ್ಕೇಟ್ ಬಾಲ್, ಕುಸ್ತಿ ಮತ್ತು  ಬೆಲ್ಟ್‌ ಕುಸ್ತಿ ಕ್ರೀಡೆಗಳನ್ನು ದಿ. 03 ಮತ್ತು 04ರಂದು ಎರಡು ದಿನಗಳ ಕಾಲ ಆಯೋಜಿಸಲಾಗಿತ್ತು. 

        ಸಪ್ಟಂಬರ 03, 2025 ರಂದು ಬೆಳಗಾವಿಯ ಜಿಲ್ಲಾ ಕ್ರೀಡಾಂಗಣದಲ್ಲಿ ಉದ್ಘಾಟನಾ ಕಾರ್ಯಕ್ರಮದ ಮೂಲಕ ಬಾಸ್ಕೇಟ್ ಬಾಲ್ ಕ್ರೀಡೆಗೆ ಚಾಲನೆಯನ್ನು ನೀಡಲಾಯಿತು. ಈ ಸಂದರ್ಭದಲ್ಲಿ ಅಂಗಡಿ ವಾಣಿಜ್ಯ ಮತ್ತು ವಿಜ್ಞಾನ ಪದವಿ ಪೂರ್ವ ಮಹಾ ವಿದ್ಯಾಲಯದ ಪ್ರಾಚಾರ್ಯರರಾದ ಪ್ರೋ. ಸಂಜೀವ ಕುಮಾರಮಠ, ಪ್ರೋ. ವಿಶಾಂತ ದಾಮೋಣೆ ದೈಹಿಕ ಉಪನ್ಯಾಸಕರು ಮತ್ತು ವಾಣಿಜ್ಯ ವಿಭಾಗದ ಮುಖ್ಯಸ್ಥರಾದ ಪ್ರೋ. ನಾಗೇಶ್ವರ ದೇಮಿನಕೊಪ್ಪ ಹಾಗೂ ಪಂದ್ಯದ ನಿರ್ಣಾಯಕರಾಗಿ ಆಗಮಿಸಿದ ಬೆಳಗಾವಿ ಜಿಲ್ಲಾ ಬಾಸ್ಕೇಟ ಬಾಲ್ ತರಬೇತಿದಾರರಾದ ವ್ಹಿ. ಎಸ್‌. ಪಾಟೀಲ ಮತ್ತು ತಂಡದವರು ಹಾಗೂ ಬೆಳಗಾವಿಯ ಜಿಲ್ಲಾ ಕ್ರೀಡಾ ಶಾಲೆ ಮತ್ತು ವಸತಿ ನಿಲಯ ಕ್ರೀಡಾಂಗಣದಲ್ಲಿ ಉದ್ಘಾಟನಾ ಕಾರ್ಯಕ್ರಮದ ಮೂಲಕ ಕುಸ್ತಿ ಮತ್ತು  ಬೆಲ್ಟ್‌ ಕುಸ್ತಿ ಕ್ರೀಡೆಗೆ ಚಾಲನೆಯನ್ನು ನೀಡಲಾಯಿತು. ಈ ಸಂದರ್ಭದಲ್ಲಿ ಅತಿಥಿಗಳಾಗಿ ಆಗಮಿಸಿದ ಹಿರಿಯ ಕುಸ್ತಿ ತರಬೇತಿದಾರರು ಕ್ರೀಡಾ ಶಾಲೆ ಚಂದರಗಿ ಡಿ. ಮಂಜುನಾಥ ಹಾಗೂ ನಿರ್ಣಾಯಕರಾಗಿ ಆಗಮಿಸಿದ ನಾಗರಾಜ ಮತ್ತು ಹನಮಂತ ಕುಸ್ತಿ ತರಬೇತಿದಾರರು ಹಾಗೂ ಬೇರೆ ಬೇರೆ ಮಹಾವಿದ್ಯಾಲಯಗಳಿಂದ ಆಗಮಿಸಿದ ವಿದ್ಯಾರ್ಥಿಗಳು ಮತ್ತು ಉಪನ್ಯಾಸಕರು ಉಪಸ್ಥಿತರಿದ್ದರು. 

         ಬಾಸ್ಕೇಟ್ ಬಾಲ್ ಪಂದ್ಯದಲ್ಲಿ ಬಾಲಕರ ವಿಭಾಗದಲ್ಲಿ ಜೈನ ಪದವಿಪೂರ್ವ ಮಹಾವಿದ್ಯಾಲಯ ಬೆಳಗಾವಿ ವಿದ್ಯಾರ್ಥಿಗಳು ಪ್ರಥಮ ಸ್ಥಾನವನ್ನು ಪಡೆದುಕೊಂಡಿರುತ್ತಾರೆ ಹಾಗೂ ದ್ವೀತಿಯ ಸ್ಥಾನವನ್ನು ಆರ್‌.ಎಲ್,ಎಸ್‌. ಪದವಿಪೂರ್ವ ಮಹಾವಿದ್ಯಾಲಯ ಬೆಳಗಾವಿ ವಿದ್ಯಾರ್ಥಿಗಳು ಪಡೆದುಕೊಂಡಿರುತ್ತಾರೆ. ಬಾಲಕಿಯರ ವಿಭಾಗದಲ್ಲಿ ಆರ್‌.ಎಲ್,ಎಸ್‌. ಪದವಿಪೂರ್ವ ಮಹಾವಿದ್ಯಾಲಯ ಬೆಳಗಾವಿ ವಿದ್ಯಾರ್ಥಿನಿಯರು ಪ್ರಥಮ ಸ್ಥಾನವನ್ನು  ಹಾಗೂ ಗೋಪಾಲಜಿ ಜಿನಗೌಡ ಪದವಿಪೂರ್ವ ಮಹಾವಿದ್ಯಾಲಯ ಬೆಳಗಾವಿ ವಿದ್ಯಾರ್ಥಿನಿಯರು ದ್ವೀತಿಯ ಸ್ಥಾನವನ್ನು ಪಡೆದುಕೊಂಡಿರುತ್ತಾರೆ. 

         ಸಪ್ಟಂಬರ 04, 2025 ರಂದು ಅಂಗಡಿ ವಾಣಿಜ್ಯ ಮತ್ತು ವಿಜ್ಞಾನ ಪದವಿ ಪೂರ್ವ ಮಹಾ ವಿದ್ಯಾಲಯದಲ್ಲಿ ಉದ್ಘಾಟನಾ ಕಾರ್ಯಕ್ರಮದ ಮೂಲಕ ಕರಾಟೆ ಕ್ರೀಡೆಗೆ ಚಾಲನೆಯನ್ನು ನೀಡಲಾಯಿತು.  

         ಈ ಕಾರ್ಯಕ್ರಮಕ್ಕೆ ಅತಿಥಿಗಳಾಗಿ ಆಗಮಿಸಿದ ಶ್ರೀ ವ್ಹಿ. ಎಸ್‌. ಪಾಟೀಲ ಬೆಳಗಾವಿ ಜಿಲ್ಲಾ ಬಾಸ್ಕೇಟ ಬಾಲ್ ತರಬೇತಿದಾರರು ಹಾಗೂ ಗೋಗಟೆ ಪದವಿ ಪೂರ್ವ ಮಹಾ ವಿದ್ಯಾಲಯದ ಡಾ. ಅಮೀತ ಜಡೆ ದೈಹಿಕ ಉಪನ್ಯಾಸಕರು ಮತ್ತು ಶ್ರೀ ಜಿತೇಂದ್ರ ಕಾಕತಿಕರ ಇವರು ಕರಾಟೆ ತರಬೇತಿದಾರರು ಹಾಗೂ ಇವರು ಸ್ಪರ್ಧೆಯಲ್ಲಿ ಭಾಗವಹಿಸಿದ ವಿದ್ಯಾರ್ಥಿಗಳಿಗೆ ಕರಾಟೆ ಸ್ಪರ್ಧೆಯ ನಿಯಮಗಳನ್ನು ವಿವರಿಸಿದರು. 

          ಈ ಸಂದರ್ಭದಲ್ಲಿ ಅಂಗಡಿ ವಾಣಿಜ್ಯ ಮತ್ತು ವಿಜ್ಞಾನ ಪದವಿ ಪೂರ್ವ ಮಹಾ ವಿದ್ಯಾಲಯದ ಪ್ರಾಚಾರ್ಯರರಾದ ಪ್ರೋ. ಸಂಜೀವ ಕುಮಾರಮಠ  ಅಧ್ಯಕ್ಷೀಯ ಭಾಷಣ ಮಾಡಿದರು ಮತ್ತು ವಾಣಿಜ್ಯ ವಿಭಾಗದ ಮುಖ್ಯಸ್ಥರಾದ ಪ್ರೋ. ನಾಗೇಶ್ವರ ದೇಮಿನಕೊಪ್ಪ ಸ್ವಾಗತ ಭಾಷಣ ಮಾಡಿದರು ಮತ್ತು ಪ್ರೋ. ಎಸ್‌. ಸಿ. ಹೆದ್ದೂರಿ ಕಾರ್ಯಕ್ರಮ ನಿರೂಪಿಸಿದರೆ ಪ್ರೋ. ವಿಶಾಂತ ಧಾಮೋಣೆ ವಂದನಾರೆ​‍್ಣ ಕಾರ್ಯಕ್ರಮ ನೆರವೇರಿಸಿದರು. ಈ ಸಂದರ್ಭದಲ್ಲಿ ವಿಜ್ಞಾನ ವಿಭಾಗದ ಮುಖ್ಯಸ್ಥರಾದ ಪ್ರೋ. ಪ್ರಸಾದ ಪಾಲನಕರ ಹಾಗೂ ಪ್ರೋ. ಅಭಯ ಅಜಗಾಂವಕರ ಮತ್ತು ಎಲ್ಲ ಉಪನ್ಯಾಸಕರು  ಮತ್ತು ಉಪನ್ಯಾಸಕೇತರರು ಉಪಸ್ಥಿತರಿದ್ದರು.